Matayo 23

Yesu Kwero Kuratim mi Jugorcik ku Jufarisayo man Ecimogi

(Mk 12:38-40; Lk 11:37-54; Lk 20:45-47)

1Yesu lund uyero ni udul dhanu ku julubne, 2ewacu kumae, Jugorcik ku Jufarisayo de gijany wi kom pa Musa: 3ka kumeno gin ceke ma tek giwacu iwu, dong’ wutim wuwor de: ento kud wutim calku tic migi; kum giwacu, man gitimo ngo. 4Eyo, gitwio ter ma pek ma yeyo tek, gikethogi de wi gok dhanu; ento gin gigi giyenyo ngo gicorgi ku lwetgi acel. 5#Mt 6:1; Poi 6:8; Wel 15:38Ento tic migi ceke gitimo kara dhanu ginen: kum giketho ngisa migi mi lem pa Mungu udok lac, man gikoko dhu kendi migi de, 6gimaru ka m’usagu de i agba, ku kom m’usagu i kacokri, 7ku moth ma i katali, man ya dhanu lwong’gi kumae, Japonji. 8Ento wun re ku julwong’wu Japonji: kum japonji mu en e acel, man wun ceke wun umego. 9Man kud wulwong’ ng’atu moko ya wegwu i ng’om: kum ng’atu acel e ma Wegwu, en e ng’atu ma ni i polo. 10Kadok ku julwong’wu judongo: kum ng’atu acel e ma jadit mu, en e Kristu. 11#Mt 20:26, 27; Mk 9:35; 10:43, 44; Lk 22:26Ento ng’atu ma dit ma sagu wagi i kindwu ebibedo jatim iwu. 12#Lk 14:11; 18:14Man ng’atu ma tek bitingre gire jubijwige; man ng’atu ma tek bijwigre gire e ma jubiyunge.

13Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi. 14Can i wiwu, jugorcik ku Jufarisayo, weg ambili! kum wucamu udi mi mon ma coggi tho, cil kinde ma wuguro rwo ma bor: kum kumeno wubinwang’u lembapoka ma rac ma sagu.

15Can i wiwu, jugorcik ku Jafarisayo, weg ambili! kum wutieko nam ku ng’om de kara wunwang’ jalub acel; man kan edoko kumeno, wudwoke ni wod gehena ma sagu wun giwu wang’ ario.

16Can i wiwu, wu jutelwijo ma wun abinga, ma wuwacu kumae, Ng’atu ma tek bikwong’o kwong’ ku hekalu, en e mananu; ento ng’atu ma tek bikwong’o kwong’ ku mola ma kwar mi hekalu, en e jabanja. 17Wu jukusegu abinga de: kum makani ma dit ma sagu, mola ma kwar kadi hekalu ma dwoko mola ma kwar leng’i? 18Man ke kumae, Ng’atu ma tek bikwong’o kwong’ ku pemblam, en e mananu; ento ng’atu ma tek bikwong’o kwong’ ku giramia ma ni i wie, en e jabanja. 19Wun abinga: kum makani ma dit ma sagu, giramia, kadi pemblam ma dwoko giramia leng’i? 20Ka kumeno ng’atu m’ukwong’o kwong’ ku pemblam, nwang’u ekwong’o kude, ku gin ceke ma ni i wie de. 21Man ng’atu m’ukwong’o kwong’ ku hekalu, nwang’u ekwong’o kude, ku ng’atu m’ubedo i ie de. 22#Isa 66:1; Mt 5:34Man ng’atu m’ukwong’o kwong’ ku polo, nwang’u ekwong’o ku komker pa Mungu, ku ng’atu m’ujany i wie bende.

23 # Law 27:30 Can i wiwu, jugorcik ku Jufarisayo, weg ambili! kum wumio apaje mir ukuju, ku thoki, man atingli, man wuweko gin ma pek mi cik, ku pokolembe ma pwe, man kisa, ku yioyic: ento emaku wutim gin maeni, man kud wuwek timo gin maeni de. 24Wu jutelwijo ma wun abinga, wuluro jur woko, man wumwonyo ngamia!

25Can i wiwu, jugorcik ku Jufarisayo, weg ambili! kum wulonyo yo ng’ei kikombe ku yo ng’ei atangla, ento kuvuga kud awanya ma rac upong’ yor i igi. 26In i Jafarisayo ma abinga, ilar ilony yo i kikombe kud atangla de, kara yo ng’eigi bende dok leng’.

27 # Tic 23:3 Can i wiwu, jugorcik ku Jufarisayo, weg ambili! kum wu calu odliel ma jufuyo ku vulo, ma nen ber ku yo woko, ento cogo dhanu m’utho pong’ yor i igi, ku sasa ceke. 28Cil kumeno wun bende dhanu nenowu pwe ku yo woko, ento ku yor i iwu wupong’ kud ambili man camuco.

29Can i wiwu, jugorcik ku Jufarisayo, weg ambili! kum wugomo odliel mi jubila, man wuruko odliel mi weg bedopwe, 30wuwacu de kumae, Tek wanuti i ceng’ ma kwaruwa nuti i ie, kuno di waribra kugi ngo i rimo mi jubila. 31Kum kumeno wunyuthru giwu, ya wu wot ju m’unego jubila. 32Ka kumeno dong’ wupong’ mukero pa kwaruwu. 33#Mt 3:7; 12:34; Lk 3:7Wu thwol, wu nyikwai urobi, wucopo piei ni lembapoka mi gehena nenedi? 34Ka kumeno, nen, aoro jubila i beng’wu, ku jurieko, man jugorcik: jumoko m’i kindgi de wubinego wubigurogi de; jumoko de m’i kindgi wubifodogi i kacokri mu, man wubinyayu ragedo i kumgi ku bang’ adhura ku bang’ adhura: 35#Tha 4:8; 2 Kei 24:20, 21kara rimo ceke ma pwe m’uthwogre wi ng’om, ubed i wiwu ugambre kum rimb Habil ma pwe cil ku rimb Zakaria ma wod Barakia, ma wunego i kind hekalu ku pemblam. 36Andha awacu iwu kumae, Gin maeni ceke bibino i wi dhanum’utuk maeni.

Yesu Ywak pi Yerusalem

(Lk 13:34-35)

37E Yerusalem, Yerusalem, m’unego jubila, m’ucanyu ju ma juorogi i bang’e de ku kidi! wang’ udul ngi ayenyo acok nyithindho peri karacelo, cil calu min gweno coko nyithindhe the bombe, e wuyenyo ngo! 38#Yer 22:5Nen, ot mu juweko iwu ni uvuru. 39#Zab 118:26Kum awacu iwu kumae, Ugambre kawono wubinena kendo ngo, cil ma wubiwacu ko kumae, Mugisa ni ng’atu m’ubino ku nying Rwoth.

Currently Selected:

Matayo 23: AB1970

Highlight

Compare

Copy