Romefo 2
2
Nyankopɔn N’atsɛmbu
1 #
Mat 7.1; Luk 6.37 Dɛm ntsi, ɔwo nyimpa a ibu atsɛn, anoyi bi nnyi hɔ mma wo, na dza ibu obi atsɛn wɔ mu no ibu wankasa woho fɔ; osiandɛ ɔwo a ibu atsɛn no, eyɛ adze kor no ara. 2Na yenyim dɛ Nyankopɔn n’atsɛmbu tse dɛ mbrɛ nokwar tse wɔ hɔn a wɔyɛ dɛm ndzɛmba no do. 3Na ɔwo, nyimpa a ibu hɔn a wɔyɛ dɛm ndzɛmba no atsɛn, na eyɛ dɛmara no, ana isusu dɛ ibefi Nyankopɔn n’atsɛmbu nsa? 4Anaadɛ ibu n’ayamuyie nye tartweɔn nye penkyɛr ahonya mapa no enyimtsia a, innyim dɛ Nyankopɔn n’ayamuyie no dze wo rokɔ nnuho mu anaa? 5Na w’akoma dzendzen a ɔmmpɛ dɛ ɔsakyer ntsi, eroboaboa ebufuw ano ma woho wɔ ebufuw nye Nyankopɔn ne tsenenee atsɛmbu nyikyerɛ da no? 6#Dwom 62.12; Mbɛ 24.12 Ɔno na obosusu ama nyimpa biara dɛ mbrɛ no ndwuma tse: 7hɔn a wɔdze papayɛ mu abotar hwehwɛ enyimnyam nye enyidzi, nye dza ɔmmprɔw no, ɔbɛma hɔn onnyiewiei nkwa; 8na hɔn a wɔpɛ mansotwe, na wonntsie nokwar no na mbom wotsie dza ɔnntsen no, ebufuw nye ebufuhyew bɛba hɔn do. 9Nyew, ahohia nye ahoguan na ɔbɛba nyimpa a wɔyɛ bɔn nyina do, Jewfo dzi kan, nye Griikfo so. 10Na hɔn a wɔyɛ papa nyina dze, enyimnyam nye enyidzi nye asomdwee bɛka hɔn, Jewfo dzi kan, nye Griikfo so. 11#Deut 10.17 Na Nyankopɔn afamu dze, nyimpa enyimhwɛ nnyi hɔ. 12Na dodow a woekwetsi mbra ayɛ bɔn no, wobokwetsi mbra so ahera; na dodow a wɔayɛ bɔn wɔ mbra mu no, wɔnam mbra do bobu hɔn atsɛn. 13Na nnyɛ mbratsiefo na wɔyɛ atseneneefo wɔ Nyankopɔn enyim, na mbom hɔn a wodzi mbra do no na wobobu hɔn bem. 14Na sɛ amanamamfo a wonnyi mbra nam hɔn awosu do yɛ mbra mu ndzɛmba a, iyinom a wonnyi mbra no yɛ mbra ma hɔnankasa hɔnho; 15hɔn na wɔkyerɛ dɛ wɔakyerɛw mbra ndwuma no wɔ hɔn akoma mu, hɔn tsibowa dzi hɔn dase, hɔn adwen so toatoa hɔn anaadɛ oyiyi ano ma hɔn, 16wɔ da a Nyankopɔn nam Jesus Kraest do bobu nyimpa esumansɛm atsɛn dɛ mbrɛ me nsɛmpa tse no.
Jewfo no Na Mbra no
17Na sɛ wɔfrɛ wo Jewnyi, na edze woho twer mbra no, na ituw woho wɔ Nyankopɔn mu, 18na inyim n’apɛdze, na inyim mbrɛ wosi pa ndzɛmba mu, dɛ wofi mbra no mu akyerɛkyerɛ wo ntsi, 19na egye woho dzi dɛ eyɛ enyifurafo kwankyerɛfo, hɔn a wɔwɔ sum mu no hɔn kan, 20nkwasea fotufo, nkɔkowaba kyerɛkyerɛfo, na awea wɔ mbra no ho nyimdzee nye nokwar no mu a; 21nna afei ɔwo a ekyerɛkyerɛ obi no, ennkyerɛkyerɛ wankasa woho? Ɔwo a eka dɛ mma obi nnwia adze no, woara iwia adze? 22Ɔwo a edɛ mma wɔnnto awar no, na woara eto awar yi? Ɔwo a ikyir ohonyi no, na efom asɔrfi mu adze yi? 23Ɔwo a ituw woho wɔ mbra mu no, na enam mbrato do dze Nyankopɔn enyim twutwuw famu yi? 24#Isa 52.5 Na hom ntsi na wɔsɛɛ Nyankopɔn ne dzin wɔ amanaman mu, dɛ mbrɛ wɔakyerɛw no.
25Na sɛ idzi mbra no do a, twatsiatwa yɛ mfaso, na sɛ eyɛ mbratonyi a, wo twatsiatwa adan monomonomyɛ. 26Dɛm ntsi sɛ obi a wonntwaa no twatsia dzi mbra no tseneneensɛm no do a, aso wonnkobu no dɛ obi a woetwa no twatsia? 27Dɛm a, sɛ nyia wɔwoo no dɛ wontwa no twatsia dzi mbra no do a, ana onnkobu ɔwo a wɔakyerɛw Mbra no ama wo na woetwa wo twatsia no atsɛn? 28Na nnyɛ Jewnyi nye dza ɔyɛ dɛm wɔ enyiwa do, eso nnyɛ twatsiatwa nye dza ɔda enyiwa do wɔ honam mu; 29#Deut 30.6 na mbom Jewnyi mapa nye nyia ɔtse dɛm wɔ no mu, na twatsiatwa ankasa nye dza ɔyɛ akoma mu dze wɔ sunsum mu, nnyɛ kyerɛw mu a: ɔno na n’ayɛyi mmfi nyimpa, na mbom ofi Nyankopɔn.
Currently Selected:
Romefo 2: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Romefo 2
2
Nyankopɔn N’atsɛmbu
1 #
Mat 7.1; Luk 6.37 Dɛm ntsi, ɔwo nyimpa a ibu atsɛn, anoyi bi nnyi hɔ mma wo, na dza ibu obi atsɛn wɔ mu no ibu wankasa woho fɔ; osiandɛ ɔwo a ibu atsɛn no, eyɛ adze kor no ara. 2Na yenyim dɛ Nyankopɔn n’atsɛmbu tse dɛ mbrɛ nokwar tse wɔ hɔn a wɔyɛ dɛm ndzɛmba no do. 3Na ɔwo, nyimpa a ibu hɔn a wɔyɛ dɛm ndzɛmba no atsɛn, na eyɛ dɛmara no, ana isusu dɛ ibefi Nyankopɔn n’atsɛmbu nsa? 4Anaadɛ ibu n’ayamuyie nye tartweɔn nye penkyɛr ahonya mapa no enyimtsia a, innyim dɛ Nyankopɔn n’ayamuyie no dze wo rokɔ nnuho mu anaa? 5Na w’akoma dzendzen a ɔmmpɛ dɛ ɔsakyer ntsi, eroboaboa ebufuw ano ma woho wɔ ebufuw nye Nyankopɔn ne tsenenee atsɛmbu nyikyerɛ da no? 6#Dwom 62.12; Mbɛ 24.12 Ɔno na obosusu ama nyimpa biara dɛ mbrɛ no ndwuma tse: 7hɔn a wɔdze papayɛ mu abotar hwehwɛ enyimnyam nye enyidzi, nye dza ɔmmprɔw no, ɔbɛma hɔn onnyiewiei nkwa; 8na hɔn a wɔpɛ mansotwe, na wonntsie nokwar no na mbom wotsie dza ɔnntsen no, ebufuw nye ebufuhyew bɛba hɔn do. 9Nyew, ahohia nye ahoguan na ɔbɛba nyimpa a wɔyɛ bɔn nyina do, Jewfo dzi kan, nye Griikfo so. 10Na hɔn a wɔyɛ papa nyina dze, enyimnyam nye enyidzi nye asomdwee bɛka hɔn, Jewfo dzi kan, nye Griikfo so. 11#Deut 10.17 Na Nyankopɔn afamu dze, nyimpa enyimhwɛ nnyi hɔ. 12Na dodow a woekwetsi mbra ayɛ bɔn no, wobokwetsi mbra so ahera; na dodow a wɔayɛ bɔn wɔ mbra mu no, wɔnam mbra do bobu hɔn atsɛn. 13Na nnyɛ mbratsiefo na wɔyɛ atseneneefo wɔ Nyankopɔn enyim, na mbom hɔn a wodzi mbra do no na wobobu hɔn bem. 14Na sɛ amanamamfo a wonnyi mbra nam hɔn awosu do yɛ mbra mu ndzɛmba a, iyinom a wonnyi mbra no yɛ mbra ma hɔnankasa hɔnho; 15hɔn na wɔkyerɛ dɛ wɔakyerɛw mbra ndwuma no wɔ hɔn akoma mu, hɔn tsibowa dzi hɔn dase, hɔn adwen so toatoa hɔn anaadɛ oyiyi ano ma hɔn, 16wɔ da a Nyankopɔn nam Jesus Kraest do bobu nyimpa esumansɛm atsɛn dɛ mbrɛ me nsɛmpa tse no.
Jewfo no Na Mbra no
17Na sɛ wɔfrɛ wo Jewnyi, na edze woho twer mbra no, na ituw woho wɔ Nyankopɔn mu, 18na inyim n’apɛdze, na inyim mbrɛ wosi pa ndzɛmba mu, dɛ wofi mbra no mu akyerɛkyerɛ wo ntsi, 19na egye woho dzi dɛ eyɛ enyifurafo kwankyerɛfo, hɔn a wɔwɔ sum mu no hɔn kan, 20nkwasea fotufo, nkɔkowaba kyerɛkyerɛfo, na awea wɔ mbra no ho nyimdzee nye nokwar no mu a; 21nna afei ɔwo a ekyerɛkyerɛ obi no, ennkyerɛkyerɛ wankasa woho? Ɔwo a eka dɛ mma obi nnwia adze no, woara iwia adze? 22Ɔwo a edɛ mma wɔnnto awar no, na woara eto awar yi? Ɔwo a ikyir ohonyi no, na efom asɔrfi mu adze yi? 23Ɔwo a ituw woho wɔ mbra mu no, na enam mbrato do dze Nyankopɔn enyim twutwuw famu yi? 24#Isa 52.5 Na hom ntsi na wɔsɛɛ Nyankopɔn ne dzin wɔ amanaman mu, dɛ mbrɛ wɔakyerɛw no.
25Na sɛ idzi mbra no do a, twatsiatwa yɛ mfaso, na sɛ eyɛ mbratonyi a, wo twatsiatwa adan monomonomyɛ. 26Dɛm ntsi sɛ obi a wonntwaa no twatsia dzi mbra no tseneneensɛm no do a, aso wonnkobu no dɛ obi a woetwa no twatsia? 27Dɛm a, sɛ nyia wɔwoo no dɛ wontwa no twatsia dzi mbra no do a, ana onnkobu ɔwo a wɔakyerɛw Mbra no ama wo na woetwa wo twatsia no atsɛn? 28Na nnyɛ Jewnyi nye dza ɔyɛ dɛm wɔ enyiwa do, eso nnyɛ twatsiatwa nye dza ɔda enyiwa do wɔ honam mu; 29#Deut 30.6 na mbom Jewnyi mapa nye nyia ɔtse dɛm wɔ no mu, na twatsiatwa ankasa nye dza ɔyɛ akoma mu dze wɔ sunsum mu, nnyɛ kyerɛw mu a: ɔno na n’ayɛyi mmfi nyimpa, na mbom ofi Nyankopɔn.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.