1 AKorindo 16
16
Gamahe tipa aidipase Yerusarema yo
1Awere mi berẽ pa gu dungura amarã du tipa ga Mbori aboro, a wa mi agumba ha fu agu akanisa du Garatia yo, oni nimángi a wo. 2Ti gu bambata uru nga ga poso oni nimoi gaoni ahe pati roni ni ba sa sa ni igiigi he, gu ni a wa rengbe gani u, ya ka i dungura nga marã bara ho mi ka ye ni ya. 3Ho mi ka da ni, kina agu aboro oni ka ringbisa pa yo rogo awaraga yo mi ki kedi yo ka tinda gaoni ũ inapai ku Yerusarema yo: 4na ka si rengbe fere ka ndu a, i ki ndu na mi.
So gima anunguro
5Ono mi ayé koyo du oni ni, mi nasusi Makedonia yo; mbiko mi nikasusa Makedonia yo. 6Ono si adu wa ka mi nye anye ho du oni ni watadu ti ragozere a, oni gasi re ku mbata yo ti gi nunguro ku rogo agu arago mi ka ndu sa ni. 7Mbiko mi aida nga ka bi roni awere ngba gene te; mbiko mi namaa bangire ka ima na oni ngbutuko, ka Gbia idi he. 8Ono mi anyé Efesa no dati rago Pendekote, 9bambiko bakere ngbadimo ni zaza ha fere na bakere sunge nga gu rengbe mi ka manga ha, yo du dungu avura ni a.
10Awere ka Timoteo ye, oni bi he ya ko du na oni zanga gunde; bambiko ko namanga gu sunge nga ga Gbia, wa mi namanga ha. 11Si du ka boro sáwia nga ko ya. Ono oni gási ko ku mbata yo ti gako nunguro ni zereda, ya ko ye kono du mi ni, mbiko mi naso gima ko na awirina.
12Ono tipa Aporo nga wirina, mi azungadi ko bakere ko ye koyo du oni ni na awirina, ono ko akpi nga nyemu ka ye awere wa sa te; ono ko ayé ho momu he ka manga ko ni.
Yangara zungadi aboro na pa sanango yo
13Oni ngére, oni rú nyanyaki rogo idapase. Oni dú wa akumba, oni dú nyanyaki. 14Agu apai oni amanga oni mangi he dunduko rogo nyemuse.
15Awere mi nazungadi roni, awirina oni ini gu kporo nga ga Setefana, ya aboroho nga makawa Akaya yo, na wa i afu tiyo ka manga pa ga Mbori aboro. 16Si du oni zogo tironi fu ngbatunga agi yo re, na fu agu yo dunduko naunda he rogo sunge ki nimangi he. 17Mi nangi tipa gu yega nga ga aSetefana na Forutunato na Akaiko, mbiko gu nakpa dagba gaoni apai i digisi he. 18Mbiko i ngarasi torore na gaoni. Oni inidi ngbatunga agi yo re.
19Agu akanisa du Asia no sanango roni. Akuira sanango roni gbe na Purisekira rogo Gbia, na gu kanisa du kpuyo yo. 20Awirina sanango roni dunduko. Oni sánango tironi dagba roni yo ni ziazia dungoti.
21Gere nga gi sanango ni boro bere nga Pauro. 22Ka boro du ho akpi nga nyemu Gbia ya, ni du ni boro motiwa. Gaani Gbia naye. 23Gu undahe nga ga Gbia Yesu Kristo dú na oni. 24Gi nyemuse dú na oni dunduko rogo Kristo Yesu yo. Amina.
Currently Selected:
1 AKorindo 16: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
1 AKorindo 16
16
Gamahe tipa aidipase Yerusarema yo
1Awere mi berẽ pa gu dungura amarã du tipa ga Mbori aboro, a wa mi agumba ha fu agu akanisa du Garatia yo, oni nimángi a wo. 2Ti gu bambata uru nga ga poso oni nimoi gaoni ahe pati roni ni ba sa sa ni igiigi he, gu ni a wa rengbe gani u, ya ka i dungura nga marã bara ho mi ka ye ni ya. 3Ho mi ka da ni, kina agu aboro oni ka ringbisa pa yo rogo awaraga yo mi ki kedi yo ka tinda gaoni ũ inapai ku Yerusarema yo: 4na ka si rengbe fere ka ndu a, i ki ndu na mi.
So gima anunguro
5Ono mi ayé koyo du oni ni, mi nasusi Makedonia yo; mbiko mi nikasusa Makedonia yo. 6Ono si adu wa ka mi nye anye ho du oni ni watadu ti ragozere a, oni gasi re ku mbata yo ti gi nunguro ku rogo agu arago mi ka ndu sa ni. 7Mbiko mi aida nga ka bi roni awere ngba gene te; mbiko mi namaa bangire ka ima na oni ngbutuko, ka Gbia idi he. 8Ono mi anyé Efesa no dati rago Pendekote, 9bambiko bakere ngbadimo ni zaza ha fere na bakere sunge nga gu rengbe mi ka manga ha, yo du dungu avura ni a.
10Awere ka Timoteo ye, oni bi he ya ko du na oni zanga gunde; bambiko ko namanga gu sunge nga ga Gbia, wa mi namanga ha. 11Si du ka boro sáwia nga ko ya. Ono oni gási ko ku mbata yo ti gako nunguro ni zereda, ya ko ye kono du mi ni, mbiko mi naso gima ko na awirina.
12Ono tipa Aporo nga wirina, mi azungadi ko bakere ko ye koyo du oni ni na awirina, ono ko akpi nga nyemu ka ye awere wa sa te; ono ko ayé ho momu he ka manga ko ni.
Yangara zungadi aboro na pa sanango yo
13Oni ngére, oni rú nyanyaki rogo idapase. Oni dú wa akumba, oni dú nyanyaki. 14Agu apai oni amanga oni mangi he dunduko rogo nyemuse.
15Awere mi nazungadi roni, awirina oni ini gu kporo nga ga Setefana, ya aboroho nga makawa Akaya yo, na wa i afu tiyo ka manga pa ga Mbori aboro. 16Si du oni zogo tironi fu ngbatunga agi yo re, na fu agu yo dunduko naunda he rogo sunge ki nimangi he. 17Mi nangi tipa gu yega nga ga aSetefana na Forutunato na Akaiko, mbiko gu nakpa dagba gaoni apai i digisi he. 18Mbiko i ngarasi torore na gaoni. Oni inidi ngbatunga agi yo re.
19Agu akanisa du Asia no sanango roni. Akuira sanango roni gbe na Purisekira rogo Gbia, na gu kanisa du kpuyo yo. 20Awirina sanango roni dunduko. Oni sánango tironi dagba roni yo ni ziazia dungoti.
21Gere nga gi sanango ni boro bere nga Pauro. 22Ka boro du ho akpi nga nyemu Gbia ya, ni du ni boro motiwa. Gaani Gbia naye. 23Gu undahe nga ga Gbia Yesu Kristo dú na oni. 24Gi nyemuse dú na oni dunduko rogo Kristo Yesu yo. Amina.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.