Osea 3
3
Pa Osea na debari
1Yekova ki ya fere, “Mo ndú berewe, mo kpi nyemu gu de gu kura kumba nakpi nyemu ri nga debari a; wa Yekova nakpi nyemu awiri aYisaraere, ka i vura sa tiyo fu kura ambori nikpi nyemu ugu kpura rindi bakakue.” 2Si du mi angbe ri na sekere feda 15 na zende ahe wa ga mapunga wa aritere 554. 3Mi ki ya fu ri, “Mo ka raka wa gimi ri tipa dungu arame; mo amánga nga bari berewe te, watadu du ni dia kura kumba a te; wo mi ka du foro a.” 4Bambiko awiri aYisaraere aráka tipa dungu arame zanga bakindo na bazogo, zanga motumo watadu duadua kpiaahe, zanga efoda na terafima. 5Awiri aYisaraere akáraga tiyo giza ka gbata Yekova gayo Mbori, na Dawidi gayo bakindo. 1 ayé na gunde koyo du Yekova ni na fuo gako weneringise, rogo agu arago nikadu ku mbata yo.
Currently Selected:
Osea 3: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
