Hoshea 3
3
Hoshea ne Mukashi wa Masandi
1Yehowa wakangambila ne, Ya kabidi, nanga mukashi udi munangibue kudi mulunda wandi ne udi muena masandi, bu mudi Yehowa unanga Bena Isalele, nansha bobo bafila mitshima yabo kudi nzambi mikuabo ne bananga mikata ya tumuma tua nvinyo. 2Nunku nakamusela ku bituha bia argent dikumi ne bitanu, ne ku homer#3.2: Homer wakadi tshihiminu tshiakadi bu litres 370. Tangila Yehezekele 45.11. ne tshituha tshia hankatshi tshia homer bia matete a orge. 3Nakamuambila ne, Bûdi nʼabu mbua kuikala muena kuanyi matuku a bungi; kulondi malu a masandi, kuikadi mukashi wa muntu mukuabo; ne meme nengikale muomumue kûdi. 4Bualu bua Bena Isalele nebashale matuku a bungi kabayi ne mukelenge, kabayi ne mukokeshi, kabayi ne milambu mishihela Yehowa, kabayi ne dikunshi dia tshijila, kabayi ne tshilamba tshia efoda#3.4: Tangila Ekesode 25.7 ne 28.4., ne kabayi ne telafima.#3.4: Ebi mbifuanyikishi bia nzambi ya bena mpingu; tangila Genese 31.19, 30, 34. 5Hashishe, Bena Isalele nebahingane ne nebakebe Yehowa Nzambi wabo ne Davidi mukelenge wabo; nebalue kudi Yehowa ne ditshina, ne ku buimpe buandi mu matuku adi alua.
Currently Selected:
Hoshea 3: TSH
Highlight
Copy
Compare
Share
Want to have your highlights saved across all your devices? Sign up or sign in
Bible in Tshiluba © Bible Society of the Democratic Republic of Congo, 2003.
