1 AKorindo 15
15
Pa zinga Kristo be kpio
1Awere mi natingida pa ina gu wene pangbanga fu roni, awirina, mi atungusi pa ha fu roni, nga gu oni adi ku gume a, nga gu ru oni rogo yo, 2si oni abata mbiko ho a; si ngia oni ka kuti agu apai mi atungusi he fu roni rogo yo nzunzu, kina gu ka oni idi pai gbua.
3Mbiko mi ayugu agu apai fu roni nga gu mi adi ku gume mbata a, wa Kristo akpi tipa gaani ingaapai, ku sangba Ziazia Kekeapai yo; 4na wa i akpisidi ko; na wa i azingisi ko ti biata uru ku sangba Ziazia Kekeapai yo. 5Na wa ko ayugu tiko fu Kefa; fuo ho fu agu yo nanidu bawe na ue; 6Ko ki yugu tiko fu agu awirina nasusi 500 ni ba sa, agu yo nye ni dungu yo daku awere, ono bete yo ti ni rame. 7Ko ki yugu tiko tie fu Yakoba, fu amokedi dunduko tie.
8Ti yangara ha dunduko ko ayugu tiko fere a wa fu gu boro i avunga nga ni ti rago vunga ya. 9Bambiko mi nga gu umba ni dagba amokedi yo dunduko, arengba nga na gu rimo nga mokedi ya, bambiko mi arungosi ga Mbori kanisa. 10Ono be gu undahe nga ga Mbori mi du wa du mi. Na gako undahe i amoi ku ri re si adu nga gbua te; ono mi amangi apai bakere susi yo dũ. Ono mi te, kina gu undahe nga ga Mbori nadu na mi. 11Si ngia mi du tie na yo, wo ani natungusa ha dunduko, wo oni aidi he a.
Pa zingisa aboro dunduko be kpio
12Were ka i natungusa pa Kristo ya i azingisi ko dagba kangba aboro yo, wãi ya bete yo dagba roni yo a nga zingabekpio dagba kangba aboro ho te? 13Ono si ngia zingabekpio dagba kangba aboro ho te, i azingisa nga Kristo tie te; 14na ka i azingisa nga Kristo ya, gaani tungusapai du tie gbua, gaoni idapase a si gbua 15Ii, i ki bi rani ni zire ga Mbori adezire; bambiko ani aru ni adezire tipa Mbori ya ko azingisi Kristo. Ka ko azingisa nga ko ya, si ngia i azingisa nga kangba aboro te. 16Mbiko ka i azingisa nga kangba aboro ya a nga si wa i azingisi Kristo te. 17Ka i azingisa nga Kristo ya, gaoni idapase si gbua; oni kina rogo gaoni ingaapai kindi. 18Agu yo natiwi ni rame rogo Kristo yo a i kpiki tie. 19Si ngia rogo kina gi unga re moi ani bangirani rogo Kristo, ani nga rungorungo aboro dagba aboro susi yo dunduko.
20Ono ni rengo i azingisi Kristo dagba kangba aboro, ni makawa agu yo nara ara. 21Bambiko wa kpio aye be boro, a wo zinga kangba aboro be kpio aye be boro. 22Bambiko wa aboro nakpí akpi dunduko rogo Adama yo, a wo rogo Kristo yo i adu adu ni ungayo dunduko. 23Ono i adu ti kina ragoyo ni ba sa sa: Kristo nga makawa; fuo gure agu yo nga ga Kristo yo, rago ye ko. 24Fuo gure digida pai ki du, ho ko ka fu ngbi ni fu Mbori nga kina Ba; ko nadigisa ga abazogo apai dunduko na asia pai dunduko na tandu. 25Bambiko ko ka kindo, daho ko ka maa avurako ni dunduko ku tii nduko yo. 26Yangara vura i nikagbarasa ha nga kpio. 27Bambiko ya Ziazia Kekeapai, “Mbori amoi ahe dunduko kina ku tii nduko yo.” Ono wa ya ko, “I moi ahe dunduko tii ko,” si nga binibangirise ya i nakoda nga gu ko namoi ahe dunduko ku tii ko na ni te. 28Ho i ka maa ahe ni dunduko ku tii ko, Wiri tigako tie ki moi tiko ku tii gu ko namoi ahe dunduko tii ko, Mbori du adu mbata yo fu ahe dunduko.
29Ka si adu nga wo ya agu yo i abapatizi yo ku ba agu yo naima kpi i amanga wãi? Ka ngia i azingisa nga kangba aboro wa sa te, i nabapatizi yo ku ba yo tipagine tie? 30Ani a tigaani tipagine ani naru ngba pai yo na saa dunduko ti ni? 31Mi gumba ha ni rimo gu tambuahe du be re mbiko roni, rogo Kristo Yesu yo gaani Gbia, ya mi nakpi na uru! 32Si ngia mi aso vura na anya Efesa no wa du pa aboro, si mangi wãi fere? Ka i azingisa nga kangba aboro ya, “Ani rí he ki nimbiri he, bambiko gba ani akpí akpi.” 33Ka i nángi nga roni ya: “Gbegberẽ kpamiatise nagbarasa wene sino.” 34Oni zingisi gaoni berã, ka oni íngi nga ya; bambiko agu roni aina nga Mbori wa sa te; mi gumba gere ka maa zee ti roni.
Pa kpotoboro rago zinga be kpio
35Ono gu ni aya, “I wiri pa zingisa kangba aboro wãi? I aye ni gini ngbatunga kpotoboro?” 36Na mungo mo! Gu he mo narũ tigamo si adu nga na ungaha te, kina ka si kpi. 37Gu mo naru a, mo arú nga gu borohio nikadu te, ono zendehe gbua, si ngia nganu, watadu kura ngbatunga zendehe. 38Ono Mbori nafu kpotoho kina wa ko akpi nyemu he, ki fu kpotoho fu zendehe ni ba sa sa. 39Pasio du nga na ngbatungaha sa dunduko te: ono pasio boro du sa, pasio anya du akia, pasio azire du akia, ga atio akia a. 40Aũ ngbangbaturũ du ho a na aú kpotosende; ono gu taarimo nga ga aú ngbangbaturũ du sa, gu nga ga aũ kpotosende du akia. 41Gu imarago nga ga uru du sa, gu imarago nga ga diwi du akia, gu imarago nga ga akerekuru du akia; bambiko imarago nga ga gu kerekuru akia ti gu kura ha ti pa imaha.
42A wo du pa zinga kangba aboro be kpio. I narú he ni zirã; i nazingisa ha zanga zirã. 43I narũ he na zee; i nazingisa ha na taarimo. I narũ he na rungbura; i nazingisa ha na tandu. 44I narũ he na boro borose; i nazingisa ha na boro toro. Si ngia boro borose du ho, boro toro du ho a. 45Wa du he ni keke he a, “Bambata boro nga Adama ki du ni unga mbisimo.” Yangara Adama ki du ni gu toro nafu unga. 46Ono gu nga toro adu nga ni bambata ha te ono gu nga borose; gu nga toro ki du fuo ho. 47Bambata boro nga ga sende ko, ũ sende; ue boro nga ga ngbangbaturũ ko. 48Wa du gu ko nga ga sende ko, wo du agu yo nga ga sende yo a; na wa du gu ko nga ga ngbangbaturũ ko, wo du agu yo nga ga ngbangbaturũ yo a. 49Na wa ani adu na kpia gu ko nga ga sende ko, ani nikadu na kpia gu ko nga ga ngbangbaturũ ko a wo. 50Were gumba mi gere, awirina, ya ka pasio na kure di nga kumbo ga Mbori ngbi te; zirã adia nga kumbo zanga zirã a te.
51Oni ngére! Mi nagumba iiriwo pai fu roni. Ani ará nga dunduko te, ono i asá rani akia dunduko, 52ni ipo, wa pira bangirise, ti woro yangara kpangi. Bambiko kpangi apaa apaa, i ki zingisi kangba aboro zanga zirã, i ki sa rani akia. 53Bambiko gi zizirĩ boro re ka ukadi zanga zirã, gi kpikpi boro re ka ukadi zanga kpio. 54Ono ho gi zizirĩ boro re ka ukadi zanga zirã ni na gi kpikpi boro re ka ukadi zanga kpio, gu pai ki da ti rengo du ni keke he ya,
“Kpio du ni digisidigisi he, kina diabese ki nye.
55Ako kpio, wari du ga diabese ni?
Ako kpio, ga egetera wari?”
56Egetera kpio nga ingapai; tandu ingapai nga rugute. 57Ono i fu tambuahe fu Mbori, na fu diabese fu rani rogo gaani Gbia yo Yesu Kristo.
58Wa du he were, betedi awirinami, oni dú nyanyaki, zanga wo, nimángi ga Gbia sunge zaza dedede, bambiko oni ini ya gaoni sunge adu nga gbua rogo Gbia yo te.
Currently Selected:
1 AKorindo 15: ZB1978
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.
1 AKorindo 15
15
Pa zinga Kristo be kpio
1Awere mi natingida pa ina gu wene pangbanga fu roni, awirina, mi atungusi pa ha fu roni, nga gu oni adi ku gume a, nga gu ru oni rogo yo, 2si oni abata mbiko ho a; si ngia oni ka kuti agu apai mi atungusi he fu roni rogo yo nzunzu, kina gu ka oni idi pai gbua.
3Mbiko mi ayugu agu apai fu roni nga gu mi adi ku gume mbata a, wa Kristo akpi tipa gaani ingaapai, ku sangba Ziazia Kekeapai yo; 4na wa i akpisidi ko; na wa i azingisi ko ti biata uru ku sangba Ziazia Kekeapai yo. 5Na wa ko ayugu tiko fu Kefa; fuo ho fu agu yo nanidu bawe na ue; 6Ko ki yugu tiko fu agu awirina nasusi 500 ni ba sa, agu yo nye ni dungu yo daku awere, ono bete yo ti ni rame. 7Ko ki yugu tiko tie fu Yakoba, fu amokedi dunduko tie.
8Ti yangara ha dunduko ko ayugu tiko fere a wa fu gu boro i avunga nga ni ti rago vunga ya. 9Bambiko mi nga gu umba ni dagba amokedi yo dunduko, arengba nga na gu rimo nga mokedi ya, bambiko mi arungosi ga Mbori kanisa. 10Ono be gu undahe nga ga Mbori mi du wa du mi. Na gako undahe i amoi ku ri re si adu nga gbua te; ono mi amangi apai bakere susi yo dũ. Ono mi te, kina gu undahe nga ga Mbori nadu na mi. 11Si ngia mi du tie na yo, wo ani natungusa ha dunduko, wo oni aidi he a.
Pa zingisa aboro dunduko be kpio
12Were ka i natungusa pa Kristo ya i azingisi ko dagba kangba aboro yo, wãi ya bete yo dagba roni yo a nga zingabekpio dagba kangba aboro ho te? 13Ono si ngia zingabekpio dagba kangba aboro ho te, i azingisa nga Kristo tie te; 14na ka i azingisa nga Kristo ya, gaani tungusapai du tie gbua, gaoni idapase a si gbua 15Ii, i ki bi rani ni zire ga Mbori adezire; bambiko ani aru ni adezire tipa Mbori ya ko azingisi Kristo. Ka ko azingisa nga ko ya, si ngia i azingisa nga kangba aboro te. 16Mbiko ka i azingisa nga kangba aboro ya a nga si wa i azingisi Kristo te. 17Ka i azingisa nga Kristo ya, gaoni idapase si gbua; oni kina rogo gaoni ingaapai kindi. 18Agu yo natiwi ni rame rogo Kristo yo a i kpiki tie. 19Si ngia rogo kina gi unga re moi ani bangirani rogo Kristo, ani nga rungorungo aboro dagba aboro susi yo dunduko.
20Ono ni rengo i azingisi Kristo dagba kangba aboro, ni makawa agu yo nara ara. 21Bambiko wa kpio aye be boro, a wo zinga kangba aboro be kpio aye be boro. 22Bambiko wa aboro nakpí akpi dunduko rogo Adama yo, a wo rogo Kristo yo i adu adu ni ungayo dunduko. 23Ono i adu ti kina ragoyo ni ba sa sa: Kristo nga makawa; fuo gure agu yo nga ga Kristo yo, rago ye ko. 24Fuo gure digida pai ki du, ho ko ka fu ngbi ni fu Mbori nga kina Ba; ko nadigisa ga abazogo apai dunduko na asia pai dunduko na tandu. 25Bambiko ko ka kindo, daho ko ka maa avurako ni dunduko ku tii nduko yo. 26Yangara vura i nikagbarasa ha nga kpio. 27Bambiko ya Ziazia Kekeapai, “Mbori amoi ahe dunduko kina ku tii nduko yo.” Ono wa ya ko, “I moi ahe dunduko tii ko,” si nga binibangirise ya i nakoda nga gu ko namoi ahe dunduko ku tii ko na ni te. 28Ho i ka maa ahe ni dunduko ku tii ko, Wiri tigako tie ki moi tiko ku tii gu ko namoi ahe dunduko tii ko, Mbori du adu mbata yo fu ahe dunduko.
29Ka si adu nga wo ya agu yo i abapatizi yo ku ba agu yo naima kpi i amanga wãi? Ka ngia i azingisa nga kangba aboro wa sa te, i nabapatizi yo ku ba yo tipagine tie? 30Ani a tigaani tipagine ani naru ngba pai yo na saa dunduko ti ni? 31Mi gumba ha ni rimo gu tambuahe du be re mbiko roni, rogo Kristo Yesu yo gaani Gbia, ya mi nakpi na uru! 32Si ngia mi aso vura na anya Efesa no wa du pa aboro, si mangi wãi fere? Ka i azingisa nga kangba aboro ya, “Ani rí he ki nimbiri he, bambiko gba ani akpí akpi.” 33Ka i nángi nga roni ya: “Gbegberẽ kpamiatise nagbarasa wene sino.” 34Oni zingisi gaoni berã, ka oni íngi nga ya; bambiko agu roni aina nga Mbori wa sa te; mi gumba gere ka maa zee ti roni.
Pa kpotoboro rago zinga be kpio
35Ono gu ni aya, “I wiri pa zingisa kangba aboro wãi? I aye ni gini ngbatunga kpotoboro?” 36Na mungo mo! Gu he mo narũ tigamo si adu nga na ungaha te, kina ka si kpi. 37Gu mo naru a, mo arú nga gu borohio nikadu te, ono zendehe gbua, si ngia nganu, watadu kura ngbatunga zendehe. 38Ono Mbori nafu kpotoho kina wa ko akpi nyemu he, ki fu kpotoho fu zendehe ni ba sa sa. 39Pasio du nga na ngbatungaha sa dunduko te: ono pasio boro du sa, pasio anya du akia, pasio azire du akia, ga atio akia a. 40Aũ ngbangbaturũ du ho a na aú kpotosende; ono gu taarimo nga ga aú ngbangbaturũ du sa, gu nga ga aũ kpotosende du akia. 41Gu imarago nga ga uru du sa, gu imarago nga ga diwi du akia, gu imarago nga ga akerekuru du akia; bambiko imarago nga ga gu kerekuru akia ti gu kura ha ti pa imaha.
42A wo du pa zinga kangba aboro be kpio. I narú he ni zirã; i nazingisa ha zanga zirã. 43I narũ he na zee; i nazingisa ha na taarimo. I narũ he na rungbura; i nazingisa ha na tandu. 44I narũ he na boro borose; i nazingisa ha na boro toro. Si ngia boro borose du ho, boro toro du ho a. 45Wa du he ni keke he a, “Bambata boro nga Adama ki du ni unga mbisimo.” Yangara Adama ki du ni gu toro nafu unga. 46Ono gu nga toro adu nga ni bambata ha te ono gu nga borose; gu nga toro ki du fuo ho. 47Bambata boro nga ga sende ko, ũ sende; ue boro nga ga ngbangbaturũ ko. 48Wa du gu ko nga ga sende ko, wo du agu yo nga ga sende yo a; na wa du gu ko nga ga ngbangbaturũ ko, wo du agu yo nga ga ngbangbaturũ yo a. 49Na wa ani adu na kpia gu ko nga ga sende ko, ani nikadu na kpia gu ko nga ga ngbangbaturũ ko a wo. 50Were gumba mi gere, awirina, ya ka pasio na kure di nga kumbo ga Mbori ngbi te; zirã adia nga kumbo zanga zirã a te.
51Oni ngére! Mi nagumba iiriwo pai fu roni. Ani ará nga dunduko te, ono i asá rani akia dunduko, 52ni ipo, wa pira bangirise, ti woro yangara kpangi. Bambiko kpangi apaa apaa, i ki zingisi kangba aboro zanga zirã, i ki sa rani akia. 53Bambiko gi zizirĩ boro re ka ukadi zanga zirã, gi kpikpi boro re ka ukadi zanga kpio. 54Ono ho gi zizirĩ boro re ka ukadi zanga zirã ni na gi kpikpi boro re ka ukadi zanga kpio, gu pai ki da ti rengo du ni keke he ya,
“Kpio du ni digisidigisi he, kina diabese ki nye.
55Ako kpio, wari du ga diabese ni?
Ako kpio, ga egetera wari?”
56Egetera kpio nga ingapai; tandu ingapai nga rugute. 57Ono i fu tambuahe fu Mbori, na fu diabese fu rani rogo gaani Gbia yo Yesu Kristo.
58Wa du he were, betedi awirinami, oni dú nyanyaki, zanga wo, nimángi ga Gbia sunge zaza dedede, bambiko oni ini ya gaoni sunge adu nga gbua rogo Gbia yo te.
Currently Selected:
:
Highlight
Share
Copy
Want to have your highlights saved across all your devices? Sign up or sign in
La Sainte Bible en Zande © Alliance Biblique Universelle, 1978.