Osea 7
7
1ho mi akpi nyemu ka husa Yisaraere ni,
gu irairapai nga ga Efuraima ki kuru,
na gu gbigbitapai nga ga Somorona a;
bambiko i mangi pai ni biriki,
iradĩ rimi ku dimo yo,
abagbuahe ki nigbu ahe zegi yo
2Ono i aberã nga pa ha
ya mi tingidi pa gayo gbigbitapai dunduko te.
Awere gayo mangaapai ke pati yo,
si du kina ku bara bangire.
3I nangiisa gayo bakindo na gayo gbigoitapai,
na abazogo a be gayo biriki.
4I dunduko nga airabari;
i wa kina gindadigindadi gbigiwi,
baudi kpokuta nambu utuda we ti ni,
tona ti puta ngungo daho agbooro ka ndu ni rogo ho du.
5Ti rago gaani bakindo, abazogo
akaza be gu faarago nga ga imekakue;
ko tai beko wa sa na airasawia.
6Bambiko ngbaduyo nagbi be biriki wa kina gbigiwi;
gayo zinga nakf riaria yuru sasasa;
wiso si ki ngaria wa kina mirãwe.
7I dunduko du fafoi wa gbigiwi,
i ki riti gayo abasapungbanga.
Gayo abakindo kpi dunduko;
a nga boro sa dagba yo yo nayamba re te.
8Efuraima nakpamia tiko na aboro;
Efuraima du wa rukutu zozo kpokuta i aria nga ha ku bani ya.
9Akare nyasi omeko dú,
ka ko aina nga ha ya;
pusi mangeri du riko yo, ka ko aina nga pa ha ya.
10Gu ruka nga ga aYisaraere nga dezire kuti ko;
ono i akaraga nga tiyo kóyo du Yekova ni nga gayo Mbori te,
i agbata nga ko a tipa agu apai re dunduko te.
11Efuraima du wa kina mbipo,
wa mumungo ru zanga wene berã,
wa yambu yo he ku Ezipeta yo, nindu yo ku Asura yo.
12Wa i andu, mi azáraga gi pio ku ri yo;
mi azóga yo ku sande wa azire ari;
mi ambúsa yo ku sangba gayo gumbapai yo.
13Na gberẽ he fu yo, bambiko i ingi ti re!
Gbarasapai dú fu yo, bambiko i sa mungu kuti re!
Mi aidi ka tumo yo, ono i gumba kina zire kuti re.
14I akpara nga fere ku kpotoyo yo te,
ono i yoro wawa auru gayo abarame;
bambiko i nadewa tiyo tipa zende ahe na imekakue,
i sa mungu kuti re.
15Wa vura mi yugo pai fu yo ki nyakasi beyo,
ono i ta sangi gbegberẽpai kuti re.
16I sa tiyo fuo Bara;
i wa mboto biriki,
gayo abazogo akpíka be basape
bambiko gu wasiro du ngbayo yo.
I aúmo yo tipa gere ringara Ezipepeta yo.
Currently Selected:
Osea 7: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
