Wel 7
7
Girathiera mi Dwoko Pemblam Leng’
1Man etimbre i ceng’ ma Musa daru ting’o ie hema malu, man ewire edwoke leng’ de, ku jamnine ceke, ku pemblam man agulune ceke, man ewirogi edwokogi leng’ de; 2nia judongomawijo mir Israel, ma wi udi pa weggi, githiero. Maeni gi judongomawijo mi suru, maeni gi ju ma ni wi ju ma jukwanugi: 3e gikelo girathiera migi i wang’ Yehova, magali m’auma abusiel, ku koni dhiang’ apar wi ario; magali acel ni judongomawijo ario kubang’gi kubang’gi, man koni dhiang’ acel ni ng’atu acel kubang’gi kubang’gi: e githierogi i wang’ hema. 4E Yehova yero ni Musa, ewacu kumae, 5Game i bang’gi kara jutim kugi tic mi hema mi cokri; man imigi ni Julawi, ni dhanu ceke kubang’gi kubang’gi ng’atuman calku tic pare. 6E Musa gamu magali ku koni dhiang’, man emiogi ni Julawi. 7Emio magali ario ku koni dhiang’ ang’wen ni wot Gercon, calku tic migi: 8man emio magali ang’wen ku koni dhiang’ abora ni wot Merari calku tic migi, the cing’ Ithamar ma wod Harun ma jalam. 9Ento emio moko ngo ni wot Kohath, kum tic mi kamaleng’ en e migi; giyeye wi gokgi. 10Man judongomawijo githiero giramia mi thier wi pemblam i ceng’ ma juwire i ie, en e judongomawijo githiero girathiera migi i wang’ pemblam. 11E Yehova wacu ni Musa kumae, Gibithiero girathiera migi, ku ba judongomawijo ku ba judongomawijo ng’atuman i ceng’ pare, ni thier mi pemblam.
12Man ng’atu m’uthiero girathiera pare i ceng’ ma kwong’ane en e Nacon ma wod Aminadab, mi suru pa Yuda: 13man girathiera pare en e atangla acel mi mola ma tar ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 14upal acel mi mola ma kwar mi cekel apar, pong’ kud udok ma ng’wice ng’ar; 15thwon dhiang’ acel ma ful ful man nyog rombo acel, ku nyathi nyog rombo ma rundine acel, ni lam m’awang’a; 16nyog diel acel ni lam mi dubo; 17man ni lam mi girathiera mi kwiocwiny, thwoni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Nacon ma wod Aminadab.
18I ceng’ mir arionde Nethanel ma wod Zuar, ma jaditmawijo pa Isakar, uthiero: 19ethiero ni girathiera pare atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 20man upal acel mi mola ma kwar mi cekel apar, pong’ kud udok ma ng’wice ng’ar; 21ku thwon dhiang’ acel ma ful ful, man nyog rombo acel, ku nyathi nyog rombo ma rundine acel, ni lam m’awang’a; 22man nyog diel acel ni lam mi dubo; 23man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundi migi acel acel: maeni en e girathiera pa Nethanel ma wod Zuar. 24I ceng’ mir adege Eliab ma wod Helon, ma jaditmawijo mi nyithindho pa Zebulun: 25girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 26man upal acel mi mola ma kwar mi cekel apar, pong’ kud udok ma ng’wice ng’ar; 27ku thwon dhiang’ acel ma ful ful, ku nyog rombo acel, ku nyathi nyog rombo acel ma rundine acel, ni lam m’awang’a; 28ku nyog diel acel ni lam mi dubo; 29man ni lam mi girathiera mi kwiocwiny, koni dhiang’ ario, man nyogi rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Eliab ma wod Helon.
30I ceng’ mir ang’wende Elizur ma wod Cedeur, ma jaditmawijo mi nyithindho pa Ruben: 31girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar ma cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo mi lam mi mogo; 32man upal acel mi mola ma kwar mi cekel apar, pong’ kud udok ma ng’wice ng’ar; 33ku thwon dhiang’ acel ma ful ful, ku nyog rombo acel, ku nyathi nyog rombo acel ma rundine acel, ni lam m’awang’a; 34man nyog diel acel ni lam mi dubo; 35man ni lam mi girathiera mi kwiocwiny, koni dhiang’ ario, ku nyog rombe abic, ku nyogi diegi abic, man nyithi nyogi rombe abic ma rundi migi acel acel: maeni en e girathiera pa Elizur ma wod Cedeur.
36I ceng’ mir abije Celumiel ma wod Zuricadai, ma jaditmawijo mi nyithindho pa Simeon: 37girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar ma cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 38man upal acel mi mola ma kwar mi cekel apar, pong’ kud udok ma ng’wice ng’ar; 39ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a; 40ku nyog diel acel ni lam mi dubo; 41man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundi migi acel acel: maeni en e girathiera pa Celumiel ma wod Zuricadai.
42I ceng’ mir abusiende Eliasaf ma wod Deuel, ma jaditmawijo mi nyithindho pa Gad; 43girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 44man upal acel mi mola ma kwar mi cekel apar, pong’ kud udok ma ng’wice ng’ar; 45ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a: 46ku nyog diel acel ni lam mi dubo; 47man ni lam mi girathiera mi kwiocwiny, koni dhiang’ ario, man, nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Eliasaf ma wod Deuel.
48I ceng’ mir abirone Elicama ma wod Amihud, ma jaditmawijo mi nyithindho pa Efraim: 49girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam ini mogo; 50man upal acel mi mola ma kwar mi cekel apar, pong’ kud udok ma ng’wice ng’ar; 51ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a; 52ku nyog diel acel ni lam mi dubo; 53man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni girathiera pa Elicama ma wod Amihud. 54I ceng’ mir aborane Gamaliel ma wod Pedazur, ma jaditimawijo mi nyithindho pa Manase: 55girathiera pare en e atangla acel mi mola ma tar, ma pekne en e cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 56man upal acel mi mola ma kwar mi cekel apar, pong’ kud udok ma ng’wice ng’ar; 57ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a; 58man nyog diel acel ni lam mi dubo; 59man ni lam mi girathiera mi kwiocwiny, thwoni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Gamaliel ma wod Pedazur.
60I ceng’ mir abung’wende Abidan ma wod Gideoni, ma jaditmawijo mi nyithindho pa Benyamin: 61girathiera pare en e atangla acel mi mola ma tar, ma pekne cekel dak acel ku pier adek, ku tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 62man upal acel mi mola ma kwar mi cekel apar, pong’ kud udok ma ng’wice ng’ar; 63ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel ni lam m’awang’a; 64man nyog diel acel ni lam mi dubo; 65man ni lam mi girathiera mi kwiocwiny koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Abidan ma wod Gideoni.
66I ceng’ mir apaje Ahiezer ma wod Amicadai, ma jaditmawijo mi nyithindho pa Dan: 67girathiera pare en e atangla acel mi mola ma tar, ma pekne cekel dak acel ku pier adek, ku tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 68man upal acel mi mola ma kwar mi cekel apar, pong’ kud udok ma ng’wice ng’ai; 69ku thwon dhiang’ acel ma ful ful, man nyog rombo acel, ku nyathi nyog rombo ma rundine acel, ni lam m’awang’a; 70ku nyog diel acel ni lam mi dubo; 71man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel: maeni en e girathiera pa Ahiezer ma wod Amicadai.
72I ceng’ apar wi acende Pagiel ma wod Okran, ma jaditmawijo mi nyithindho pa Acer: 73girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebreku moni lam mi mogo; 74man upal acel mi mola ma kwar mi cekel apar, pong’ kud udok ma ng’wice ng’ar; 75ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a; 76man nyog diel acel ni lam mi dubo; 77man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, ku nyithi nyogi rombe abic ma rundigi acel acel: maeni en e girathiera pa Pagiel ma wod Okran.
78I ceng’ apar wi arionde Ahira ma wod Enan, ma jaditmawijo mi nyithindho pa Naftali; 79girathiera pare en e atangla acel mi mola ma tar, ma pekne cekel dak acel ku pier adek, man tabu acel mi mola ma tar mi cekel pier abiro, calku cekel mi kamaleng’; gin ario pong’ ku mogo ma yom m’ujebre ku mo ni lam mi mogo; 80man upal acel mi mola ma kwar mi cekel apar, pong’ kud udok ma ng’wice ng’ar; 81ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a: 82ku nyog diel acel ni lam mi dubo; 83man ni lam mi girathiera mi kwiocwiny, koni dhiang’ ario, ku nyogi rombe abic, ku nyogi diegi abic, man nyithi nyogi rombe abic ma rundigi acel acel; maeni en e girathiera pa Ahira ma wod Enan.
84Maeni en e giramia mi thier mi pemblam, i ceng’ ma juwire i ie ku mo, ni kum judongomawijo mir Israel: atangla mi mola ma tar apar wi ario, ku tabu mi mola ma tar apar wi ario, man upal mi mola ma kwar apar wi ario; 85man pek mir atangla mi mola ma tar kubang’gi kubang’gi cekel dak acel ku pier adek, man tabu kubang’gi kubang’gi pier abiro; mola ma tar ceke mir agulu cekel rubanga ario ku dak ang’wen, calku cekel mi kamaleng’; 86upal apar wi ario mi mola ma kwar, pong’ kud udok ma ng’wice ng’ar pekne kubang’gi kubang’gi cekel apar, calku cekel mi kamaleng’; mola ma kwar ceke mir upal cekel dak acel ku pier ario; 87koni dhiang’ ceke mi lam m’awang’a en e thwoni dhiang’ apar wi ario, man nyogi rombe apar wi ario, nyithi nyogi rombe ma rundigi acel acel apar wi ario, ku lam mi mogone; man nyogi diegi mi lam mi dubo apar wi ario; 88man koni dhiang’ ceke mi lam mi girathiera mi kwiocwiny en e thwoni dhiang’ pier ario wi ang’wen, nyogi rombe ke pier abusiel, nyogi diegi ke pier abusiel, man nyithi nyogi rombe ma rundigi acel acel pier abusiel. Maeni en e giramia mi thier mi pemblam, yo ng’ei wire ku mo. 89E kinde ma Musa mondo i hema mi cokri niweco kude, elund ewinjo Dwal ubeweco i bang’e ku malu ba kabedomikisa ma ni wi sanduk mi lembatuca, kud i kind kerubi ario; man eweco i bang’e.
The Holy Bible In Alur (Lur), Revised Orthography © United Bible Societies, 1970.