Romefo 9
9
Nyankopɔn Gye no Nkorɔfo
1Meka no nokwar wɔ Kraest mu, minndzi ator, na me tsibowa so regye me dase wɔ Sunsum Krɔnkrɔn mu, 2dɛ mowɔ awerɛhow kɛse nye yaw a ɔmmbotow wɔ m’akoma mu. 3Na nkyɛ mepɛ dɛ wɔyɛ mara ebusudze fi Kraest ho, ma mo nuanom a wɔyɛ m’ebusuafo wɔ honam afamu: 4#Eks 4.22 na wɔyɛ Israelfo a abayɛ no, nye enyimnyam no, nye ahyɛmu no, nye mbrahyɛ no, nye Nyankopɔn som no, nye anohoba no yɛ hɔndze; 5na egyanom no so yɛ hɔndze, na honam afamu so Kraest a ɔyɛ adze nyina do Nyankopɔn a woehyira no daa daa no fi hɔn mu bae no. Amen.
6Na nnyɛ dɛ gyama Nyankopɔn asɛm no ayɛ gyan bi; osiandɛ nnyɛ hɔn a wofi Israel mu nyina nye Israelfo; 7#Gye 21.12 na eso nnyɛ dɛ wɔyɛ Abraham asefo ntsi na hɔn nyina yɛ mba, na mbom, Isaak mu na wɔbɛfrɛ w’asefo. 8Ɔno nye dɛ nnyɛ honam mu mba na wɔyɛ Nyankopɔn mba, na mbom anohoba mba no na wobu hɔn n’asefo. 9#Gye 18.10 Na anohoba no ɔnye asɛm yi, Afedan sisei mebɛba no, nna Sara enya ba. 10Na nnyɛ dɛm nko, na Rebeka so nye ɔbaako no a ɔno nye hɛn egya Isaak nyinsenii, 11na wonnyae nnwoo mba no, na wonnyae nnyɛɛ papa anaa bɔn no, mbrɛ ɔbɛyɛ ma Nyankopɔn ne nsanmuyi tsirmpɔw no begyina, na eemmfi ndwuma mu na mbom eefi nyia ɔfrɛ no ntsi no, 12#Gye 25.23 wɔsee no dɛ, Ɔpanyin no bɔsom ekumaba no, 13#Mal 1.2, 3 dɛ mbrɛ wɔakyerɛw dɛ,
Jakob na modɔɔ no,
na Esau dze, metaan no.
14Dɛm a afei yɛbɛka dɛn? Ana Nyankopɔn ayɛ ayɛmpamu, anaa ɔnntsen? Oho, ɔnntse dɛm da! 15Na ɔkaa kyerɛ Moses dɛ,
Nyia muhu no mbɔbɔr ara na mubohu no mbɔbɔr,
na nyia me yamu hyehye me ma no ara na me yamu bɛhyehye me ama no.
16Ntsi, ommfi nyia ɔpɛ, anaa nyia otutu mbirika, na ofi Nyankopɔn a ohu mbɔbɔr no. 17#Eks 9.16 Na kyerɛw no se Farao dɛ, Iyi ntsi na memaa wo do, dɛ mibeyi mo tum edzi wɔ wo mu, ama wɔaabɔ me dzin wɔ asaase nyina do. 18Dɛm ntsi nyia ɔpɛ na ohu no mbɔbɔr, na nyia ɔpɛ na opirim n’akoma.
Nyankopɔn N’ebufuw na N’ehumbɔbɔr
19Na bi a ibebisa me dɛ, Dɛm a nna ɔyɛ dɛn na ɔda ho ara hu mfom wɔ nyimpa ho? Woana botum esiw ne pɛ kwan? 20#Isa 29.16; 45.9 Ao, nyimpa, woana nye wo na enye Nyankopɔn yiyi nsɛm ano? Ana awendze bɛse ɔwemfo dɛ, Ɔyɛ dɛn na eyɛɛ me dɛm? 21Ana senaba wemfo nnyi dɛtse do tum dɛ ɔdze dɛtsetɔw kor noara bi wen kɔɔpow a ɔsom bo, na ɔdze bi so wen kor so a ɔnnsom bo? 22Na dɛ Nyankopɔn repɛ akyerɛ n’ebufuw, na oeyi no tum edzi ntsi, ɔdze abotar pii peen nkorɔfo a woeyi no ebufuw a woesiesie hɔn ama ɔsɛɛ no; 23na sɛ ɔpɛ dɛ ɔbɛma woehu n’enyimnyam ahonya no so wɔ mbɔbɔrhu a oesiesie ama hɔn a oesiesie ama enyimnyam no so a, yɛbɛka dɛn? 24Mekyerɛ hɛn a wɔafrɛ hɛn, nnyɛ Jewfo nko, na amanamamfo so bi ka ho. 25#Hos 2.23 Dɛ mbrɛ ɔka so wɔ Hosea mu dɛ,
Mebɛfrɛ dza ɔnnyɛ me man, me man,
Na nyia ɔnnyɛ mo dɔfo no, mo dɔfo.
26 #
Hos 1.10
Na ɔbɛba, dɛ, hɔn a wɔsee hɔn dɛ, Hom nnyɛ me man no,
Hɔn na wɔbɛfrɛ hɔn Nyankopɔn tseasefo no mba.
27 #
Isa 10.22, 23 Na Isaia so tsea mu wɔ Israel ho dɛ, Sɛ Israelmba dodow tse dɛ mpoano anhwea mpo a, kakraabi na wɔbɛgye hɔn nkwa. 28Na n’asɛm no ne nwiei nye ne tsiatwa ntsi, Ewuradze bɛyɛ iyi wɔ asaase do. 29#Isa 1.9 Na dɛ mbrɛ Isaia kae too hɔ dɛ,
Sɛ Dɔm Ewuradze enngya hɛn asefo a,
Nkyɛ yɛayɛ dɛ Sodom,
na wɔama yɛayɛ dɛ Gomora.
Israel na Asɛmpa no
30Ebɛn asɛm na afei yɛbɛka? Dɛ amanamamfo a woenntsiw tsenenee no nsa aka tsenenee a ɔyɛ tsenenee a ofi gyedzi mu; 31na Israel a otsiiw tsenenee mbra no enndu tsenenee mbra no ho. 32Ebɛnadze ntsi a? Osiandɛ woenndua gyedzi do, na dɛ gyama ofir ndwuma mu. Wofintsiiw fintsiw bo no do, 33dɛ mbrɛ wɔakyerɛw no dɛ,
Hwɛ, moroto fintsiwbo bi wɔ Zion,
ɔbotan a ɔbɛma nkorɔfo ahwe ase:
Na nyia ɔbɛgye no edzi no, n’enyim nnkogu ase.
Currently Selected:
Romefo 9: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Romefo 9
9
Nyankopɔn Gye no Nkorɔfo
1Meka no nokwar wɔ Kraest mu, minndzi ator, na me tsibowa so regye me dase wɔ Sunsum Krɔnkrɔn mu, 2dɛ mowɔ awerɛhow kɛse nye yaw a ɔmmbotow wɔ m’akoma mu. 3Na nkyɛ mepɛ dɛ wɔyɛ mara ebusudze fi Kraest ho, ma mo nuanom a wɔyɛ m’ebusuafo wɔ honam afamu: 4#Eks 4.22 na wɔyɛ Israelfo a abayɛ no, nye enyimnyam no, nye ahyɛmu no, nye mbrahyɛ no, nye Nyankopɔn som no, nye anohoba no yɛ hɔndze; 5na egyanom no so yɛ hɔndze, na honam afamu so Kraest a ɔyɛ adze nyina do Nyankopɔn a woehyira no daa daa no fi hɔn mu bae no. Amen.
6Na nnyɛ dɛ gyama Nyankopɔn asɛm no ayɛ gyan bi; osiandɛ nnyɛ hɔn a wofi Israel mu nyina nye Israelfo; 7#Gye 21.12 na eso nnyɛ dɛ wɔyɛ Abraham asefo ntsi na hɔn nyina yɛ mba, na mbom, Isaak mu na wɔbɛfrɛ w’asefo. 8Ɔno nye dɛ nnyɛ honam mu mba na wɔyɛ Nyankopɔn mba, na mbom anohoba mba no na wobu hɔn n’asefo. 9#Gye 18.10 Na anohoba no ɔnye asɛm yi, Afedan sisei mebɛba no, nna Sara enya ba. 10Na nnyɛ dɛm nko, na Rebeka so nye ɔbaako no a ɔno nye hɛn egya Isaak nyinsenii, 11na wonnyae nnwoo mba no, na wonnyae nnyɛɛ papa anaa bɔn no, mbrɛ ɔbɛyɛ ma Nyankopɔn ne nsanmuyi tsirmpɔw no begyina, na eemmfi ndwuma mu na mbom eefi nyia ɔfrɛ no ntsi no, 12#Gye 25.23 wɔsee no dɛ, Ɔpanyin no bɔsom ekumaba no, 13#Mal 1.2, 3 dɛ mbrɛ wɔakyerɛw dɛ,
Jakob na modɔɔ no,
na Esau dze, metaan no.
14Dɛm a afei yɛbɛka dɛn? Ana Nyankopɔn ayɛ ayɛmpamu, anaa ɔnntsen? Oho, ɔnntse dɛm da! 15Na ɔkaa kyerɛ Moses dɛ,
Nyia muhu no mbɔbɔr ara na mubohu no mbɔbɔr,
na nyia me yamu hyehye me ma no ara na me yamu bɛhyehye me ama no.
16Ntsi, ommfi nyia ɔpɛ, anaa nyia otutu mbirika, na ofi Nyankopɔn a ohu mbɔbɔr no. 17#Eks 9.16 Na kyerɛw no se Farao dɛ, Iyi ntsi na memaa wo do, dɛ mibeyi mo tum edzi wɔ wo mu, ama wɔaabɔ me dzin wɔ asaase nyina do. 18Dɛm ntsi nyia ɔpɛ na ohu no mbɔbɔr, na nyia ɔpɛ na opirim n’akoma.
Nyankopɔn N’ebufuw na N’ehumbɔbɔr
19Na bi a ibebisa me dɛ, Dɛm a nna ɔyɛ dɛn na ɔda ho ara hu mfom wɔ nyimpa ho? Woana botum esiw ne pɛ kwan? 20#Isa 29.16; 45.9 Ao, nyimpa, woana nye wo na enye Nyankopɔn yiyi nsɛm ano? Ana awendze bɛse ɔwemfo dɛ, Ɔyɛ dɛn na eyɛɛ me dɛm? 21Ana senaba wemfo nnyi dɛtse do tum dɛ ɔdze dɛtsetɔw kor noara bi wen kɔɔpow a ɔsom bo, na ɔdze bi so wen kor so a ɔnnsom bo? 22Na dɛ Nyankopɔn repɛ akyerɛ n’ebufuw, na oeyi no tum edzi ntsi, ɔdze abotar pii peen nkorɔfo a woeyi no ebufuw a woesiesie hɔn ama ɔsɛɛ no; 23na sɛ ɔpɛ dɛ ɔbɛma woehu n’enyimnyam ahonya no so wɔ mbɔbɔrhu a oesiesie ama hɔn a oesiesie ama enyimnyam no so a, yɛbɛka dɛn? 24Mekyerɛ hɛn a wɔafrɛ hɛn, nnyɛ Jewfo nko, na amanamamfo so bi ka ho. 25#Hos 2.23 Dɛ mbrɛ ɔka so wɔ Hosea mu dɛ,
Mebɛfrɛ dza ɔnnyɛ me man, me man,
Na nyia ɔnnyɛ mo dɔfo no, mo dɔfo.
26 #
Hos 1.10
Na ɔbɛba, dɛ, hɔn a wɔsee hɔn dɛ, Hom nnyɛ me man no,
Hɔn na wɔbɛfrɛ hɔn Nyankopɔn tseasefo no mba.
27 #
Isa 10.22, 23 Na Isaia so tsea mu wɔ Israel ho dɛ, Sɛ Israelmba dodow tse dɛ mpoano anhwea mpo a, kakraabi na wɔbɛgye hɔn nkwa. 28Na n’asɛm no ne nwiei nye ne tsiatwa ntsi, Ewuradze bɛyɛ iyi wɔ asaase do. 29#Isa 1.9 Na dɛ mbrɛ Isaia kae too hɔ dɛ,
Sɛ Dɔm Ewuradze enngya hɛn asefo a,
Nkyɛ yɛayɛ dɛ Sodom,
na wɔama yɛayɛ dɛ Gomora.
Israel na Asɛmpa no
30Ebɛn asɛm na afei yɛbɛka? Dɛ amanamamfo a woenntsiw tsenenee no nsa aka tsenenee a ɔyɛ tsenenee a ofi gyedzi mu; 31na Israel a otsiiw tsenenee mbra no enndu tsenenee mbra no ho. 32Ebɛnadze ntsi a? Osiandɛ woenndua gyedzi do, na dɛ gyama ofir ndwuma mu. Wofintsiiw fintsiw bo no do, 33dɛ mbrɛ wɔakyerɛw no dɛ,
Hwɛ, moroto fintsiwbo bi wɔ Zion,
ɔbotan a ɔbɛma nkorɔfo ahwe ase:
Na nyia ɔbɛgye no edzi no, n’enyim nnkogu ase.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.