Gate 17
17
Pa gbada ime ti mbia
(Geda 20:1-13)
1Rimbasa awiri aYisaraere ki guari dunduko rogo ngbakungba Sina ki nindu gayo nduge a wa Yekova arugu yo na ni, i ki zi bataya Refidimi yo; ka ime adu nga ho i mbiri he ya. 2Si du aboro akpakana Mose ti ni, ki ya, “Mo fú ime fu rani ani mbiri he.” Mose ki ya fu yo, “Tipagine oni akpakana re ti ni? Tipagine oni aasada Yekova ti ni?” 3Gomoro ime ki nimangi aboro amanga yo gbe, aboro ki nigumba rimo Mose agumba, ki ya, “Tipagine mo akusi rani ti ni Ezipeta yo ka imo rani na awirani na gaani zogozogo anya ni gomoro ime?” 4Mose ki ta kpara fu Yekova niya, “Gini pai mi ka manga fu agi aboro re? I ima mbeda ka zumuda re na mbia.” 5Yekova ki ya fu Mose, “Mo rógo ga aYisaraere abaakumba fuo ro, ki susi ku mbata yo fu aboro; gu ga ngbondo mo anari Nire na ni, mo zádi he bero, ki ndu. 6Mo ngére, mi arú bara bangiro yore ri gu mbia nga Orebe; mo ki nari mbia, ime agbáda ti ni, aboro ki mbiri he.” Mose ki mangi wo ku bangiri ga aYisaraere abaakumba. 7Ko ki yambu rimo gu ba re nga Masa, na Meriba, bambiko ga awiri aYisaraere kpakanahe, na bambiko wa i aasadi Yekova, niya, “Yekova dagba rani watadu ko ho te?”
Pa sovura na aAmareko
8AAmareko ki ye ki so vura na aYisaraere Refidimi yo. 9Mose ki ya fu Yosua, “Mo sía akumba fu rani, ki ndu ka so vura na aAmareko; mi arú ngba wiso ri gangara na ga Mbori ngbondo be re.” 10Yosua ki mangi a wa Mose agumba ha fu ko, ki so vura na aAmareko; Mose ki dakpa ku ri gangara yo na Arona na Uru. 11Si ki ta du wa gere, ho Mose anitumba beko ni ku ari, aYisaraere ki nidi be yo; ono ho ko anizogo beko ni aAmareko ki di be yo. 12Ono be Mose adu rorõi. I ki di mbia, ki moi he ku tii ko, ko ki sungu auru he. AArona ki songodi abeko ku ari na Uru, gu ni sa ki du ku kumbabeko yo, gu kura ni ki du ku garebeko yo. Abeko ki du adu ku ari nyanyaki daho uru ati ni. 13Yosua ki imi Amareko na gako aboro ni basape.
14Yekova ki ya fu Mose, “Mo ké gi pai re tipa tingida paha kitabu yo, ki gedi he ku tu Yosua yo, ya mi agbárasa Amareko, tingida nako ki go ago bangiri aboro sende no tii ngbangbaturũ no.” 15Mose ki dua bamotumo ki yambu rimoho nga, Yekova nga gi bendere, 16ki ya, “Be Yekova du ti ga bendere! Yekova nikaso vura kuti aAmareko tona ti gu rika ngbatungayo sa gu rika ngbatungayo.”
Currently Selected:
Gate 17: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Gate 17
17
Pa gbada ime ti mbia
(Geda 20:1-13)
1Rimbasa awiri aYisaraere ki guari dunduko rogo ngbakungba Sina ki nindu gayo nduge a wa Yekova arugu yo na ni, i ki zi bataya Refidimi yo; ka ime adu nga ho i mbiri he ya. 2Si du aboro akpakana Mose ti ni, ki ya, “Mo fú ime fu rani ani mbiri he.” Mose ki ya fu yo, “Tipagine oni akpakana re ti ni? Tipagine oni aasada Yekova ti ni?” 3Gomoro ime ki nimangi aboro amanga yo gbe, aboro ki nigumba rimo Mose agumba, ki ya, “Tipagine mo akusi rani ti ni Ezipeta yo ka imo rani na awirani na gaani zogozogo anya ni gomoro ime?” 4Mose ki ta kpara fu Yekova niya, “Gini pai mi ka manga fu agi aboro re? I ima mbeda ka zumuda re na mbia.” 5Yekova ki ya fu Mose, “Mo rógo ga aYisaraere abaakumba fuo ro, ki susi ku mbata yo fu aboro; gu ga ngbondo mo anari Nire na ni, mo zádi he bero, ki ndu. 6Mo ngére, mi arú bara bangiro yore ri gu mbia nga Orebe; mo ki nari mbia, ime agbáda ti ni, aboro ki mbiri he.” Mose ki mangi wo ku bangiri ga aYisaraere abaakumba. 7Ko ki yambu rimo gu ba re nga Masa, na Meriba, bambiko ga awiri aYisaraere kpakanahe, na bambiko wa i aasadi Yekova, niya, “Yekova dagba rani watadu ko ho te?”
Pa sovura na aAmareko
8AAmareko ki ye ki so vura na aYisaraere Refidimi yo. 9Mose ki ya fu Yosua, “Mo sía akumba fu rani, ki ndu ka so vura na aAmareko; mi arú ngba wiso ri gangara na ga Mbori ngbondo be re.” 10Yosua ki mangi a wa Mose agumba ha fu ko, ki so vura na aAmareko; Mose ki dakpa ku ri gangara yo na Arona na Uru. 11Si ki ta du wa gere, ho Mose anitumba beko ni ku ari, aYisaraere ki nidi be yo; ono ho ko anizogo beko ni aAmareko ki di be yo. 12Ono be Mose adu rorõi. I ki di mbia, ki moi he ku tii ko, ko ki sungu auru he. AArona ki songodi abeko ku ari na Uru, gu ni sa ki du ku kumbabeko yo, gu kura ni ki du ku garebeko yo. Abeko ki du adu ku ari nyanyaki daho uru ati ni. 13Yosua ki imi Amareko na gako aboro ni basape.
14Yekova ki ya fu Mose, “Mo ké gi pai re tipa tingida paha kitabu yo, ki gedi he ku tu Yosua yo, ya mi agbárasa Amareko, tingida nako ki go ago bangiri aboro sende no tii ngbangbaturũ no.” 15Mose ki dua bamotumo ki yambu rimoho nga, Yekova nga gi bendere, 16ki ya, “Be Yekova du ti ga bendere! Yekova nikaso vura kuti aAmareko tona ti gu rika ngbatungayo sa gu rika ngbatungayo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.