Romefo 1
1
1Paul, Jesus Kraest n’akowaa, ɔsomafo a wɔafrɛ no na woeyi no esi hɔ ama Nyankopɔn n’asɛmpa a 2ɔnam no nkɔnhyɛfo no do dzii kan bɔɔ anohoba wɔ kyerɛwsɛm krɔnkrɔn no mu, 3wɔ ne Ba no a wɔwoo no David asenyi wɔ honam afamu no ho, 4na woyii no kyerɛɛ dɛ Nyankopɔn Ba wɔ tum mu, wɔ ahotsewee sunsum afamu, ɔnam ewufo mu soɛr do; Jesus Kraest hɛn Ewuradze a, 5yɛnam no do enya adom nye asomafodwuma akɔ gyedzi setsie mu wɔ amanaman nyina mu, wɔ ne dzin ntsi: 6dɛm amanamamfo yi mu na hom so hom wɔ, hom a Jesus Kraest afrɛ hom ayɛ nedze no. 7Emi Paul yi na mekyerɛw dze kɛma Nyankopɔn n’adɔfo a wɔwɔ Rome nyina, ahotseweefo a wɔafrɛ hɔn no. Adom nye asomdwee a ofi hɛn Egya Nyankopɔn nye Ewuradze Jesus Kraest hɔ nka hom.
Ndaase Mpaabɔ
8Dza odzi kan nye dɛ menam Jesus Kraest do da me Nyankopɔn ase wɔ hom nyina ntsi, osiandɛ wɔka hom gyedzi ho asɛm wɔ wiadze nyina. 9Na me dasefo nye Nyankopɔn a mosom no mo sunsum mu wɔ ne Ba n’asɛmpa no mu, mbrɛ minngyaa hom dzin bɔ da, 10na meserɛ wɔ me mpaabɔ mu daa dɛ bi a da bi Nyankopɔn pɛ a, ongya me kwan pa ma membra hom nkyɛn. 11Na m’enyi gyina dɛ muhu hom, ma meeyi sunsum mu akyɛdze bi ama hom, ama hom eetsintsim: 12ɔno nye dɛ, yɛnam homankasa hom gyedzi na emi medze so do hɛn nyina eenya awerɛkyekyer wɔ hɛn mu. 13#Ndwu 19.21 Na eso, enuanom, memmpɛ dɛ medze besie hom dɛ mpɛn pii nye yi a mabɔ me tsirmu pɔw dɛ mebɛba hom nkyɛn (naaso woesiw me kwan ebodu sesei) ama meenya hom so hom mu aba bi, dɛ amanamamfo nkaa no so. 14Meyɛ kafonyi ma Griikfo nye amamforafo nyina, enyansafo nye adwenharfo nyina. 15Dɛm ntsi na medze ndamyɛ ayɛ krado dɛ mebɛka asɛmpa no akyerɛ hom a hom wɔ Rome so.
Asɛmpa no mu Tum
16 #
Mar 8.38
Na m’enyi nnto asɛmpa no ho, osiandɛ ɔyɛ Nyankopɔn no tum a ɔdze kɔ nkwagye mu ma hɔn a wɔgye dzi nyina, odzi kan Jewfo, nye Griikfo so. 17#Hab 2.4 Osiandɛ no mu na woyi Nyankopɔn tsenenee edzi, ɔnam gyedzi mu kowie gyedzi mu: dɛ mbrɛ wɔakyerɛw dɛ, Ɔtseneneenyi nam gyedzi do benya nkwa.
Adasa Hɔn Brakyew
18Na wofi sor ada Nyankopɔn ebufuw no edzi etsia nyimpa a wonnsuro Nyame na wɔdze brakyew nam emumuyɛ nyina do siw nokwar no kwan no; 19na dza wohu no Nyankopɔn ho a ɔyɛ yie no da hɔ pefee wɔ hɔn mu: osiandɛ Nyankopɔn na oeyi akyerɛ hɔn. 20Na Nyankopɔn ho adze a wonnhu no, ofitsi ber a wɔbɔɔ wiadze no ɔnam ndzɛmba a wɔayɛ do ada no edzi pefee, ma wɔdze adwen hu mu, mekyerɛ no tum a onnyi ewiei nye ne nyamesu no; dɛm ntsi wonnyi anoyi biara; 21#Efe 4.17, 18 osiandɛ wohun Nyankopɔn no, wɔannhyɛ no enyimnyam dɛ Nyankopɔn, eso wɔannda no ase; na mbom hɔn adwen yɛ nkwaseadwen, na sum hyɛɛ hɔn akoma a ntseasee nnyi mu no ma. 22Hɔnara wɔse wɔyɛ enyansafo no, wɔdaan nkwasea, 23#Deut 4.16-18 na wɔsakyeer Nyankopɔn a ɔmmprɔw n’enyimnyam yɛɛ nyimpa a ɔprɔw no honyi saso, nye ntumbowa, nye mbowa a wotsia ntwɛr anan, nye aweaweambowa dze.
24Dɛm ntsi Nyankopɔn yii hɔn maa efifidze wɔ hɔn akoma akɔndɔ mu, dɛ wongu hɔn nyimpadua ho fi wɔ hɔn mu, 25osiandɛ wɔsesaa Nyankopɔn no nokwar no gyee ator, na wɔsɔree soom abɔdze kyɛɛn Bɔadze, ɔno a woehyira no daa no; Amen.
26Dɛm ntsi Nyankopɔn yii hɔn maa enyimguase akɔndɔ nhyɛdo mu: na hɔn mbaa dze hɔn nyɛbea a ɔsɛ hɔn suban sesae gyee dza otsia hɔn suban; 27dɛmara so na hɔn mbarimba so gyaa dɛ wɔnye ɔbaa hyia dɛ mbrɛ ɔsɛ na ɔfata hɔn suban, na mbom wonyaa akɔndɔ wɔ hɔnho nkorkor, mbarimba nye mbarimba yɛɛ adapaadze, ntsi so wonyaa akatua a ɔfata hɔn mfom wɔ hɔnankasa hɔn mu.
28Na dɛ mbrɛ woemmbu no bi dɛ wɔbɔkora Nyankopɔn wɔ hɔn nyimdzee mu no, Nyankopɔn so gyaa hɔn maa adwen a ɔmmfora, dɛ wɔnyɛ dza ɔmmfata. 29Brakyew nyina hyɛɛ hɔn ma, emumuyɛ, enyiber, ndzeyɛbɔn ahyɛ hɔn ma; nyitan, ewudzi, aperper, ndaadaa, enyitsew bɔn; 30wɔyɛ asotufo, anokumfo, Nyankopɔn tamfo, ntsɛntsɛmfo, nkontompɔfo, ahotuwfo, ndzebɔn farbaefo, awofo do asoɔdzenfo, 31nkwaseafo, ahyɛmutofo, wonnyi tsema, wonnyi ehumbɔbɔr: 32hɔn na wonyim Nyankopɔn ahyɛdze, dɛ hɔn a wɔyɛ dɛm ndzɛmba yi fata owu, naaso nnyɛ ne yɛ nko na wɔyɛ, na mpo wɔgye hɔn a wɔyɛ dɛm ndzɛmba no so to mu.
Currently Selected:
Romefo 1: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
Romefo 1
1
1Paul, Jesus Kraest n’akowaa, ɔsomafo a wɔafrɛ no na woeyi no esi hɔ ama Nyankopɔn n’asɛmpa a 2ɔnam no nkɔnhyɛfo no do dzii kan bɔɔ anohoba wɔ kyerɛwsɛm krɔnkrɔn no mu, 3wɔ ne Ba no a wɔwoo no David asenyi wɔ honam afamu no ho, 4na woyii no kyerɛɛ dɛ Nyankopɔn Ba wɔ tum mu, wɔ ahotsewee sunsum afamu, ɔnam ewufo mu soɛr do; Jesus Kraest hɛn Ewuradze a, 5yɛnam no do enya adom nye asomafodwuma akɔ gyedzi setsie mu wɔ amanaman nyina mu, wɔ ne dzin ntsi: 6dɛm amanamamfo yi mu na hom so hom wɔ, hom a Jesus Kraest afrɛ hom ayɛ nedze no. 7Emi Paul yi na mekyerɛw dze kɛma Nyankopɔn n’adɔfo a wɔwɔ Rome nyina, ahotseweefo a wɔafrɛ hɔn no. Adom nye asomdwee a ofi hɛn Egya Nyankopɔn nye Ewuradze Jesus Kraest hɔ nka hom.
Ndaase Mpaabɔ
8Dza odzi kan nye dɛ menam Jesus Kraest do da me Nyankopɔn ase wɔ hom nyina ntsi, osiandɛ wɔka hom gyedzi ho asɛm wɔ wiadze nyina. 9Na me dasefo nye Nyankopɔn a mosom no mo sunsum mu wɔ ne Ba n’asɛmpa no mu, mbrɛ minngyaa hom dzin bɔ da, 10na meserɛ wɔ me mpaabɔ mu daa dɛ bi a da bi Nyankopɔn pɛ a, ongya me kwan pa ma membra hom nkyɛn. 11Na m’enyi gyina dɛ muhu hom, ma meeyi sunsum mu akyɛdze bi ama hom, ama hom eetsintsim: 12ɔno nye dɛ, yɛnam homankasa hom gyedzi na emi medze so do hɛn nyina eenya awerɛkyekyer wɔ hɛn mu. 13#Ndwu 19.21 Na eso, enuanom, memmpɛ dɛ medze besie hom dɛ mpɛn pii nye yi a mabɔ me tsirmu pɔw dɛ mebɛba hom nkyɛn (naaso woesiw me kwan ebodu sesei) ama meenya hom so hom mu aba bi, dɛ amanamamfo nkaa no so. 14Meyɛ kafonyi ma Griikfo nye amamforafo nyina, enyansafo nye adwenharfo nyina. 15Dɛm ntsi na medze ndamyɛ ayɛ krado dɛ mebɛka asɛmpa no akyerɛ hom a hom wɔ Rome so.
Asɛmpa no mu Tum
16 #
Mar 8.38
Na m’enyi nnto asɛmpa no ho, osiandɛ ɔyɛ Nyankopɔn no tum a ɔdze kɔ nkwagye mu ma hɔn a wɔgye dzi nyina, odzi kan Jewfo, nye Griikfo so. 17#Hab 2.4 Osiandɛ no mu na woyi Nyankopɔn tsenenee edzi, ɔnam gyedzi mu kowie gyedzi mu: dɛ mbrɛ wɔakyerɛw dɛ, Ɔtseneneenyi nam gyedzi do benya nkwa.
Adasa Hɔn Brakyew
18Na wofi sor ada Nyankopɔn ebufuw no edzi etsia nyimpa a wonnsuro Nyame na wɔdze brakyew nam emumuyɛ nyina do siw nokwar no kwan no; 19na dza wohu no Nyankopɔn ho a ɔyɛ yie no da hɔ pefee wɔ hɔn mu: osiandɛ Nyankopɔn na oeyi akyerɛ hɔn. 20Na Nyankopɔn ho adze a wonnhu no, ofitsi ber a wɔbɔɔ wiadze no ɔnam ndzɛmba a wɔayɛ do ada no edzi pefee, ma wɔdze adwen hu mu, mekyerɛ no tum a onnyi ewiei nye ne nyamesu no; dɛm ntsi wonnyi anoyi biara; 21#Efe 4.17, 18 osiandɛ wohun Nyankopɔn no, wɔannhyɛ no enyimnyam dɛ Nyankopɔn, eso wɔannda no ase; na mbom hɔn adwen yɛ nkwaseadwen, na sum hyɛɛ hɔn akoma a ntseasee nnyi mu no ma. 22Hɔnara wɔse wɔyɛ enyansafo no, wɔdaan nkwasea, 23#Deut 4.16-18 na wɔsakyeer Nyankopɔn a ɔmmprɔw n’enyimnyam yɛɛ nyimpa a ɔprɔw no honyi saso, nye ntumbowa, nye mbowa a wotsia ntwɛr anan, nye aweaweambowa dze.
24Dɛm ntsi Nyankopɔn yii hɔn maa efifidze wɔ hɔn akoma akɔndɔ mu, dɛ wongu hɔn nyimpadua ho fi wɔ hɔn mu, 25osiandɛ wɔsesaa Nyankopɔn no nokwar no gyee ator, na wɔsɔree soom abɔdze kyɛɛn Bɔadze, ɔno a woehyira no daa no; Amen.
26Dɛm ntsi Nyankopɔn yii hɔn maa enyimguase akɔndɔ nhyɛdo mu: na hɔn mbaa dze hɔn nyɛbea a ɔsɛ hɔn suban sesae gyee dza otsia hɔn suban; 27dɛmara so na hɔn mbarimba so gyaa dɛ wɔnye ɔbaa hyia dɛ mbrɛ ɔsɛ na ɔfata hɔn suban, na mbom wonyaa akɔndɔ wɔ hɔnho nkorkor, mbarimba nye mbarimba yɛɛ adapaadze, ntsi so wonyaa akatua a ɔfata hɔn mfom wɔ hɔnankasa hɔn mu.
28Na dɛ mbrɛ woemmbu no bi dɛ wɔbɔkora Nyankopɔn wɔ hɔn nyimdzee mu no, Nyankopɔn so gyaa hɔn maa adwen a ɔmmfora, dɛ wɔnyɛ dza ɔmmfata. 29Brakyew nyina hyɛɛ hɔn ma, emumuyɛ, enyiber, ndzeyɛbɔn ahyɛ hɔn ma; nyitan, ewudzi, aperper, ndaadaa, enyitsew bɔn; 30wɔyɛ asotufo, anokumfo, Nyankopɔn tamfo, ntsɛntsɛmfo, nkontompɔfo, ahotuwfo, ndzebɔn farbaefo, awofo do asoɔdzenfo, 31nkwaseafo, ahyɛmutofo, wonnyi tsema, wonnyi ehumbɔbɔr: 32hɔn na wonyim Nyankopɔn ahyɛdze, dɛ hɔn a wɔyɛ dɛm ndzɛmba yi fata owu, naaso nnyɛ ne yɛ nko na wɔyɛ, na mpo wɔgye hɔn a wɔyɛ dɛm ndzɛmba no so to mu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.