Daniel 12
12
Nindo mi Kajik
1 #
Nyu 12:7;
Mt 24:21; Mk 13:19; Nyu 7:14; 12:7 Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu. 2#Isa 26:19; Mt 25:46; Yoh 5:29Man dupa mi ju m’unindo i utur mi ng’om gibiceu, jumoko mi kwo ma rondo ku rondo, man jumoko mi lewic ku cac ma rondo ku rondo. 3Man ju ma gi riek gibirieny calu der mir apokapiny; man ju m’uloko dhanu dupa ba bedopwe ke calu cero rondo ku rondo. 4#Nyu 22:10Ento in, E Daniel, cik dhu lembene, man imwon ayi kum kitabu, cil i nindo mi kajikne: dupa biringo kun ku kun, man ng’eyong’ec bimedre.
5E an a Daniel, alund aneno, man, nen, ju ario mange cungo, ng’atu acel dhu kulo ma yo kuni, ng’atu mange ke dhu kulo ma yo kuca. 6Man ng’atu acel uwacu ni ng’atu m’uronyo bongu ma nwang’, ma ni wi pi mi kulo kumae, Kajik mi musana maeni bibedo rokani? 7#Nyu 10:5; Nyu 12:14Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum. 8Man awinjo, ento ang’eyo ngo: alund awacu kumae, E rwoth para, kajik mi gin maeni bibedo ang’o? 9Man ewacu kumae, Cidh i yo peri, Daniel; kum lembene juciko dhoge man jumwono ayi i kume cil i nindo mi kajikne. 10#Nyu 22:11Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe. 11#Dan 9:27; 11:31; Mt 24:15; Mk 13:14Man ugambre i nindo ma lam m’awang’a ma thiri thiri bikabre ie woko, man ginmajudagu ma ketho uvuru bicungo, ceng’ bibedo rubanga acel ku dak ario ku pier abung’wen. 12Mugisa ni ng’atu m’ukuro, man m’utundo kum ceng’ rubanga acel ku dak adek ku pier adek wi abic. 13Ento cidh peri cil i kajikne; kum ibiyom, man ibicungo, i makapiny peri, i kajik mi ceng’.
Currently Selected:
Daniel 12: AB1970
Highlight
Copy
Compare
Share
Want to have your highlights saved across all your devices? Sign up or sign in
The Holy Bible In Alur (Lur), Revised Orthography © United Bible Societies, 1970.
