Yona 4
4
Lembe Ton i Yona, Mungu Nyutho Kisa
1Ento lembene ton i Yona dit apila, man ng’ecwiny umake. 2#Ai 34:6Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac. 3#1 Ub 19:4Ka kumeno kawono, E Yehova, akwei, kab kwo para kud i bang’a; kum e ber ira nitho sagu ma tek abedo kwo. 4Man Yehova wacu kumae, Itimo dre ka ng’ecwiny umeki? 5Yona lund uai woko ku i adhura, man ebedo i ng’et adhura ma yo nyangu, e ejio otbak ire keca, man ebedo the tipone, maram ebineno ko gin ma bitimbre kum adhurane.
6Man Yehova Mungu jio vombo, man eketho edongo wi Yona, kara edok ni tipo i wie, kara ubodhe kud i bedo pare ma rac. Kum kumeno anyong’a nego Yona apila kum vombone. 7Ento Mungu yiko ukal ka nyangu dongo urwone, man egoyo vombone, ketho ener. 8Man etimbre, ka ceng’ udongo, nia Mungu yiko yamu ma lieth ma yo nyangu; e ceng’ uwang’u wi Yona, ketho evoc, man ekwayu pire gire nia etho, e ewacu kumae, E ber ira tek atho sagu bedo kwo. 9E Mungu wacu ni Yona kumae, Itimo dre ka ng’ecwiny unegi kum vombo? Man ewacu kumae, Atimo dre kum ng’ecwiny umaka, cil ni tho. 10E Yehova wacu kumae, Kisa negi kum vombo, m’itimo tic moko ngo i kume kadok alaka de iketho elak in ungo; m’etwi diewor acel, m’enyothre de diewor acel: 11man emaku piny ungo nia kisa nega kum adhura ma dit maeno ma Nineve, ma dhanu ma sagu rubanga dak acel ku pier ario ni i ie ma copo ng’eyo cing’gi ma yor acwic ku ma yor acam de ngo; ku lim dupa bende?
Currently Selected:
Yona 4: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
