Amosa 7
7
Pa yuguyugupai biata nagbarasa rago: Ayere, We na Giri ringbisa ahe
1Were Gbia MBORI ayugu pai fere: oni ngére, ko namanga ayere ti rago kura akpe ahe nga ga yangara rúkurúku ahe; oni ngére, si nangia gu nakuru fuo de yo ga bakindo anvuo. 2Ho ami anyasi rita nvuo ni nga ga ringara, mi ki ya,
“Ako Gbia MBORI, mi nazungadi ro, mo vú yo!
Waĩ rengbe Yakoba ka ru?
Ko ni wiri toni ko!”
3Yekova ki birĩ tiko tipa gere;
“Si amánga nga te,” wo poi Yekova.
4Were Gbia MBORI ayugu pai fere: oni ngére, Gbia MBORI ayamba he tipa sarangbanga ni we, si ki nyoto gu dudu ngura baime ki niri ringara.
5Mi ki ya,
“Ako Gbia MBORI, mi nazungadi ro, mo mbú pa ha!
Waĩ rengbe Yakoba ka ru?
Ko ni wiri toni ko!”
6Yekova ki birĩ tiko tipa gere;
“Gere amanga nga a te,” wo poi Gbia MBORI.
7Ko ki yugu pai fere: oni ngére, Gbia aru pati vuro bambu i adua ha kuti giri ringbisa gene, giri ringbisa gene ki du be ko. 8Yekova ki ya fere, “Amosa, gine mo abi he?” Mi ki ya, “Giri ringbisa gene.” Yekova ki ya,
“Mo ngére, mi nataã giri ringbisa gene dagba gimi aboro aYisaraere;
mi ambú nga pai fu yo berewe te;
9gu tumbatumba arago nga ga Yisaka adú ni bate,
gu kparakpara rago nga ga Yisaraere adú ni gbarasigbarasi he,
mi azinga kuti ngbatunga Yerobama na basape.”
Pa aAmosa na Amasaya
10Amasaya nangia boromotumo Betere yo ki kedi sunge koyo du Yerobama ni nga bakindo ku ri aYisaraere, niya, “Amosa ta bura ro dagba ngbatunga aYisaraere yo; ringara arengba nga na gako gumbagumba apai dunduko te. 11Bambiko wo gumba Amosa ha,
‘Yerobama akpi ngba basape,
aYisaraere ka ndu ni zizi yo
ku sa yo ti gayo ringara.’ ”
12Amasaya ki ya fu Amosa, “Ako babiapai, mo ndú, mo óro ku ringara Yuda yo, ka ri riahe yo, ki gumba pai yo; 13ono ka mo gumba nga pai berewe Betere yo ya, bambiko si nga ga bakindo kparakpara rago, si ki ngia ga bakindo ngbi.”
14Amosa ki karaga ha fu Amasaya ki ya, “Nebi nga mi te, wiri nebi a te; ono mi nga babanda anya ni babanda angua wa birikita, 15Yekova ki di re pati peka fuo rimbasa anya, Yekova ki ya fere, ‘Mo ndú ka gumba pai fu gimi aboro aYisaraere.’
16“Awere mo gí sangba Yekova.
Mo naya, ‘Ka mo gúmba nga pai kuti aYisaraere ya,
ka mo túngusi nga pai kuti ngbatunga Yisaka ya.’
17Si du ya Yekova wẽ:
‘Diaro adú ni debari rogo bakporo,
awiro nga akumba akpi ngba basape na agu awiro nga ade,
i akpáraka rogo ga ringara ni giri ringbisa ahe;
mo akpi tigamo rogo bibiriko ringara,
aYisaraere andú ni zizi yo ni rengo ku sa yo ti gayo ringara.’ ”
Currently Selected:
Amosa 7: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
Amosa 7
7
Pa yuguyugupai biata nagbarasa rago: Ayere, We na Giri ringbisa ahe
1Were Gbia MBORI ayugu pai fere: oni ngére, ko namanga ayere ti rago kura akpe ahe nga ga yangara rúkurúku ahe; oni ngére, si nangia gu nakuru fuo de yo ga bakindo anvuo. 2Ho ami anyasi rita nvuo ni nga ga ringara, mi ki ya,
“Ako Gbia MBORI, mi nazungadi ro, mo vú yo!
Waĩ rengbe Yakoba ka ru?
Ko ni wiri toni ko!”
3Yekova ki birĩ tiko tipa gere;
“Si amánga nga te,” wo poi Yekova.
4Were Gbia MBORI ayugu pai fere: oni ngére, Gbia MBORI ayamba he tipa sarangbanga ni we, si ki nyoto gu dudu ngura baime ki niri ringara.
5Mi ki ya,
“Ako Gbia MBORI, mi nazungadi ro, mo mbú pa ha!
Waĩ rengbe Yakoba ka ru?
Ko ni wiri toni ko!”
6Yekova ki birĩ tiko tipa gere;
“Gere amanga nga a te,” wo poi Gbia MBORI.
7Ko ki yugu pai fere: oni ngére, Gbia aru pati vuro bambu i adua ha kuti giri ringbisa gene, giri ringbisa gene ki du be ko. 8Yekova ki ya fere, “Amosa, gine mo abi he?” Mi ki ya, “Giri ringbisa gene.” Yekova ki ya,
“Mo ngére, mi nataã giri ringbisa gene dagba gimi aboro aYisaraere;
mi ambú nga pai fu yo berewe te;
9gu tumbatumba arago nga ga Yisaka adú ni bate,
gu kparakpara rago nga ga Yisaraere adú ni gbarasigbarasi he,
mi azinga kuti ngbatunga Yerobama na basape.”
Pa aAmosa na Amasaya
10Amasaya nangia boromotumo Betere yo ki kedi sunge koyo du Yerobama ni nga bakindo ku ri aYisaraere, niya, “Amosa ta bura ro dagba ngbatunga aYisaraere yo; ringara arengba nga na gako gumbagumba apai dunduko te. 11Bambiko wo gumba Amosa ha,
‘Yerobama akpi ngba basape,
aYisaraere ka ndu ni zizi yo
ku sa yo ti gayo ringara.’ ”
12Amasaya ki ya fu Amosa, “Ako babiapai, mo ndú, mo óro ku ringara Yuda yo, ka ri riahe yo, ki gumba pai yo; 13ono ka mo gumba nga pai berewe Betere yo ya, bambiko si nga ga bakindo kparakpara rago, si ki ngia ga bakindo ngbi.”
14Amosa ki karaga ha fu Amasaya ki ya, “Nebi nga mi te, wiri nebi a te; ono mi nga babanda anya ni babanda angua wa birikita, 15Yekova ki di re pati peka fuo rimbasa anya, Yekova ki ya fere, ‘Mo ndú ka gumba pai fu gimi aboro aYisaraere.’
16“Awere mo gí sangba Yekova.
Mo naya, ‘Ka mo gúmba nga pai kuti aYisaraere ya,
ka mo túngusi nga pai kuti ngbatunga Yisaka ya.’
17Si du ya Yekova wẽ:
‘Diaro adú ni debari rogo bakporo,
awiro nga akumba akpi ngba basape na agu awiro nga ade,
i akpáraka rogo ga ringara ni giri ringbisa ahe;
mo akpi tigamo rogo bibiriko ringara,
aYisaraere andú ni zizi yo ni rengo ku sa yo ti gayo ringara.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.