Daniere 5
5
Pa kekepai ni be ti vuro bambu
1Bakindo Beresasara ki mbakadi bakere pumbo tipa gako agbia wa aboro kutu, ko ki mbiri imekakue ku bangiri gu kutu yo re.
2Ho Beresasara aasadi imekakue ni, ko ki ya i ye na agu ainga dahabu na ga feda nga gu bako arogo ho yekaru Yerusarema yo nangia Nebukadenesara, ya bakindo mbiri he ti ngba ha na gako agbia, na adiako, na gako adebadia a. 3Si du i ki ye na ainga dahabu na ga feda nga gu i arogo yekaru yo, rogo ga Mbori bambu Yerusarema yo; bakindo na gako agbia na adiako na gako adebadia ki nimbiri he ti ngbaha. 4I ambiri imekakue, ki nitaasi rimo gu mbori nga ga dahabu na ga feda na ga sirigi na ga marã na ga ngua na ga mbia a.
5Wirinzaga boro ki kuru ni ba sa ki ke pai ti vuro bambu ti ga bakindo bambu, barangba baduawe; bakindo ki bi gu wirinzaga boro re wa si ake pai. 6Si du kpakpu bakindo ki sa tihe, gako aberã ki fudi ko gbe; angbazungako ki zaki, rukusuko ki nifoko tihe ti kura ha. 7Bakindo ki poi ni wawa i ye na ainibirĩ tatamana, na aKasado, na airasoroka. Bakindo ki ya fu airatatamana Babera, “Gu ni ka gedi gu kekepai re, ki yugu sangbaha fere, i aúkadi ni na ngungungu remu, ki moi azogbo dahabu ku gorõni, ni ki du ni biata bazogo rogo ngbi.” 8Si du ga bakindo airatatamana dunduko ki rimi, ono i arengba nga na ka geda gu kekepai te re, watadu ka yugo sangbaha fu bakindo a te. 9Si du Bakindo Beresasara adu ni fudifudi ko gbe, kpakpuko ki sa tihe; gako agbia ki nibaki bangiriyo ti ni.
10Nakindo aye ku bambu pumbo yo bambiko gu pai bakindo agumba na gako agbia. Nakindo ki ya, “Ako bakindo, mo nyé ni ungaro kindi! Ka gamo aberã fúdi nga ro watadu kpakpuro sá tihe ya. 11Kumba ho rogo ga ngbi du Toro ti ko nga ga Ziazia Mbori. Ti rago bamo i abi bangiriko ni haha ha, ko ki du na rugatinapai na tatamana, wa gu tatamana nga ga ambori. Bakindo Nebukadenesara nangia bamo, ki moi ko ni gbia ku ri abinza, na ku ri ainibirĩ tatamana, na ku ri aKasado, na ku ri airasoroka, 12bambiko toro rengbanapai adu rogo gi Daniere yo re, na inahe, na rugatinapai ka yugo sangba amusumo, ka ringbisa pa amasaku, na ka kusa pa kpakpakara apai, ko nangia gu ko bakindo ayambu rimoko nga Beretesasara. Awere mo yámbu nga Daniere, ko nikayugo sangbaha.”
13Si du i ki ye na Daniere ku dimoyo ku bangiri bakindo. Bakindo ki ya fu Daniere, “Mo nga gu Daniere du dagba gu zizi yo nga aYudo, nga agu yo bakindo nangia buba aye na yo Yuda yo. 14Mi agi pa ro ya Toro Ziazia Mbori du ti ro, bangiro ni haha ha, mo ki du na rugatinapai na ziazia tatamana a. 151 niye na airatatamana ku bangire awere, na ainibirĩ tatamana, i gedi gi kekepai re ki yugu sangbaha fere; ono ka i arengba nga na yugo sangbaha ya. 16Ono mi gi he nga mo rengbe ka yugo sangba apai ki nikusi pa kpakpakara apai. Awere ka ngia mo rengbe na geda gu kekepai re ki yugu sangbaha fere, i aúkadi ro ni ngungungu remu, ki moi azogbo dahabu ku goro, mo ki du ni biata bazogo rogo ngbi.”
17Daniere ki karaga ha ku ngba bakindo, “Gamo agamunihe dú fu kina ro, mo fú gamo amosoro fu kura boro; ono mi nikageda gu kekepai re fu bakindo ki yugu sangbaha fu ko. 18Ako bakindo, gu Mbori nga Bahe ki susi afu pa du ni bakindo fu Nebukadenesara nangia bamo, na nyaka na taarimo na worimo; 19aboro dunduko na arikaaboro na ngbatunga aboro na afugoyo dunduko akigi bambiko gu pa nyaka fu Mbori fu ko re, ki nigunde ku bangiriko; ko aniimi gu ni a wa si aningba ti ko, ki nibanda gu ni ni ungani a wa ko anikpi nyemu he; ki nikiisi pa gu ni a wa si aningba ti ko, ki niumbasi gu ni a wa ko anikpi nyemu he. 20Ono ho kpotoko yo adu ni na kiisa ti he, toroko adu ni nyakasinyakasi he ko ki mangi pai ni ruka, i adi ko auru gako mbatabakindo, ki rogo gako taarimo ti ko. 21I ado ko dagba aboro, gako berã ki sa tihe wa ga nya, gako baraka ki du dagba adongi nvuo; i arigi ko na nvuo wa babagara, kpotoko ki zirĩ dodoi be ndomo, daho ko aini he ni ya gu Mbori nga Bahe ki susi nazoga ga aboro ngbi, ko namaa gu ni ni zogo ho a wa ko akpi nyemu he. 22Mo a nga wiriko, Ako Beresasara, mo ata umbasi nga kpotoro yo te, zavura wa mo avura ina gere vurũ, 23ono mo kiisi pa tiro fu Gbia ngbangbaturũ, i ki ye na agu ainga naadu rogo gako bambu yo ku bangiro, mo ki nimbiri imekakue ti ngbaha na gamo agbia, na adiaro, na gamo adebadia a; mo ki nitaasi rimo agu ambori nga ga feda, na ga dahabu, na ga sirigi, na ga marã, na ga ngua, na ga mbia, nga gu angera nga ya, watadu gia pai watadu ina pai a ya, ono gu Mbori du ungaro be ko, du gamo apai be ko dunduko a, mo ata taasa nga rimoko te.
24“Ko akedi wirinzaga boro yo du ko ni, si du gi kekepai adu ni keke he ti ni re. 25Gere nga gu kekepai du ni keke he: MENE, MENE, TEKERE, UPARUSINA. 26Gi nga sangba gu pai re: MENE, Mbori gedi rame ga ngbi ki nyasi he; 27TEKERE, i ringbisi ro auru marã ri ngbisahe, mo ki kpa; 28PERESE, i kparaka ga ngbi ki fu he fu aMadaio na aParaso.”
29Beresasara ki rugu pai, i ki ukadi Daniere na ngungungu remu, ki moi azogbo dahabu ku gorõko, ki taki pande pa ko, ko dú ni biata bazogo rogo ngbi.
30Ni kina gu yuru re i ki imi Beresasara nangia bakindo aKasado. 31I ki fu ngbi fu Darayawesa nangia Madaio, garãko adu wa 62.
Currently Selected:
Daniere 5: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Daniere 5
5
Pa kekepai ni be ti vuro bambu
1Bakindo Beresasara ki mbakadi bakere pumbo tipa gako agbia wa aboro kutu, ko ki mbiri imekakue ku bangiri gu kutu yo re.
2Ho Beresasara aasadi imekakue ni, ko ki ya i ye na agu ainga dahabu na ga feda nga gu bako arogo ho yekaru Yerusarema yo nangia Nebukadenesara, ya bakindo mbiri he ti ngba ha na gako agbia, na adiako, na gako adebadia a. 3Si du i ki ye na ainga dahabu na ga feda nga gu i arogo yekaru yo, rogo ga Mbori bambu Yerusarema yo; bakindo na gako agbia na adiako na gako adebadia ki nimbiri he ti ngbaha. 4I ambiri imekakue, ki nitaasi rimo gu mbori nga ga dahabu na ga feda na ga sirigi na ga marã na ga ngua na ga mbia a.
5Wirinzaga boro ki kuru ni ba sa ki ke pai ti vuro bambu ti ga bakindo bambu, barangba baduawe; bakindo ki bi gu wirinzaga boro re wa si ake pai. 6Si du kpakpu bakindo ki sa tihe, gako aberã ki fudi ko gbe; angbazungako ki zaki, rukusuko ki nifoko tihe ti kura ha. 7Bakindo ki poi ni wawa i ye na ainibirĩ tatamana, na aKasado, na airasoroka. Bakindo ki ya fu airatatamana Babera, “Gu ni ka gedi gu kekepai re, ki yugu sangbaha fere, i aúkadi ni na ngungungu remu, ki moi azogbo dahabu ku gorõni, ni ki du ni biata bazogo rogo ngbi.” 8Si du ga bakindo airatatamana dunduko ki rimi, ono i arengba nga na ka geda gu kekepai te re, watadu ka yugo sangbaha fu bakindo a te. 9Si du Bakindo Beresasara adu ni fudifudi ko gbe, kpakpuko ki sa tihe; gako agbia ki nibaki bangiriyo ti ni.
10Nakindo aye ku bambu pumbo yo bambiko gu pai bakindo agumba na gako agbia. Nakindo ki ya, “Ako bakindo, mo nyé ni ungaro kindi! Ka gamo aberã fúdi nga ro watadu kpakpuro sá tihe ya. 11Kumba ho rogo ga ngbi du Toro ti ko nga ga Ziazia Mbori. Ti rago bamo i abi bangiriko ni haha ha, ko ki du na rugatinapai na tatamana, wa gu tatamana nga ga ambori. Bakindo Nebukadenesara nangia bamo, ki moi ko ni gbia ku ri abinza, na ku ri ainibirĩ tatamana, na ku ri aKasado, na ku ri airasoroka, 12bambiko toro rengbanapai adu rogo gi Daniere yo re, na inahe, na rugatinapai ka yugo sangba amusumo, ka ringbisa pa amasaku, na ka kusa pa kpakpakara apai, ko nangia gu ko bakindo ayambu rimoko nga Beretesasara. Awere mo yámbu nga Daniere, ko nikayugo sangbaha.”
13Si du i ki ye na Daniere ku dimoyo ku bangiri bakindo. Bakindo ki ya fu Daniere, “Mo nga gu Daniere du dagba gu zizi yo nga aYudo, nga agu yo bakindo nangia buba aye na yo Yuda yo. 14Mi agi pa ro ya Toro Ziazia Mbori du ti ro, bangiro ni haha ha, mo ki du na rugatinapai na ziazia tatamana a. 151 niye na airatatamana ku bangire awere, na ainibirĩ tatamana, i gedi gi kekepai re ki yugu sangbaha fere; ono ka i arengba nga na yugo sangbaha ya. 16Ono mi gi he nga mo rengbe ka yugo sangba apai ki nikusi pa kpakpakara apai. Awere ka ngia mo rengbe na geda gu kekepai re ki yugu sangbaha fere, i aúkadi ro ni ngungungu remu, ki moi azogbo dahabu ku goro, mo ki du ni biata bazogo rogo ngbi.”
17Daniere ki karaga ha ku ngba bakindo, “Gamo agamunihe dú fu kina ro, mo fú gamo amosoro fu kura boro; ono mi nikageda gu kekepai re fu bakindo ki yugu sangbaha fu ko. 18Ako bakindo, gu Mbori nga Bahe ki susi afu pa du ni bakindo fu Nebukadenesara nangia bamo, na nyaka na taarimo na worimo; 19aboro dunduko na arikaaboro na ngbatunga aboro na afugoyo dunduko akigi bambiko gu pa nyaka fu Mbori fu ko re, ki nigunde ku bangiriko; ko aniimi gu ni a wa si aningba ti ko, ki nibanda gu ni ni ungani a wa ko anikpi nyemu he; ki nikiisi pa gu ni a wa si aningba ti ko, ki niumbasi gu ni a wa ko anikpi nyemu he. 20Ono ho kpotoko yo adu ni na kiisa ti he, toroko adu ni nyakasinyakasi he ko ki mangi pai ni ruka, i adi ko auru gako mbatabakindo, ki rogo gako taarimo ti ko. 21I ado ko dagba aboro, gako berã ki sa tihe wa ga nya, gako baraka ki du dagba adongi nvuo; i arigi ko na nvuo wa babagara, kpotoko ki zirĩ dodoi be ndomo, daho ko aini he ni ya gu Mbori nga Bahe ki susi nazoga ga aboro ngbi, ko namaa gu ni ni zogo ho a wa ko akpi nyemu he. 22Mo a nga wiriko, Ako Beresasara, mo ata umbasi nga kpotoro yo te, zavura wa mo avura ina gere vurũ, 23ono mo kiisi pa tiro fu Gbia ngbangbaturũ, i ki ye na agu ainga naadu rogo gako bambu yo ku bangiro, mo ki nimbiri imekakue ti ngbaha na gamo agbia, na adiaro, na gamo adebadia a; mo ki nitaasi rimo agu ambori nga ga feda, na ga dahabu, na ga sirigi, na ga marã, na ga ngua, na ga mbia, nga gu angera nga ya, watadu gia pai watadu ina pai a ya, ono gu Mbori du ungaro be ko, du gamo apai be ko dunduko a, mo ata taasa nga rimoko te.
24“Ko akedi wirinzaga boro yo du ko ni, si du gi kekepai adu ni keke he ti ni re. 25Gere nga gu kekepai du ni keke he: MENE, MENE, TEKERE, UPARUSINA. 26Gi nga sangba gu pai re: MENE, Mbori gedi rame ga ngbi ki nyasi he; 27TEKERE, i ringbisi ro auru marã ri ngbisahe, mo ki kpa; 28PERESE, i kparaka ga ngbi ki fu he fu aMadaio na aParaso.”
29Beresasara ki rugu pai, i ki ukadi Daniere na ngungungu remu, ki moi azogbo dahabu ku gorõko, ki taki pande pa ko, ko dú ni biata bazogo rogo ngbi.
30Ni kina gu yuru re i ki imi Beresasara nangia bakindo aKasado. 31I ki fu ngbi fu Darayawesa nangia Madaio, garãko adu wa 62.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.