Yezekere 30
30
Pa gbarasa Ezipeta
1Sangba Yekova ki ye kono du mi ni niya: 2“Wiri boro, mo gúmba pai wa nebi, ki ya, Ya Gbia MBORI wẽ:
“Mo yóro wawa, ‘Na gberẽ gu uru re!’
3Bambiko uruhe mbedi,
ga Yekova uru mbedi;
si adú ni uru dubo,
ni rago sarangbanga tipa arikaaboro.
4Basape ayé ku ri Ezipeta,
imisiri adú rogo Etiopia gbe,
ho kangba imiimi aboro ka tiwa ni Ezipeta yo,
ho i ka ga ni na gaha rimbasa aboro ku sa yo,
amburu gaha pai ki gbandaka.”
5Etiopia akpi be basape, na Puta, na Ruda, na Arabia dunduko, na Ribue, na aboro gu ringara i azunga he na yo.
6“Ya Yekova wẽ:
Agu yo nasongoda Ezipeta akpí akpi,
gu ruka nga ga gaha ome ati ku sande;
tona Migedora yo ki da ku Sewene yo
i ka kpika ni rogo yo be basape,
wo poi Gbia MBORI.
7Si ki du ni bate dagba agu aringara du ni ngbi ugure,
gaha abaakporo adú dagba agu abaakporo i agbu he.
8Si du i aína ha ya mi nga Yekova,
ho moi mi we ni ti Ezipeta,
na gaha amounda ki kuadi dunduko.
9“Ti gu uru re ipiipi abandusunge akúra yo du mi ni rogo abaakurungba ka kigisa gu zezere aEtiopia re; imisiri ayé ku ri yo gbe ti gu uru re nga ga Ezipeta rago sarangbanga; bambiko, mo ngére, si naye!
10“Ya Gbia MBORI wẽ:
Mi adígisa gu rimbasa aboro nga ga Ezipeta yo,
vuru be Nebukadenesara bakindo aBabero.
11Ko tigako na gako aboro, nga airakigisa aboro dagba arikaaboro susi,
i ayé na yo ka gbarasa ringara;
i agbé gayo abaasape kuti Ezipeta,
ki hisi ringara na kangba imiimi aboro.
12Mi ki ugudisi di nga Nire,
ki bagi ringara ku be gbegberẽ aboro;
mi akígisa ringara na ahe rogo ho dunduko,
vuru be kungba aboro,
mi, Yekova gumba ha.
13“Ya Gbia MBORI wẽ:
Mi agbárasa kpiaahe,
ki digisi pa kungba ahe Membi yo;
bazogo adú nga berewe ringara Ezipeta yo te;
si du mi amáa gunde rogo ringara Ezipeta.
14Mi asá Paterosa ni bate,
ki moi we ti Soana,
ki sari ngbanga ku ri Teoese.
15Mi ki uka gi ngariangaria zinga ku ri Perusiama
gu nyanyaki ba nga ga Ezipeta,
ki rogo gu rimbasa aboro Tebese yo ku sa yo.
16Mi ki moi we ti Ezipeta;
Perusiama adú na imisiripai gbe;
Tebese adú ni sapusapu he,
gaha angapa ki kuadi ku sande.
17Gu paranga aboro du Ono yo na Pibesete yo akpíka be basape;
ade andú ni zizi yo.
18Rago abíra Tapenesa yo,
ho mi ka kuadi pa zogarago yo ni nga ga Ezipeta,
gu ruka nga ga gaha ome ki digi;
Tapenesa adú ni dadidadi he be dubo,
awirihe nga ade andú ni zizi yo.
19Were mi ka sara ngbanga ku ri Ezipeta.
Si du i aína ha ya mi nga Yekova.”
20Ti 11 garã, ti bambata diwi, ti rameru saba, sangba Yekova aye kono du mi ni niya: 21“Wiri boro, mi kuadi be Faro bakindo aEzipeto; mo ngére, i avo nga ha te, ka husa ha ni vo ho ni giri remu oro a te, si du wa ka si du nyanyaki ka zada basape. 22Si du ya Gbia MBORI wẽ: Mo ngére, mi gbarasi rimo Faro bakindo aEzipeto, mi akúadi abeko, gu nyanyaki beko na gu nadu ni kitiri he; mi ki mangi basape si ti ati be ko. 23Mi agbándaka aEzipeto ku dagba arikaaboro yo, ki kparaka yo ku rogo aringara dunduko. 24Mi ki nyakasi be bakindo aBabero, ki moi gi basape ku beko yo; ono mi akúa be Faro, ko ki niuko ku bangiri bakindo aBabero wa gu boro nihõ sa kpio. 25Mi anyákasa be bakindo aBabero, ono be Faro ati ati; i ki ini he ya mi nga Yekova. Ho mi ka maa gi basape ni ku be bakindo aBabero, ko atáã ha koyo du ringara Ezipeta ni; 26mi ki gbandaka aEzipeto ku dagba arikaaboro yo ki kparaka yo ku rogo aringara dunduko. Si du i aína ha ya mi nga Yekova.”
Currently Selected:
Yezekere 30: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Yezekere 30
30
Pa gbarasa Ezipeta
1Sangba Yekova ki ye kono du mi ni niya: 2“Wiri boro, mo gúmba pai wa nebi, ki ya, Ya Gbia MBORI wẽ:
“Mo yóro wawa, ‘Na gberẽ gu uru re!’
3Bambiko uruhe mbedi,
ga Yekova uru mbedi;
si adú ni uru dubo,
ni rago sarangbanga tipa arikaaboro.
4Basape ayé ku ri Ezipeta,
imisiri adú rogo Etiopia gbe,
ho kangba imiimi aboro ka tiwa ni Ezipeta yo,
ho i ka ga ni na gaha rimbasa aboro ku sa yo,
amburu gaha pai ki gbandaka.”
5Etiopia akpi be basape, na Puta, na Ruda, na Arabia dunduko, na Ribue, na aboro gu ringara i azunga he na yo.
6“Ya Yekova wẽ:
Agu yo nasongoda Ezipeta akpí akpi,
gu ruka nga ga gaha ome ati ku sande;
tona Migedora yo ki da ku Sewene yo
i ka kpika ni rogo yo be basape,
wo poi Gbia MBORI.
7Si ki du ni bate dagba agu aringara du ni ngbi ugure,
gaha abaakporo adú dagba agu abaakporo i agbu he.
8Si du i aína ha ya mi nga Yekova,
ho moi mi we ni ti Ezipeta,
na gaha amounda ki kuadi dunduko.
9“Ti gu uru re ipiipi abandusunge akúra yo du mi ni rogo abaakurungba ka kigisa gu zezere aEtiopia re; imisiri ayé ku ri yo gbe ti gu uru re nga ga Ezipeta rago sarangbanga; bambiko, mo ngére, si naye!
10“Ya Gbia MBORI wẽ:
Mi adígisa gu rimbasa aboro nga ga Ezipeta yo,
vuru be Nebukadenesara bakindo aBabero.
11Ko tigako na gako aboro, nga airakigisa aboro dagba arikaaboro susi,
i ayé na yo ka gbarasa ringara;
i agbé gayo abaasape kuti Ezipeta,
ki hisi ringara na kangba imiimi aboro.
12Mi ki ugudisi di nga Nire,
ki bagi ringara ku be gbegberẽ aboro;
mi akígisa ringara na ahe rogo ho dunduko,
vuru be kungba aboro,
mi, Yekova gumba ha.
13“Ya Gbia MBORI wẽ:
Mi agbárasa kpiaahe,
ki digisi pa kungba ahe Membi yo;
bazogo adú nga berewe ringara Ezipeta yo te;
si du mi amáa gunde rogo ringara Ezipeta.
14Mi asá Paterosa ni bate,
ki moi we ti Soana,
ki sari ngbanga ku ri Teoese.
15Mi ki uka gi ngariangaria zinga ku ri Perusiama
gu nyanyaki ba nga ga Ezipeta,
ki rogo gu rimbasa aboro Tebese yo ku sa yo.
16Mi ki moi we ti Ezipeta;
Perusiama adú na imisiripai gbe;
Tebese adú ni sapusapu he,
gaha angapa ki kuadi ku sande.
17Gu paranga aboro du Ono yo na Pibesete yo akpíka be basape;
ade andú ni zizi yo.
18Rago abíra Tapenesa yo,
ho mi ka kuadi pa zogarago yo ni nga ga Ezipeta,
gu ruka nga ga gaha ome ki digi;
Tapenesa adú ni dadidadi he be dubo,
awirihe nga ade andú ni zizi yo.
19Were mi ka sara ngbanga ku ri Ezipeta.
Si du i aína ha ya mi nga Yekova.”
20Ti 11 garã, ti bambata diwi, ti rameru saba, sangba Yekova aye kono du mi ni niya: 21“Wiri boro, mi kuadi be Faro bakindo aEzipeto; mo ngére, i avo nga ha te, ka husa ha ni vo ho ni giri remu oro a te, si du wa ka si du nyanyaki ka zada basape. 22Si du ya Gbia MBORI wẽ: Mo ngére, mi gbarasi rimo Faro bakindo aEzipeto, mi akúadi abeko, gu nyanyaki beko na gu nadu ni kitiri he; mi ki mangi basape si ti ati be ko. 23Mi agbándaka aEzipeto ku dagba arikaaboro yo, ki kparaka yo ku rogo aringara dunduko. 24Mi ki nyakasi be bakindo aBabero, ki moi gi basape ku beko yo; ono mi akúa be Faro, ko ki niuko ku bangiri bakindo aBabero wa gu boro nihõ sa kpio. 25Mi anyákasa be bakindo aBabero, ono be Faro ati ati; i ki ini he ya mi nga Yekova. Ho mi ka maa gi basape ni ku be bakindo aBabero, ko atáã ha koyo du ringara Ezipeta ni; 26mi ki gbandaka aEzipeto ku dagba arikaaboro yo ki kparaka yo ku rogo aringara dunduko. Si du i aína ha ya mi nga Yekova.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.