Osea 5
5
Pa mbusa fu aYisaraere tipa gayo tikusayo
1Ako aboromotumo, oni gi gere!
Ako ngbatunga aYisaraere, oni dége turoni!
Ako ngbatunga bakindo, oni yé turoni!
Bambiko sarangbanga du tipa roni;
bambiko oni nidu ni gbina Misipa yo,
ni pio gbaragi tihe ri Tabora.
2I ge due dudungura nga Sitimi;
ono mi azá yo dunduko.
3Mi ini Efuraima,
ka i oko nga Yisaraere ti re ya;
Ako Efuraima, bambiko mo mangi sino pa bari awere,
Yisaraere ki biriko.
4Gayo mangaapai aida nga ha fu yo
i karaga tiyo berewe fu gayo Mbori te.
Bambiko nyemu pa bari du rogo yo yo,
ka i aina nga Yekova ya.
5Gu ruka nga ga Yisaraere du ni dezirepai kuti ko;
Efuraima akóta mbiko gu pai dũ ku ri ko;
Yuda akóta a wa sa na yo.
6I andú na arimbasa gayo akandoro na arimbasa gayo zogozogo anya
ka gbata Yekova,
ono i abi nga ko te;
bambiko ko di tiko ti yo ku sa yo.
7I amangi pai ni biriki fu Yekova;
bambiko i avungu agude ti auro.
Fogo diwi aríta yo awere na gayo aati.
8Oni vú nambongo Giba yo,
na mbanya Rama yo.
Oni zigbasi rago Beta-avena yo;
Ako Benyamina, mo kío!
9Efuraima adú wa bate
rago zaapai;
mi taki pande gu pai nga ga rengo
dagba angbatunga aYisaraere.
10Abazogo aYudo sa tiyo
wa agu yo gbisi úyugo bangbandarago;
mi aúka gi dingidingi ngbaduse ku ri yo wa ime.
11I rungosi Efuraima, i di be ko rogo sarangbanga,
bambiko i abi ko ko nindu fuo kungba pai.
12Si du mi du wa gbaru fu Efuraima,
wa gu ugu ngua nakuruka fu ngbatunga aYudo.
13Ho Efuraima abi gako kaza ni,
Yuda ki bi gako oro a,
Efuraima ki ndu ku Asura yo,
ki kedi sunge koyo du Bakindo Yarebe ni.
Ono ko arengba nga ka husa roni te
watadu husa gaoni oro a te.
14Bambiko mi adú wa bahu fu Efuraima,
wa paranga bahu fu ngbatunga aYudo.
Mi, boro mi, mi asípa yo ki guari,
mi andú na yo ku sa yo, ka boro abátasa nga yo wa sa ya.
Pa ga aYisaraere saberã na biriki
15Mi akaraga tire berewe ku rogo gi ba,
daho i ka kusa pa gayo tindika ni ki gbata kpakpure,
ki nigbata re rayo gayo fudifudipai, niya.
Currently Selected:
Osea 5: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
