Amosa 2
2
1Ya Yekova wẽ:
“Tipa samungu bara biata nga ga Moaba,
na tipa biama a, mi asá nga gako mbusa te;
bambiko ko azo ameme bakindo aEdome
si ki sa tihe wa gbitiri kuamba.
2Si du mi ka keda we ti ni ku ri Moaba,
si ki riti gu nyanyaki abaagbata du Keriota yo,
Moaba akpi rogo gbarakagbaraka pai,
na tawawa na woro nambongo;
3mi abáfa gaha basapungbanga ku sa yo,
ki imi gaha abazogo dunduko na ko,”
wo poi Yekova.
4Ya Yekova wẽ:
“Tipa samungu bara biata nga ga Yuda,
na tipa biama a, mi asá nga gaha mbusa te;
bambiko i agindiga ga Yekova rugute,
ka i aka nga kuti gako rugapai ya,
ono gayo azire ki ingisi yo,
nga gu abayo anapeka fuo ho.
5Si du mi ka keda we ti ni ku ri Yuda,
si ki riti gu nyanyaki abaagbata du Yerusarema yo.”
Pa sarangbanga kuti aYisaraere
6Ya Yekova wẽ:
“Tipa samungu bara biata nga ga Yisaraere,
na tipa biama a, mi asá nga gaha mbusa te;
bambiko i bagi ruru boro tipa feda,
na irazingohe tipa katara―
7i nga agu yo simbi ri rurungbura aboro ku nvutu yo,
ki aria bayee aboro ku bani ngba gayo gene;
kumba rimi fuo kina gu paranga de sa na bako,
ka gbarasa kparakpara ziazia rimore;
8i piki pati bamotumo dunduko
auru aroko i nizi ni ũngbaanga;
rogo ga gayo Mbori bambu yo i nambira
imekakue nga ga agu aboro gbarasi yo ngbanga fu yo.
9“Ono mi agbarasi aAmoro bara bangiriyo,
du basona yo wa angua kedara,
i adu nyanyaki wa gero;
mi agbarasi gayo zuzu ahe ari yo,
na gayo tarã ahe du tii sende yo.
10Mi aye na oni a ringara Ezipeta yo,
ki ngbe fu roni ku mbata yo garã
ki du 40 ku ngbakungba yo,
oni di gu ringara ni gaoni nga ga aAmoro.
11Mi ki sa agu awironi ni anebi,
na gu gaoni aparanga ni aNazara.
Ako awiri aYisaraere, a nga si wo ni rengo te?”
wo poi Yekova.
12“Ono oni afu imekakue fu aNazara i mbiri he,
ki rugu anebi,
niya, ‘Ka oni nigúmba nga pai ya.’
13“Oni ngére, mi agbíngbida roni ku ba roni,
wa ũtinda ahe nagbingbida sende nga gu hi be vodivodi zende ahe.
14Bata anyása be aboro oto,
iranyaka anyákasa nga gani ome te,
iraome abátasa nga ungani a te;
15gu ni nagbe mboto arú nga te,
na gu ni ipi na nduni abátasa nga tini te,
gu ni nga banduri farasi abátasa nga ungani a te;
16na gu ni nga ngangarã boro kpotoni yo dagba airaome
aóra ni gu uru re ni kina kundiri
ni ku sa yo,”
wo poi Yekova.
Currently Selected:
Amosa 2: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
