Matthew NHƐNMU
NHƐNMU
Matthew Asɛmpa no dze nsɛmpa to gua dɛ Jesus nye Agyenkwa no, nyia wɔabɔ no ho anohoba no, a Nyankopɔn nam no do ama n’anohoba a ɔbɔɔ no nkorɔfo wɔ Ahyɛmu Dadaw no mu no aba mu. Dɛm asɛmpa yi nnyɛ Jewfo no a wɔwoo Jesus wɔ hɔn mu na ɔnye hɔn tsenae no nko, na mbom nyimpa a wɔwɔ wiadze nyina dze.
Wɔahyehyɛ Matthew buukuu yi pɛpɛɛpɛr. Ɔdze Jesus n’awoo na ɔhyɛ ase, ɔkyerɛ n’enuma na no nsɔhwɛ, na afei so ɔka n’asɛnka, nkyerɛkyerɛ na ayarsa edwuma wɔ Galilii. Iyi ekyir no, ɔkyerɛ Jesus n’akwantu a ofi Galilii kɔr Jerusalɛm na nsɛm a osisii wɔ Jesus ne dapɛn a odzi ekyir no ma ɔdze kowiee mbeamudua do wu na no wusoɛr no.
Dɛm Asɛmpa yi da Jesus edzi dɛ kyerɛkyerɛnyi kɛse a okitsa tum a ɔdze kyerɛkyerɛ Nyankopɔn ne mbra no ase na ɔka Nyankopɔn n’ahenman no so ho asɛm. Ne nkyerɛkyerɛ no ne kɛse no ara wɔakyɛ mu ekuw ahorow enum. (1) Bepɔw do asɛnka a ɔfa su, asodzi, adom, nye daakye a ɔwɔ hɔ ma sor ahenman no mu nyimpa. (Tsir 5-7); (2) Nhyehyɛɛ a ɔdze maa n’esuafo duebien no a ɔfa hɔn asɛmpaka ho (Tsir 10); (3) Mfatoho nsɛm bi a ɔdze atoto sor ahenman no ho. (Tsir 13); (4) Nkyerɛkyerɛ a ɔfa osuanyi ne nyɛe ho (Tsir 18); na (5) Nkyerɛkyerɛ a ɔfa no wiadze yi n’ewiei na ɔsor ahendzi a ɔreba no ho. (Tsir 24-25)
Dza Ɔwɔ Mu
Jesus Kraest n’ebusuasantsen nye n’awoo 1.1—2.23
Onumanyi John no dwumadzi 3.1-12
Jesus n’enuma na no nsɔhwɛ 3.13—4.11
Jesus ne baguamu asɛnka wɔ Galilii 4.12—18.35
Ofi Galilii kɔ Jerusalɛm 19.1—20.34
Dapɛn a odzi ewiei no mu wɔ Jerusalɛm na ne mbɛnee 21.1—27.66
Ewuradze no wusoɛr na no ho edzida 28.1-20
Currently Selected:
Matthew NHƐNMU: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.