Gate 16
16
Pa fu Yekova manu
1I ki guari Erima yo ki nindu gayo nunguro, rimbasa awiri aYisaraere ki da ku rogo gu ngbakungba nga Sina dunduko, nga gu du dagba Erima na Sinai, ti gu bawe na bisue rame nga ga ue diwi fuo guari yo Ezipeta yo. 2Rimbasa awiri aYisaraere dunduko i ki nigumba rimo aMose na Arona ngbakungba yo, 3ki ya fu yo, “Ka ani akpiki be Yekova ringara Ezipeta yo, si ka angba ho ani adu ni pati duku pasio, ki ta ri riahe nimbiki; bambiko oni ye na ani ku rogo gi ngbakungba no re, ka imo gi rimbasa dungurati re dunduko ni kina gomoro.”
4Yekova ki ya fu Mose, “Mo ngére, mi akéda riahe ngbangbaturũ yo fu roni; aboro akúra ka ndu ka rogoda ha tipa kina ga uru sa, mi ki ini he si ngia i apéka gi rugute, watadu wo te. 5Fuo gere ti sita rame, i atnbákada gu i ka rogoda ha si ki ku wa bara ue ti gu i naarogoda ha na uru.” 6AMose na Arona ki ya fu awiri aYisaraere dunduko. “Nzinziirago oni aina ha ya kina Yekova nakusi roni ringara Ezipeta yo, 7wiso oni abí ga Yekova taarimo, bambiko ko gi pa gumba oni rimo Yekova. Ada nga ani ka oni gumba rimorani?” 8Mose ki ya, “Ho Yekova ka afu pasio ni fu roni na nyemu oni nirí he, na kpokuta na wiso oni nimbiki be he, bambiko Yekova gi gu gumbarimoko oni agumba ha kuti ko ― ani nga ada? Gaoni gumbarimo si kuti rani te, ono si fu Yekova.”
9Mose ki ya fu Arona, “Mo yá fu rimbasa awiri aYisaraere dunduko, ‘Oni mbédi ku bara bangiri Yekova, bambiko Yekova gi gaoni gumbarimo.’ ” 10Si ki ta du wa gere, wa Arona agumba pai fu rimbasa awiri aYisaraere dunduko, i ki ya ngere ku ngbakungba yo, oni ngére, ga Yekova taarimo ayugu tihe rogo bakamikami dubo yo. 11Yekova ki ya fu Mose, 12“Mi gi ga awiri aYisaraere gumbarimo; mo yá fu yo, ‘Nzinziirago, oni arí pasio, wiso oni ki nimbiki be kpokuta; oni aína ha ya mi nga Yekova nga gaoni Mbori.’ ”
13Si ki ta du wa gere, nzinziirago ambirigbo aye, ami ki dadi bataya dunduko; wiso ndomo ki ti ku pati bataya kirikiri. 14Ho gu ndomo nikati ni niti, wiri wirikowiriko he adu auru sende ngbakungba yo momomo ni rukutu he wa gu nzerenzere ndomo nidu sande. 15Ho awiri aYisaraere abi he ni, i ki ya dagba yo, “Gini he nga gere?” Bambiko i aina nga gu he nangia ha te. Mose ki ya fu yo, “Si nga gu kpokuta Yekova afu fu roni oni ri he. 16Gere nga gu pai Yekova afu rugute tipa ha nga: ‘Oni rógodi he, aboro dunduko ni ba sa sa a wa i nari he; oni arógoda ha a wa nge gaoni aborokporo, aboro dunduko tipa agu yo du rogo gayo abamburoko, wa aritere biata na bebere he tipa boro sa.’ ” 17Awiri aYisaraere ki mangi wo; agu yo ki rogod he ni bakere he, kura yo ni umba ha. 18Ho i anindukudi he ni rengbe wa aritere biata na bebere he, gu ni nanirogodi he gbe si anye nga be ni te, na gu ni nanirogodi he ni umba ha zingo ho amanga nga ni te. Aboro anirogodi he dunduko ni ba sa sa, a wa i akarí he. 19Mose ki ya fu yo, “Ka boio hé nga gu ki da ku wiso wa sa ya” 20Ono i adega nga tuyo sa sangba Mose te; ono agu yo ahe bete he ki da ku wiso, agbire ki zu ku rogo ho si ki nifũ afũ gbada; Mose ki zingi azinga fu yo. 21I ki nirogodi he na awiso, ringbisi he ni ba sa sa waĩ i akari he. Ho uru aningaria ni, si ki zaraga.
22Si ki ta du wa gere, ti sita rame i anirogodi he wa ga bara ue, wa aritere saba tipa yo ni ba sa sa. Agbia ku ri rimbasa aboro ki ye ki gumba paha fu Mose, 23ko ki ya fu yo, “Gi nga gu pai Yekova agumba re: ‘Gba nikangia ndikidi rago ongoda, nga kparakpara ziazia rago sabiti fu Yekova; oni zó gu oni ka kpi nyemu zo ho, ki pasi gu oni ka kpi nyemu pasa ha, gu yangada ha nikanye oni ki igi he ki da ku wiso.’ ” 24I ki niigi he dati wiso, a wa Mose arugu yo na paha, ka si afũ nga gbada ya, agbire adu nga rogo ho a te. 25Mose ki ya, “Oni rí gure areme, bambiko areme nga rago sabiti fu Yekova; oni abí nga fia areme ringara yo te. 26Oni arógoda ha rame ki du sita; ono ti saba rame, nga rago sabiti, si anidú nga rago ho te.” 27Si ki ta du wa gere, ti saba rame, bete aboro akuru ka rogoda ha, ka i abi nga ha ya. 28Yekova ki ya fu Mose, “Rame adú waĩ oni nibása pa ka kuti gimi arugute na gimi andika? 29Oni bí nga! Yekova afu rago sabiti fu roni, si du ko nafu kpokuta ti ni fu roni ti sita rame rengbe na uru ue; oni nyé kina baroni, a nga boro sa nikaguari bani ti saba rame te.” 30Si du aboro aniongodi ti ni ti saba rame.
31Ngbatunga aYisaraere aniya ti ni manu; si adu wa zuzu rindikiwe, ni pusi he, nziraha adu ngbayo yo wa gu wiri ayaaya kpokuta i ambakadi he na nzeme anyege. 32Mose ki ya, “Gere nga gu pai Yekova arugu he, nga: ‘I igi bete he wa aritere biata na bebere he tipa arika ngbatungaroni, ya i bí gu kpokuta mi anariga roni na ni ngbakungba no, ho mi akusi roni ni ringara Ezipeta yo.’ ” 33Mose ki ya fu Arona, “Mo dí akoro ki moi bete manu ku rogo ho wa aritere biata na bebere he, ki igi he ku bara bangiri Yekova, ya i banda ha tipa arika ngbatungaroni.” 34Awa Yekova arugu Mose kina wo Arona aigi he barangba Dezirepai, ka abanda ha. 35Awiri aYisaraere ari manu tipa garã 40, daho i ada ni ku rogo gu ringara ho aboro adu ni; i ari manu kindi daho i ada ni ti ngbanda ringara Kanana. 36Were pa kia omera sa du wa sa dagba bawe rogo efa nga aũringbasaahe.
Currently Selected:
Gate 16: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Gate 16
16
Pa fu Yekova manu
1I ki guari Erima yo ki nindu gayo nunguro, rimbasa awiri aYisaraere ki da ku rogo gu ngbakungba nga Sina dunduko, nga gu du dagba Erima na Sinai, ti gu bawe na bisue rame nga ga ue diwi fuo guari yo Ezipeta yo. 2Rimbasa awiri aYisaraere dunduko i ki nigumba rimo aMose na Arona ngbakungba yo, 3ki ya fu yo, “Ka ani akpiki be Yekova ringara Ezipeta yo, si ka angba ho ani adu ni pati duku pasio, ki ta ri riahe nimbiki; bambiko oni ye na ani ku rogo gi ngbakungba no re, ka imo gi rimbasa dungurati re dunduko ni kina gomoro.”
4Yekova ki ya fu Mose, “Mo ngére, mi akéda riahe ngbangbaturũ yo fu roni; aboro akúra ka ndu ka rogoda ha tipa kina ga uru sa, mi ki ini he si ngia i apéka gi rugute, watadu wo te. 5Fuo gere ti sita rame, i atnbákada gu i ka rogoda ha si ki ku wa bara ue ti gu i naarogoda ha na uru.” 6AMose na Arona ki ya fu awiri aYisaraere dunduko. “Nzinziirago oni aina ha ya kina Yekova nakusi roni ringara Ezipeta yo, 7wiso oni abí ga Yekova taarimo, bambiko ko gi pa gumba oni rimo Yekova. Ada nga ani ka oni gumba rimorani?” 8Mose ki ya, “Ho Yekova ka afu pasio ni fu roni na nyemu oni nirí he, na kpokuta na wiso oni nimbiki be he, bambiko Yekova gi gu gumbarimoko oni agumba ha kuti ko ― ani nga ada? Gaoni gumbarimo si kuti rani te, ono si fu Yekova.”
9Mose ki ya fu Arona, “Mo yá fu rimbasa awiri aYisaraere dunduko, ‘Oni mbédi ku bara bangiri Yekova, bambiko Yekova gi gaoni gumbarimo.’ ” 10Si ki ta du wa gere, wa Arona agumba pai fu rimbasa awiri aYisaraere dunduko, i ki ya ngere ku ngbakungba yo, oni ngére, ga Yekova taarimo ayugu tihe rogo bakamikami dubo yo. 11Yekova ki ya fu Mose, 12“Mi gi ga awiri aYisaraere gumbarimo; mo yá fu yo, ‘Nzinziirago, oni arí pasio, wiso oni ki nimbiki be kpokuta; oni aína ha ya mi nga Yekova nga gaoni Mbori.’ ”
13Si ki ta du wa gere, nzinziirago ambirigbo aye, ami ki dadi bataya dunduko; wiso ndomo ki ti ku pati bataya kirikiri. 14Ho gu ndomo nikati ni niti, wiri wirikowiriko he adu auru sende ngbakungba yo momomo ni rukutu he wa gu nzerenzere ndomo nidu sande. 15Ho awiri aYisaraere abi he ni, i ki ya dagba yo, “Gini he nga gere?” Bambiko i aina nga gu he nangia ha te. Mose ki ya fu yo, “Si nga gu kpokuta Yekova afu fu roni oni ri he. 16Gere nga gu pai Yekova afu rugute tipa ha nga: ‘Oni rógodi he, aboro dunduko ni ba sa sa a wa i nari he; oni arógoda ha a wa nge gaoni aborokporo, aboro dunduko tipa agu yo du rogo gayo abamburoko, wa aritere biata na bebere he tipa boro sa.’ ” 17Awiri aYisaraere ki mangi wo; agu yo ki rogod he ni bakere he, kura yo ni umba ha. 18Ho i anindukudi he ni rengbe wa aritere biata na bebere he, gu ni nanirogodi he gbe si anye nga be ni te, na gu ni nanirogodi he ni umba ha zingo ho amanga nga ni te. Aboro anirogodi he dunduko ni ba sa sa, a wa i akarí he. 19Mose ki ya fu yo, “Ka boio hé nga gu ki da ku wiso wa sa ya” 20Ono i adega nga tuyo sa sangba Mose te; ono agu yo ahe bete he ki da ku wiso, agbire ki zu ku rogo ho si ki nifũ afũ gbada; Mose ki zingi azinga fu yo. 21I ki nirogodi he na awiso, ringbisi he ni ba sa sa waĩ i akari he. Ho uru aningaria ni, si ki zaraga.
22Si ki ta du wa gere, ti sita rame i anirogodi he wa ga bara ue, wa aritere saba tipa yo ni ba sa sa. Agbia ku ri rimbasa aboro ki ye ki gumba paha fu Mose, 23ko ki ya fu yo, “Gi nga gu pai Yekova agumba re: ‘Gba nikangia ndikidi rago ongoda, nga kparakpara ziazia rago sabiti fu Yekova; oni zó gu oni ka kpi nyemu zo ho, ki pasi gu oni ka kpi nyemu pasa ha, gu yangada ha nikanye oni ki igi he ki da ku wiso.’ ” 24I ki niigi he dati wiso, a wa Mose arugu yo na paha, ka si afũ nga gbada ya, agbire adu nga rogo ho a te. 25Mose ki ya, “Oni rí gure areme, bambiko areme nga rago sabiti fu Yekova; oni abí nga fia areme ringara yo te. 26Oni arógoda ha rame ki du sita; ono ti saba rame, nga rago sabiti, si anidú nga rago ho te.” 27Si ki ta du wa gere, ti saba rame, bete aboro akuru ka rogoda ha, ka i abi nga ha ya. 28Yekova ki ya fu Mose, “Rame adú waĩ oni nibása pa ka kuti gimi arugute na gimi andika? 29Oni bí nga! Yekova afu rago sabiti fu roni, si du ko nafu kpokuta ti ni fu roni ti sita rame rengbe na uru ue; oni nyé kina baroni, a nga boro sa nikaguari bani ti saba rame te.” 30Si du aboro aniongodi ti ni ti saba rame.
31Ngbatunga aYisaraere aniya ti ni manu; si adu wa zuzu rindikiwe, ni pusi he, nziraha adu ngbayo yo wa gu wiri ayaaya kpokuta i ambakadi he na nzeme anyege. 32Mose ki ya, “Gere nga gu pai Yekova arugu he, nga: ‘I igi bete he wa aritere biata na bebere he tipa arika ngbatungaroni, ya i bí gu kpokuta mi anariga roni na ni ngbakungba no, ho mi akusi roni ni ringara Ezipeta yo.’ ” 33Mose ki ya fu Arona, “Mo dí akoro ki moi bete manu ku rogo ho wa aritere biata na bebere he, ki igi he ku bara bangiri Yekova, ya i banda ha tipa arika ngbatungaroni.” 34Awa Yekova arugu Mose kina wo Arona aigi he barangba Dezirepai, ka abanda ha. 35Awiri aYisaraere ari manu tipa garã 40, daho i ada ni ku rogo gu ringara ho aboro adu ni; i ari manu kindi daho i ada ni ti ngbanda ringara Kanana. 36Were pa kia omera sa du wa sa dagba bawe rogo efa nga aũringbasaahe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.