Yezekere 41

1Fuo gere ni ki ye na mi ku dimo yo yekaru yo, ki ringbisi angua pangbaha; bakiaha ki du wa bagiza mbiribe sita ku bani na ku bani. 2Bakia barima adu wa bagiza mbiribe bawe; na pavuru barima adu wa bagiza mbiribe bisue ku bani na ku bani; ni ki ringbisi bagiza bebere basunga, bagizaha adu wa bagiza mbiribe 40, na patihe wa bagiza mbiribe 20. 3Ni ki rimi ku rogo gu vuruhe du dimoyo ki ringbisi angua pangba barima si adu wa bagiza mbiribe ue, na bakia barima adu wa bagiza mbiribe sita; apavuru barima ki du wa bagiza mbiribe saba. 4Ni ki ringbisi bagiza vuru bambu yo ku mbata yo dimoyo, si adu wa bagiza mbiribe 20, patihe adu wa bagiza mbiribe 20. Ni ki ya fere, Gere nga gu ba du ni kparakpara ha ziazia susi.

5Si du ni ki ringbisi vuro yekaru, banagaha ki du wa bagiza mbiribe sita; na bakia avuru bambu yo adu wa bagiza mbiribe biama pati pavuru yekaru kirikiri. 6Avuru bambu pavuruhe yo adu ni kparakakparaka ha ku ari biata, gu ri kura ha, 30 adu ti kparakakparaka ha ni ba sa sa. Memehe arimi ku pavuru yekaru kirikiri ka songoda vuro bambu pavuruhe yo, ka si adú nga na songodihe ti pavuru yekaru ya. 7Avuru bambu ti pavuruhe ki kindigi wa ndu he ku ari ni kparakakparaka ha rengbe na bakia meme kparakakparaka ha kirikiri pati yekaru; babita andu ku ari ti pavuru yekaru, were boro andu ku ari ti gu bambata avuru bambu sa gu avuru bambu du ku ari yo rogo gu avuru bambu du bebere he yo. 8Mi abi he ya tumbatumba rago adu ti yekaru kirikiri; bagiza amburu vuru bambu pavuruhe yo adu wa nganzi nzunzu wa bagiza mbiribe sita. 9Banaga gu pavuruhe nadu ku zegi yo ti avuru bambu adu wa bagiza mbiribe bisue; si du gu papara tumbatumba rago i ambu he gbua adu wa bagiza mbiribe bisue. Bakia bangbanda tumbatumba rago ti yekaru na gu 10avuru bambu nga ga vurukporo adu wa bagiza mbiribe 20 kirikiri pati yekaru ti pavuruhe dunduko. 11Agu angbadimo du ti avuru bambu pavuruhe yo ki za sa gu papara tumbatumba rago i ambu he gbua, ngbadimo sa ki za ku nodiyo, kura ngbadimo ki za ku sudiyo; bakia papara gu i ambu he gbua adu wa bagiza mbiribe bisue kirikiri.

12Bakia gu bambu nasa kpakpuhe sa ga yekaru vurukporo ku dioyo adu wa bagiza mbiribe 70; banaga pavuruhe adu wa bagiza mbiribe bisue pati he kirikiri, bagizaha adu wa bagiza mbiribe 90.

13Ni ki ringbisi bagiza yekaru, si ki du wa bagiza mbiribe 100; vurukporo gbia kuti bambu na vuroho ki du wa bagiza mbiribe 100; 14bakia pavuruhe ku uroyo barangba yekaru gbia kuti vurukporo adu wa bagiza mbiribe 100.

15Ni ki ringbisi bagiza bambu nasa kpakpuhe sa vurukporo ku dioyo gbia kuti vuroho ti pavuruhe ku bani na ku bani, si ki du wa bagiza mbiribe 100.

Vuru yekaru yo na gu vuru bambu du ku dimoyo na gu mbaraza du ku zegi yo, 16si dunduko adu ni dadidadi he ni ngua, si biata adu na umba abangirihe ti ni. Pavuru yekaru adu ni dadidadi he na ngua kirikiri, tona sande ki da ti abangiri bambu, were abangiri bambu adu ni dadidadi he, 17sa gu dagba rago ri ngbadimo, daku dimo yo a, na ku zegi yo a. Kpiaahe ni sese ngua adu ti pavuru bambu kirikiri vuruhe yo na ti gu basunga du bebere yekaru yo, 18kpia akeruba ki du na kpia asikisandkisa ki du dagba gu keruba na gu keruba. Akeruba adu na akpakpuhe ni ba ue: 19kpakpu boro koyo du gu sikisa ni ku pavuruhe ku bani sa, na kpakpu paranga bahu koyo du gu sikisa ni ti kura pavuruhe. 1 aseke he ti yekaru dunduko kirikiri; 20i aseke akeruba na asikisa ti vuro yekaru tona ti vuru bambu sande ka ndu ku ari ri ngbadimo.

21Bakia angua pangbadimo dimoyo ti yekaru adu na pavuruhe biama wa sa; ku barangba kparakpara ziazia ba he adu yo ni ngua nawira 22bamotumo, basonaha adu wa bagiza mbiribe biata, bagizaha adu wa bagiza mbiribe ue, patihe ki du wa bagiza mbiribe ue: atukpuhe ki du ni ngua na amburuhe, na pavuruhe a. Ni ki ya fere, “Gere nga gu mbisa du bara bangiri Yekova.” 23Dimo yo yekaru yo adu na angbadimo ti ni ni ba ue na ti kparakpara ziazia ba ue a. 24Angbadimo adu na akpuguru ti ni ue, akpuguru ue ki niba aba ti angbadimo ni ba sa sa. 25I aseke kpia akeruba ti angbadimo yekaru na kpia asikisa, ngbatunga ha wa gu i aseke he ti pavuruhe; wagiwagi angua adu ba ri mbaraza yo barangba ha ku zegi yo. 26Pavuru mbaraza adu na umba abangirihe ti ni na kpia asikisa ti ni a, na ti gu kura pavuruhe a. Were pavuru bambu adu na wagiwagi ngua ri he a.

Currently Selected:

Yezekere 41: ZB1978

Highlight

Copy