Jurumi 10
10
1Umego, yeny mir adundena man kwayukwac para ma ba Mungu en e pigi, ya gibothi. 2Kum anyutho pigi nia gibedo kud amora pi Mungu, endre calku ng’eyong’ec ungo. 3Kum ma fodi gi cobo kum bedopwe pa Mungu, ma gibeyenyo de ya giketh migi e m’ucungi, gidwokri gigi wor ungo ni bedopwe pa Mungu. 4Kum Kristu en e kajik mi cik ni bedopwe ni dhanu ceke m’uyio kubang’gi kubang’gi. 5#Law 18:5Kum Musa goro ya ng’atu m’utimo bedopwe ma en e mi cik ebibedo ni kum maeno. 6#Poi 30:12-14Endre bedopwe ma en e mi yioyic uwacu kumae, Kud iwac ku i adundeni kumae, Ng’a ma biidho i polo? (lembene eni, nikelo Kristu piny:) 7kadi, Ng’a ma biloro piny i vur ma there mbe? (lembene eni, niting’o Kristu ku kind ju m’utho). 8Ento ewacu ang’o? Lembe maeni ni kago kudi, i dhogi, man i adundeni: lembene eni, lembe mi yioyic, ma wayero: 9kum tek ibituco ku dhogi ya Yesu en e Rwoth, man ibiyio kud adundeni nia Mungu ting’e ku kind ju m’utho, e ibiboth: 10kum kud adunde dhanu yio ni bedopwe; man ku dhok lembatuca jutuco ni both. 11#Isa 28:16Kum lembagora pa Mungu wacu kumae, Ng’atu ma tek uyie jubinyayu lewic i wie ngo. 12Kum tung’ tung’ umbe kind Juyahudi ku Juyunani: kum Rwoth acel e ma Rwoth mi ceke man ke elony ni ceke m’ulwong’e; 13#Yoe 2:32kum, Ng’atu ma tek bilwong’o nying Rwoth ebiboth. 14E gibilund lwong’e nenedi ma fodi gikuyie ngo? man gibiyie nenedi ma fodi gikuwinje ngo? man gibiwinjo nenedi ma jayero mbe? 15#Isa 52:7man gibiyero nenedi, tek juorogi ngo? cil calu egore kumae, Ei karamb ber mi tiend ju m’ukelo lembanyong’a ma juboth ko mi gin ma ber!
16 #
Isa 53:1
Ento kagi ceke giciko ithgi kum lembanyong’a ma juboth ko ngo. Kum Isaya wacu kumae, Rwoth, ng’a m’uyio rwonglembe mwa? 17Kum kumeno yioyic uwok ni kum winjo, winjo ke ni kum lembe pa Kristu. 18#Zab 19:4Ento awacu kumae, Giwinjo ngo? Eyo, andha,
Dwandgi meny i ng’om ceke,
Lembe migi de tundo cil i kajik mi ng’om.
19 #
Poi 32:21
Ento awacu kumae, Israel ung’eyo ngo? Ku kwong’a Musa wacu kumae,
Abinyayu ngiri i iwu kum maeno ma thek ungo,
Ku thek de ma ng’eyong’ecne mbe abinyayu ng’ecwiny i iwu.
20 #
Isa 65:1
Man Isaya e won tegocwiny ma dit, man ewacu kumae,
Anwangra ku ju ma giyenya ngo;
Anyuthra ni ju m’upenja ngo.
21 #
Isa 65:2
Ento pi Israel ewacu kumae, Ceng’ du ari nithang’u cinga ni ju ma gi juco man jupiem.
The Holy Bible In Alur (Lur), Revised Orthography © United Bible Societies, 1970.