Yezekere 31
31
Pa gu pai naye sa Faro na avuruko
1Ti 11 garã, ti biata diwi, ti bambata rameru, sangba Yekova aye kono du mi ni niya: 2“Wiri boro, mo yá fu Faro bakindo aEzipeto na fu gako rimbasa:
“Mo nawira da rogo pa gamo du ni bahe?
3Mo ngére, mi aríngbisa ro kuti kedara Rebanona yo,
du na wene abehe ti ni na nzeremehe wa ku bire yo,
ki du ni basosono ho,
rihe ki da kina ku rogo adubo yo.
4Aime nambu ti ni,
dudungura ime ki sonosi he ni gbanga ha,
gaha adi ki nifu
pati ba rugo ho kirikiri,
ki nikparaka gaha awiriadi
fu agu angua dunduko du bire yo.
5Si du si ki nisono ni gbanga ha
ku ari yo gbe ku ri agu angua du
bire yo dunduko;
abehe ki nisono ni bakikindigi he
na apaha ni gbangagbanga ha,
mbiko gu ime du kpaima pati tarãha.
6Azire ari dunduko
ki nidua bambura ti rukutu abehe;
anya nvuo dunduko
ki batika awira tii abehe;
bakikindigi arikaaboro dunduko araki
tii nzeremehe yo.
7Si adu ni bawene he mbiko pa kia ha,
na tipa pa bagiza abehe;
bambiko atarãha arimi ku sende yo ku rogo ba kpaima aime.
8Agu akedara nadu rogo ga Mbori ati arengba nga na susa ha te,
kupuresa arengba nga na rukutu abehe a te;
gu ngua du wa bagbodi adu wa kina kungba he,
si arengba nga na abehe te;
a nga angua rogo ga Mbori ati
ngbanyaha adu wa gaha te.
9Mi amangi he ni bawenehe
na badungu abehe ti ni,
angua dunduko Edene yo naakpi he,
nga gu naadu rogo ga Mbori ati.
10“Si du ya Gbia MBORI wẽ: Bambiko si sono ku ari yo gbe ki moi rihe kina rogo adubo yo, kpotoho ki du na ruka tipa pa gaha sona, 11mi afu he ku be gu ni du na baome nga ga arikaaboro ni; ni amánga na ni ni rengo wa rengbe gaha gbigbitapai. Mi ba ha ku zegi yo. 12Kungba aboro, nga airakigisa aboro dagba arikaaboro susi i adé he ku sande ki mbu he. Abehe ati ku ri abaagangara yo na ku rogo angboongboo dunduko, rukutu abehe apíka ni kuadikuadi he rogo agene aime dunduko ringara yo; aboro dunduko kpotosende no agúari tii nzeremehe ki mbu he. 13Azire ari dunduko aráka ri gbarasigbarasi he, anya nvuo dunduko asúnga tii abehe. 14Si ki du wa gere dunduko ya angua dunduko du ti ngba aime asóna nga ni bagbanga ha te, watadu maa rihe ku rogo dubo yo a te; ka agu angua nambira ime adá nga ti pa gaha sona a ya; bambiko i ima fu he dunduko sa kpio, sa gu rago du ku tii sende yo wa sa na aboro, na agu yo nazorã ku Due yo.
15“Ya Gbia MBORI wẽ: Ho si ka zorã ni ku Baatoro kpikpi aboro yo mi arúga dudungura rago si kpari tipa ha, ki kisi gaha adi, dungu aime ki du ni kisikisi he; mi asá Rebanona ku bitimo yo mbiko ho, he amáka angua dunduko ati yo bambiko gaha pai. 16Mi akígisa arikaaboro i kio ti woro tigoho, ho mi ka ba ha ni ku Baatoro kpikpi aboro yo na agu yo nazorã ku Due yo; agu angua dunduko du Edene yo, gu siasia bawenehe du Rebanona yo, agu angua dunduko nambira ime, si adú dunduko ni wasawasa ha rogo gu rago du ku tii sende yo. 17I azórã na ni a ku Baatoro kpikpi aboro yo, koyo du agu yo ni i aimi yo ni basape; ii, agu yo naraka tii nzeremehe dagba arikaaboro yo i akpíka akpika. 18Da mo nawira ni rogo taarimo na rogo pa du ni bahe dagba angua Edene yo? I azóga ro wa sa na agu angua du Edene yo kina ku rogo gu rago du ku tii sende yo; mo apí dagba azangayeratise, na agu yo i aimi yo ni basape.
“Gere nga Faro na gako rimbasa aboro dunduko, wo poi Gbia MBORI.”
Currently Selected:
Yezekere 31: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 31
31
Pa gu pai naye sa Faro na avuruko
1Ti 11 garã, ti biata diwi, ti bambata rameru, sangba Yekova aye kono du mi ni niya: 2“Wiri boro, mo yá fu Faro bakindo aEzipeto na fu gako rimbasa:
“Mo nawira da rogo pa gamo du ni bahe?
3Mo ngére, mi aríngbisa ro kuti kedara Rebanona yo,
du na wene abehe ti ni na nzeremehe wa ku bire yo,
ki du ni basosono ho,
rihe ki da kina ku rogo adubo yo.
4Aime nambu ti ni,
dudungura ime ki sonosi he ni gbanga ha,
gaha adi ki nifu
pati ba rugo ho kirikiri,
ki nikparaka gaha awiriadi
fu agu angua dunduko du bire yo.
5Si du si ki nisono ni gbanga ha
ku ari yo gbe ku ri agu angua du
bire yo dunduko;
abehe ki nisono ni bakikindigi he
na apaha ni gbangagbanga ha,
mbiko gu ime du kpaima pati tarãha.
6Azire ari dunduko
ki nidua bambura ti rukutu abehe;
anya nvuo dunduko
ki batika awira tii abehe;
bakikindigi arikaaboro dunduko araki
tii nzeremehe yo.
7Si adu ni bawene he mbiko pa kia ha,
na tipa pa bagiza abehe;
bambiko atarãha arimi ku sende yo ku rogo ba kpaima aime.
8Agu akedara nadu rogo ga Mbori ati arengba nga na susa ha te,
kupuresa arengba nga na rukutu abehe a te;
gu ngua du wa bagbodi adu wa kina kungba he,
si arengba nga na abehe te;
a nga angua rogo ga Mbori ati
ngbanyaha adu wa gaha te.
9Mi amangi he ni bawenehe
na badungu abehe ti ni,
angua dunduko Edene yo naakpi he,
nga gu naadu rogo ga Mbori ati.
10“Si du ya Gbia MBORI wẽ: Bambiko si sono ku ari yo gbe ki moi rihe kina rogo adubo yo, kpotoho ki du na ruka tipa pa gaha sona, 11mi afu he ku be gu ni du na baome nga ga arikaaboro ni; ni amánga na ni ni rengo wa rengbe gaha gbigbitapai. Mi ba ha ku zegi yo. 12Kungba aboro, nga airakigisa aboro dagba arikaaboro susi i adé he ku sande ki mbu he. Abehe ati ku ri abaagangara yo na ku rogo angboongboo dunduko, rukutu abehe apíka ni kuadikuadi he rogo agene aime dunduko ringara yo; aboro dunduko kpotosende no agúari tii nzeremehe ki mbu he. 13Azire ari dunduko aráka ri gbarasigbarasi he, anya nvuo dunduko asúnga tii abehe. 14Si ki du wa gere dunduko ya angua dunduko du ti ngba aime asóna nga ni bagbanga ha te, watadu maa rihe ku rogo dubo yo a te; ka agu angua nambira ime adá nga ti pa gaha sona a ya; bambiko i ima fu he dunduko sa kpio, sa gu rago du ku tii sende yo wa sa na aboro, na agu yo nazorã ku Due yo.
15“Ya Gbia MBORI wẽ: Ho si ka zorã ni ku Baatoro kpikpi aboro yo mi arúga dudungura rago si kpari tipa ha, ki kisi gaha adi, dungu aime ki du ni kisikisi he; mi asá Rebanona ku bitimo yo mbiko ho, he amáka angua dunduko ati yo bambiko gaha pai. 16Mi akígisa arikaaboro i kio ti woro tigoho, ho mi ka ba ha ni ku Baatoro kpikpi aboro yo na agu yo nazorã ku Due yo; agu angua dunduko du Edene yo, gu siasia bawenehe du Rebanona yo, agu angua dunduko nambira ime, si adú dunduko ni wasawasa ha rogo gu rago du ku tii sende yo. 17I azórã na ni a ku Baatoro kpikpi aboro yo, koyo du agu yo ni i aimi yo ni basape; ii, agu yo naraka tii nzeremehe dagba arikaaboro yo i akpíka akpika. 18Da mo nawira ni rogo taarimo na rogo pa du ni bahe dagba angua Edene yo? I azóga ro wa sa na agu angua du Edene yo kina ku rogo gu rago du ku tii sende yo; mo apí dagba azangayeratise, na agu yo i aimi yo ni basape.
“Gere nga Faro na gako rimbasa aboro dunduko, wo poi Gbia MBORI.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.