Ezekiel 44

Karam Tim mi Hekalu

1Elund edwoka ku yo mi dhugang’ ma yo woko mi kamaleng’, ma neno yo nyangu; man ebedo acika. 2Man Yehova wacu ira kumae, Dhugang’ maeni bibedo acika; jubiyabe ngo, kadok dhanu moko de mbe ma bimondo kudo; kum Yehova, Mungu mir Israel, umondo kude; ka kumeno ebibedo acika. 3Pi jaditmawijo, ebibedo i ie calu jaditmawijo mi camu kwen i wang’ Yehova; ebimondo ku yo mi pondot mi dhugang’, man ebiwok woko ku yoje.

4Elund etera ba yo mi dhugang’ ma yor ariwa ma malu i wang’ ode; man aneno, man nen, dwong’ pa Yehova pong’o ot pa Yehova’: man apodho arieba wang’a. 5Man Yehova wacu ira kumae, Wod dhanu, keth cwinyi i kume, man inen ku weng’i, iwinj ku ithi de gin ceke m’ayero iri pi lembapoka mi ot pa Yehova, ku cikne ceke; man iketh cwinyi cu kum kamondo mi ode ku wokwoko kubang’e kubang’e mi kamaleng’. 6Man ibiwacu ni juco, en e ni ot mir Israel kumae, Rwoth Yehova wacu kumae: E wu ot mir Israel, wek gin mi ginmajudagu mu ceke romwu, 7kum wukelo juwirok, ma jutimo yaa kum adundegi ngo man jutimo yaa i ring’kumgi de ngo, ubed i kamaleng’ para, kara ucide, en e ot para, kinde ma wuthiero kwen para, mio man rimo, man gituro lembariba para kara umed kum ginmajudagu mu ceke. 8Man wugwoko kur mi gin ma leng’ para ngo; ento wuketho jugwok kur para i kamaleng’ para piwu giwu.

9Rwoth Yehova wacu kumae, Jawirok moko mbe, ma jutimo yaa i adundene ngo ma jutimo yaa i ring’kume de ngo, ma bimondo i kamaleng’ para, kind juwirok moko ma ni i kind nyithindho mir Israel. 10Ento Julawi m’ucidho bor i kuma, kinde ma Israel ukier, m’ukier i kuma tok mungu m’araga migi, gibiyeyo kier migi. 11Ento gibibedo jutim i kamaleng’ para, ma gineno ba dhugang’ mi ot, ma gitimo de i ot: gibithumo lam m’awang’a ku lam de ni dhanu, man gibicungo i wang’gi kara gitim igi. 12Kum gitimo igi i wang’ mungu m’araga migi, man gidoko ni cudho mi kier ni ot mir Israel; ka kumeno ating’o cinga i kumgi, Rwoth Yehova wacu, man gibiyeyo kier migi. 13Man gibibino ceng’ni an ungo, kara gitim tic pa jalam ira, kadi kara gibin ceng’ni ba gin ma leng’ para moko, ba gin ma gi leng’ m’usagu; ento gibiyeyo lewic migi, ku ginmajudagu migi ma gitimo. 14Ento abidwokogi ni jukur mi kur mi ot, pi giratimane ceke, man pi gin ceke ma jubitimo i ie.

15Ento julam ma julawi, ma wot Zadok, ma gwoko kur mi kamaleng’ para kinde ma nyithindho mir Israel ukier kud i bang’a, gibibino ceng’ni an nitimo ira; man gibicungo i wang’a kara githier ira mio ku rimo, Rwoth Yehova wacu: 16Gibimondo i kamaleng’ para, man gibibino ceng’ni mesa para, kara gitim ira, man gibigwoko kur para. 17#Ai 28:39-43; Law 16:4Man ebibedo nia, kinde ma gimondo i dhugang’ mi lelagang’ ma yor i ie, gibibedo aronya ku kendi ma nwang’; man yuk rombe moko biwok i kumgi ngo, kinde ma gitimo i dhugang’ mi lelagang’ ma yor i ie, man i ot. 18Gibibedo ku jamtwic mi wie mi bongu ma nwang’ i wigi, man gibibedo ku bongu ma nwang’ mi tielo i piergi; gibitwiri ku gin moko ngo ma ng’iero kwok. 19#Law 16:23Man kinde ma giwok i lelagang’ ma yo woko, en e i lelagang’ ma yo woko ba dhanu, gibiwodho kendi migi ma gitimo kudo tim, man gibikethogi i kusika ma leng’; e gibironyo kendi mange, kara ku gidwok dhanu leng’ ku kendi migi. 20#Law 21:5Kadi gibigwaru wigi de ngo, kadi yukwigi de gibiyio ngo ya uwobi; gibinyaru yukwigi kende. 21#Law 10:9Kadi julam moko de bimadhu pigulok ungo, kinde ma gimondo i lelagang’ ma yor i ie. 22#Law 21:7, 13, 14Kadi gibigamu dhaku ma cware tho de ngo ni mon migi, kadi ng’atu ma jucoro cen de ngo; ento gibigamu nyir ma ng’won mi kodhi mi ot mir Israel, kadi dhaku ma cware tho ma en e dhaku ma cware tho pa jalam. 23#Law 10:10Man gibiponjo dhanu para maram gin ma leng’ ku gin ma sai tung’ ko, man gibiketho ging’io kind gin m’ucido ku gin ma leng’. 24Man gibicungo i piem mi lembe kara gipoki; gibipoko maeni calku pokolembe para: man gibigwoko cik para ku lembang’ola para i agba para ceke ma juketho; man gibidwoko ceng’ sabatu para leng’. 25#Law 21:1-4Man gibimondo bang’ avu dhanu ngo kara ucidgi gigi: ento gicopo cidri pi weggi, kadi pi meggi, kadi pi wodgi, kadi pi nyiggi, pir umeggi, kadi pi nyameggi ma fodi cware mbe. 26Man yo ng’ei dwokrileng’ pare, gibikwanu ire ceng’ abiro, 27Man i ceng’ m’emondo i ie i kamaleng’, i lelagang’ ma yor i ie, kara etim i kamaleng’, ebithiero lam mi dubo pare, Rwoth Yehova wacu.

28 # Wel 18:20 Man gibibedo kud aba: an a aba migi; man wubimio igi piny ungo i kind Israel; an a piny migi. 29#Wel 18:8-19Gibicamu lam mi mogo, ku lam mi dubo, man lam mi kier; man gin ma jukoyo i Israel kubang’e kubang’e bibedo migi. 30Man gin ma kwong’a mi mwoka ceke mi gin ceke kubang’e kubang’e, man lam m’ating’a kubang’e kubang’e mi gin ceke kubang’e kubang’e, mi lam mu ceke, bibedo pa jalam: man wubimio ni julam ng’et kwen mu ma kwong’a, kara uketh mugisa bed wi ot peri. 31#Law 22:8Julam bicamu gin moko m’utho kende ngo, kadi ma juyeco, kadok en e winyo kadi lim.

Currently Selected:

Ezekiel 44: AB1970

Highlight

Copy

Compare