Mika 6

Piem pa Yehova ku Israel

1Wuwinj kawono gin ma Yehova wacu: Ai, ii i wang’ gudi, man wek ungulu gudi winj dwendi. 2Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel. 3E dhanu para, atimo ang’o i kumi? man aoli kud ang’o? tuc wia. 4#Ai 12:50, 51; Ai 4:10-16; Ai 15:20Kum awodhi woko kud i ng’om Misiri, man aweri kud i ot mi ng’eca; man aoro Musa, ku Harun, man Miriem, i weng’i. 5#Wel 22:2-24:25; Yoc 3:1-4:19E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

Gin ma Yehova Lwong’o

6Abibino i wang’ Yehova kud ang’o, man arum i wang’ Mungu ma malu? abibino i wang’e ku lam m’awang’a, ku nyithi dhiang’ ma rundigi acel aceli? 7mutoro binego Yehova kum nyogi rombe rubanga dupa, kadi kum kulo ma dongo mi mo rubanga apari? abimio kayu para pi gondri para, nying’ kuma pi dubo mi ng’eyong’ec para? 8Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

9Dwand Yehova ywak bang’ adhura, e dhanu mi rieko bineno nyingi: wuwinj dul, man ng’a m’ukethe. 10Fodi kakanpiny mi dubo nuti i ot pa jadubo, man katoko m’urem ma en e ginmajudagu? 11Abibedo leng’ ku mukero mi dubo, man kud usau mi jampor mir abombi? 12Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi. 13Ka kumeno an bende agoi ku lero ma rac; man aketho ibedo kendi ni kum dubo peri. 14Ibicamu, ento ibiyeng’ ungo; man jwik peri bibedo i kindi: man ibiketho cen, ento ibibodho ngo; man maeno m’ibodho abimio ni palamularu. 15Ibicoyo, ento ibikayu ngo; ibinyono ulam, ento ibiwiri ku mo ngo; man mwoka mir ulok, ento ibimadhu pigulokne ngo. 16#1 Ub 16:23-28; 1 Ub 16:29-34; 21:25, 26Kum cik pa Omri juworo, ku tic ceke mi ot pa Ahab, man wuwotho i lembapora migi; kara adwoki ni nyoth, man ju ma gibedo i iene ni cac; e wubiyeyo cac mi dhanu para.

Currently Selected:

Mika 6: AB1970

Highlight

Copy

Compare