1 Korintefo 8
8
Edziban a Wɔdze Abɔ Afɔr Ama Abosom
1Na abosom afɔrbɔdze ho dze, yenyim dɛ hɛn nyina wowɔ nyimdzee: nyimdzee dze ahomemado ba, naaso ɔdɔ dze ntowdo ba. 2Sɛ obi susu dɛ onyim biribi a, onnyae nnhunii dɛ mbrɛ ɔsɛ dɛ ohu; 3na sɛ obi dɔ Nyankopɔn a, ɔno na Nyankopɔn nyim no.
4Na abosom afɔrbɔdze ne dzi ho dze, hɛn dze, yenyim dɛ ɔbosom nnyɛ hwee wɔ wiadze mu, na eso nyame bi nnyi hɔ dɛ ɔbaako no ara. 5Na kaansa ɔsor o, asaase o, dza wɔfrɛ hɔn enyame pii wɔ hɔ, dɛ enyame pii nye ewuranom pii wɔ hɔ no a, 6hɛn dze, Nyame kor na yɛwɔ, Egya no a adze nyina fir no mu, na hɛn so yɛwɔ hɔ ma no, nye Ewuradze kor, Jesus Kraest a adze nyina nam no do, na hɛn so yɛnam no do no. 7Naaso dɛm nyimdzee yi nnyi nyimpa nyina mu, ma ntsi binom dze hɔn ntɔyɛɛ wɔ abosonsɛm ho no dzi no dɛ abosom afɔrbɔdze, na dɛ hɔn tsibowa yɛ mberɛw ntsi, fi ka hɔn. 8Na edziban nnkamfo hɛn mma Nyankopɔn, na nnyɛ dɛ sɛ yedzi a na yɛhyɛ ma, anaa yenndzi a, na yɛtɔ sin bi. 9Na hom nhwɛ yie, ama no ho kwan a hom wɔ no aannyɛ fintsidua amma hɔn a wɔyɛ mberɛw no. 10Na sɛ obi hu ɔwo a ewɔ nyimdzee dɛ etse edzidzii wɔ abosondan mu, na sɛ ne tsibowa yɛ mberɛw a, ana ennkɛma oenya ngyinado ekedzi abosom afɔrbɔdze a? 11Nna ɔnam wo nyimdzee do na onua a ɔyɛ mberɛw a Kraest wui maa no no reyew. 12Na sɛ hom yɛ enuanom no bɔn dɛm pirapira hɔn tsibowa a ɔyɛ mberɛw no a, nna Kraest na hom reyɛ no bɔn. 13Dɛm ntsi, sɛ nam ne dzi ma mo nua fintsiw a, ɔno minnkedzi ara da, na maamma mo nua emmfintsiw.
Currently Selected:
1 Korintefo 8: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 8
8
Edziban a Wɔdze Abɔ Afɔr Ama Abosom
1Na abosom afɔrbɔdze ho dze, yenyim dɛ hɛn nyina wowɔ nyimdzee: nyimdzee dze ahomemado ba, naaso ɔdɔ dze ntowdo ba. 2Sɛ obi susu dɛ onyim biribi a, onnyae nnhunii dɛ mbrɛ ɔsɛ dɛ ohu; 3na sɛ obi dɔ Nyankopɔn a, ɔno na Nyankopɔn nyim no.
4Na abosom afɔrbɔdze ne dzi ho dze, hɛn dze, yenyim dɛ ɔbosom nnyɛ hwee wɔ wiadze mu, na eso nyame bi nnyi hɔ dɛ ɔbaako no ara. 5Na kaansa ɔsor o, asaase o, dza wɔfrɛ hɔn enyame pii wɔ hɔ, dɛ enyame pii nye ewuranom pii wɔ hɔ no a, 6hɛn dze, Nyame kor na yɛwɔ, Egya no a adze nyina fir no mu, na hɛn so yɛwɔ hɔ ma no, nye Ewuradze kor, Jesus Kraest a adze nyina nam no do, na hɛn so yɛnam no do no. 7Naaso dɛm nyimdzee yi nnyi nyimpa nyina mu, ma ntsi binom dze hɔn ntɔyɛɛ wɔ abosonsɛm ho no dzi no dɛ abosom afɔrbɔdze, na dɛ hɔn tsibowa yɛ mberɛw ntsi, fi ka hɔn. 8Na edziban nnkamfo hɛn mma Nyankopɔn, na nnyɛ dɛ sɛ yedzi a na yɛhyɛ ma, anaa yenndzi a, na yɛtɔ sin bi. 9Na hom nhwɛ yie, ama no ho kwan a hom wɔ no aannyɛ fintsidua amma hɔn a wɔyɛ mberɛw no. 10Na sɛ obi hu ɔwo a ewɔ nyimdzee dɛ etse edzidzii wɔ abosondan mu, na sɛ ne tsibowa yɛ mberɛw a, ana ennkɛma oenya ngyinado ekedzi abosom afɔrbɔdze a? 11Nna ɔnam wo nyimdzee do na onua a ɔyɛ mberɛw a Kraest wui maa no no reyew. 12Na sɛ hom yɛ enuanom no bɔn dɛm pirapira hɔn tsibowa a ɔyɛ mberɛw no a, nna Kraest na hom reyɛ no bɔn. 13Dɛm ntsi, sɛ nam ne dzi ma mo nua fintsiw a, ɔno minnkedzi ara da, na maamma mo nua emmfintsiw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.