1 Korintefo 7
7
Awar ho Asɛm
1Na dza ɔfa nsɛm a hom kyerɛwee brɛɛ me dɛ, Oye ma ɔbanyin dɛ ɔmmfa noho nnka ɔbaa no ho dze, 2nkyɛ oye naaso ndwamanyɛ ntsi, hom mma ɔbanyin biara nnya nankasa ne yer, na ɔbaa biara nnya nankasa no kun. 3Wɔmma okun no nyɛ n’asɛdze mma ɔyer no dɛ mbrɛ ɔsɛ, na ɔyer no so nnyɛ dza ɔsɛ dɛmara so mma okun no. 4Ɔyer no nnyi nankasa ne nyimpadua do tum, na mbom okun no a, na dɛmara so na okun no nnyi nankasa ne nyimpadua do tum, na mbom ɔyer no a. 5Mma hom mmfa homho nnkam homho, gyedɛ hom yɛ anokor wɔ mber bi, ama hom eenya asɔr no ho adagyer, na hom aasan ebehyia mu bio, amma hom ho a hom nntum nnsie ntsi, Satan aannsɔ hom annhwɛ. 6Na iyi meka no ɔkwanma afamu, na nnyɛ nhyɛdo bi a. 7Na mepɛ dɛ nkyɛ nyimpa nyina yɛ dɛ mbrɛ metse yi; naaso obiara wɔ n’adom akyɛdze fi Nyankopɔn hɔ: obi wɔ no dɛm, obi so wɔ no dɛm.
8Na meka kyerɛ esigyafo nye ekunafo dɛ, Oye ma hɔn dɛ wɔtsena hɔ dɛ emi. 9Na sɛ wonnyi ahohyɛdo a, wɔnwar: na awar ye kyɛn dɛ ibenya akɔndɔ bɔn.
10 #
Mat 5.32; 19.9; Mar 10.11, 12; Luk 16.18 Na awarfo dze, mehyɛ hɔn, nnyɛ emi a, na mbom Ewuradze a, dɛ mma ɔbaa nngyaa no kun, 11(na sɛ ogyaa no a, ondzi sigyaw; annyɛ dɛm a, ɔnye no kun nkɔbɔ mu); na mma okun so nngyaa ne yer.
12Na nkaa no dze, emi na meka, na nnyɛ Ewuradze a, dɛ, Sɛ onua bi wɔ yer a ɔnnyɛ gyedzinyi, na sɛ ɔbaa no pen dɛ ɔnye no tsena a, mma ɔnngyaa no. 13Na ɔbaa so a ɔwɔ kun a ɔnngye nndzi no, na sɛ okun no pen dɛ ɔnye no tsena a, mma ɔnngyaa no. 14Na okun a ɔnngye nndzi no ho tsew ɔyer no mu, na ɔyer a ɔnngye nndzi no ho tsew okun no mu: ɔnntse dɛm a, nna hom mba ho wɔ fi, na afei dze hɔn ho tsew. 15Na sɛ nyia ɔnngye nndzi pɛ dɛ ogyaa kɔ a, ma ongyaa; onua kor no, anaa akyerɛbaa kor no wɔnnkyekyer no wɔ dɛm asɛm yi mu: na asomdwee mu na Nyankopɔn afrɛ hɛn. 16Na ɔyer, bi a sɛ ebɛgye wo kun nkwa a, ana inyim? Anaaso okun, sɛ ebɛgye wo yer nkwa a, ɔwo inyim anaa?
Bɔ Wo Bra dɛ Mbrɛ Nyankopɔn Ahyɛ Wo
17Dɛ mbrɛ Ewuradze akyekyɛ ama obiara no, dɛ mbrɛ Nyankopɔn afrɛ obiara no, dɛmara na ɔmbɔ ne bra; na mbrɛ mehyehyɛ no wɔ asɔr nyina mu nye no. 18Sɛ wɔfrɛɛ obi na ɔyɛ twatsianyi a, mma ɔnndan monomonomnyi; sɛ wɔfrɛɛ obi na ɔyɛ monomonomnyi a, mma wonntwa no twatsia. 19Twatsiatwa nnyɛ hwee, na monomonomyɛ so nnyɛ hwee, na mbom Nyankopɔn ahyɛdze ne ndzido na ohia. 20Ɔfrɛ kor a wɔfrɛɛ obi wɔ mu no, wɔmma ɔntsena mu. 21Wɔfrɛɛ wo na eyɛ akowaa a, mma ɔnnyɛ wo asɛm, na sɛ ibotum enya wo fahodzi a, ɔno yɛ no dɛm. 22Na nyia wɔfrɛɛ no Ewuradze mu na ɔyɛ akowaa no, ɔyɛ Ewuradze ne dehyee; dɛmara so na ɔdehye a wɔfrɛɛ no no, ɔyɛ Kraest Jesus akowaa. 23Wɔdze bo tɔɔ hom: mma hom nnyɛ nyimpa nkowaa. 24Enuanom, biribiara a wɔafrɛ obi wɔ mu no, ɔnoara mu na ɔnye Nyankopɔn ntsena.
Esigyafo na Ekunafo ho Nsɛmbisa
25Na hɔn a wɔnnwaree ho dze, minnyi Ewuradze hɔ ahyɛdze bi, na meka m’adwen dɛ nyia oenya Ewuradze hɔ ehumbɔbɔr dɛ ondzi nokwar. 26Na dza mususu dɛ oye nye dɛ sesei ahohia yi ntsi oye ma nyimpa dɛ ɔtsena hɔ dɛmara. 27Edze wo ho abata ɔyer ho anaa? Mma nnhwehwɛ dɛ ebɛsan. Ɔyer bi mmbata wo ho anaa? Mma nnhwehwɛ ɔyer. 28Na sɛ awar mpo a, ennyɛ bɔn, na sɛ ɔbaabun war a, ɔnnyɛ bɔn; naaso dɛm nkorɔfo no benya ɔhaw wɔ honam mu, na emi dze, mepɛ dɛ nkyɛ motwe hom fi ɔhaw no ho. 29Na iyi na meka enuanom, dɛ woetwa mber no tsia, ntsi afei hɔn a wɔwɔ yernom nyɛ dɛ wonnyi bi; 30na hɔn a wosu no nyɛ dɛ wonnsu, na hɔn a hɔn enyi agye nyɛ dɛ hɔn enyi nngye, na hɔn a wɔtɔ nyɛ dɛ wonnyi hwee, 31na hɔn a wɔdze wiadze ayɛ hɔndze, nnyɛ dɛ wɔmmfa nnyɛ nnhwee; osiandɛ wiadze no su rutwa mu. 32Na mepɛ dɛ nkyɛ hom nnkɛyɛ dadwen. Osigyanyi yɛ Ewuradze ndzɛmba ho dadwen, mbrɛ ɔbɛyɛ asɔ Ewuradze enyi; 33na ɔwarfo dze, ɔyɛ wiadze ndzɛmba ho dadwen, mbrɛ ɔbɛyɛ asɔ ne yer enyi. 34Na sorbi da ɔbaawarfo nye ɔbaabun ntamu: ɔbaa sigyanyi yɛ dadwen wɔ Ewuradze ndzɛmba ho, ama no ho aatsew wɔ nyimpadua nye sunsum so mu; na ɔbaawarfo dze, ɔyɛ dadwen wɔ wiadze ndzɛmba ho, mbrɛ ɔbɔsɔ no kun enyi. 35Homankasa hom yie ntsi na meka yi, nnyɛ dɛ merehyɛ hom, na mbom fɛw a ɔbɛyɛ, na ɔsom a hom bɔsom Ewuradze enyim dɛ biribi nnyɛ hom basabasa ntsi a.
36Na sɛ obi dwen dɛ ne ndzeyɛɛ wɔ ne baabun a ɔaso awar do mmfata, na sɛ ohia so a, wɔmma ɔnyɛ dza ɔpɛ; ɔnnyɛ bɔn, wɔmma wɔnwar. 37Na nyia ogyina n’akoma mu pintsinn, na ahohia bi nnda no do, na ɔwɔ nankasa ne pɛ do tum, na oesua n’akoma mu dɛ ɔbɛma ne baabun atsena hɔ no, ɔmmfomee. 38Dɛm ntsi nyia ɔwar n’esiwayer no yɛ no yie, na nyia ɔmmfa no mma awar no bɛyɛ yie asen no.
39Ber tsentsen a ɔbaa no kun tse ase no wɔakyekyer no, na sɛ no kun ka beebi a, nna odzi noho dɛ ɔwar obiara a ɔpɛ, mbom Ewuradze mu nko na ɔnyɛ. 40Na sɛ ɔtsena hɔ dɛmara a, iyi na ɔyɛ nhyira ma no, mbrɛ m’adwen tse nye no: na mususu dɛ mo so mowɔ Nyankopɔn Sunsum no.
Currently Selected:
1 Korintefo 7: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 7
7
Awar ho Asɛm
1Na dza ɔfa nsɛm a hom kyerɛwee brɛɛ me dɛ, Oye ma ɔbanyin dɛ ɔmmfa noho nnka ɔbaa no ho dze, 2nkyɛ oye naaso ndwamanyɛ ntsi, hom mma ɔbanyin biara nnya nankasa ne yer, na ɔbaa biara nnya nankasa no kun. 3Wɔmma okun no nyɛ n’asɛdze mma ɔyer no dɛ mbrɛ ɔsɛ, na ɔyer no so nnyɛ dza ɔsɛ dɛmara so mma okun no. 4Ɔyer no nnyi nankasa ne nyimpadua do tum, na mbom okun no a, na dɛmara so na okun no nnyi nankasa ne nyimpadua do tum, na mbom ɔyer no a. 5Mma hom mmfa homho nnkam homho, gyedɛ hom yɛ anokor wɔ mber bi, ama hom eenya asɔr no ho adagyer, na hom aasan ebehyia mu bio, amma hom ho a hom nntum nnsie ntsi, Satan aannsɔ hom annhwɛ. 6Na iyi meka no ɔkwanma afamu, na nnyɛ nhyɛdo bi a. 7Na mepɛ dɛ nkyɛ nyimpa nyina yɛ dɛ mbrɛ metse yi; naaso obiara wɔ n’adom akyɛdze fi Nyankopɔn hɔ: obi wɔ no dɛm, obi so wɔ no dɛm.
8Na meka kyerɛ esigyafo nye ekunafo dɛ, Oye ma hɔn dɛ wɔtsena hɔ dɛ emi. 9Na sɛ wonnyi ahohyɛdo a, wɔnwar: na awar ye kyɛn dɛ ibenya akɔndɔ bɔn.
10 #
Mat 5.32; 19.9; Mar 10.11, 12; Luk 16.18 Na awarfo dze, mehyɛ hɔn, nnyɛ emi a, na mbom Ewuradze a, dɛ mma ɔbaa nngyaa no kun, 11(na sɛ ogyaa no a, ondzi sigyaw; annyɛ dɛm a, ɔnye no kun nkɔbɔ mu); na mma okun so nngyaa ne yer.
12Na nkaa no dze, emi na meka, na nnyɛ Ewuradze a, dɛ, Sɛ onua bi wɔ yer a ɔnnyɛ gyedzinyi, na sɛ ɔbaa no pen dɛ ɔnye no tsena a, mma ɔnngyaa no. 13Na ɔbaa so a ɔwɔ kun a ɔnngye nndzi no, na sɛ okun no pen dɛ ɔnye no tsena a, mma ɔnngyaa no. 14Na okun a ɔnngye nndzi no ho tsew ɔyer no mu, na ɔyer a ɔnngye nndzi no ho tsew okun no mu: ɔnntse dɛm a, nna hom mba ho wɔ fi, na afei dze hɔn ho tsew. 15Na sɛ nyia ɔnngye nndzi pɛ dɛ ogyaa kɔ a, ma ongyaa; onua kor no, anaa akyerɛbaa kor no wɔnnkyekyer no wɔ dɛm asɛm yi mu: na asomdwee mu na Nyankopɔn afrɛ hɛn. 16Na ɔyer, bi a sɛ ebɛgye wo kun nkwa a, ana inyim? Anaaso okun, sɛ ebɛgye wo yer nkwa a, ɔwo inyim anaa?
Bɔ Wo Bra dɛ Mbrɛ Nyankopɔn Ahyɛ Wo
17Dɛ mbrɛ Ewuradze akyekyɛ ama obiara no, dɛ mbrɛ Nyankopɔn afrɛ obiara no, dɛmara na ɔmbɔ ne bra; na mbrɛ mehyehyɛ no wɔ asɔr nyina mu nye no. 18Sɛ wɔfrɛɛ obi na ɔyɛ twatsianyi a, mma ɔnndan monomonomnyi; sɛ wɔfrɛɛ obi na ɔyɛ monomonomnyi a, mma wonntwa no twatsia. 19Twatsiatwa nnyɛ hwee, na monomonomyɛ so nnyɛ hwee, na mbom Nyankopɔn ahyɛdze ne ndzido na ohia. 20Ɔfrɛ kor a wɔfrɛɛ obi wɔ mu no, wɔmma ɔntsena mu. 21Wɔfrɛɛ wo na eyɛ akowaa a, mma ɔnnyɛ wo asɛm, na sɛ ibotum enya wo fahodzi a, ɔno yɛ no dɛm. 22Na nyia wɔfrɛɛ no Ewuradze mu na ɔyɛ akowaa no, ɔyɛ Ewuradze ne dehyee; dɛmara so na ɔdehye a wɔfrɛɛ no no, ɔyɛ Kraest Jesus akowaa. 23Wɔdze bo tɔɔ hom: mma hom nnyɛ nyimpa nkowaa. 24Enuanom, biribiara a wɔafrɛ obi wɔ mu no, ɔnoara mu na ɔnye Nyankopɔn ntsena.
Esigyafo na Ekunafo ho Nsɛmbisa
25Na hɔn a wɔnnwaree ho dze, minnyi Ewuradze hɔ ahyɛdze bi, na meka m’adwen dɛ nyia oenya Ewuradze hɔ ehumbɔbɔr dɛ ondzi nokwar. 26Na dza mususu dɛ oye nye dɛ sesei ahohia yi ntsi oye ma nyimpa dɛ ɔtsena hɔ dɛmara. 27Edze wo ho abata ɔyer ho anaa? Mma nnhwehwɛ dɛ ebɛsan. Ɔyer bi mmbata wo ho anaa? Mma nnhwehwɛ ɔyer. 28Na sɛ awar mpo a, ennyɛ bɔn, na sɛ ɔbaabun war a, ɔnnyɛ bɔn; naaso dɛm nkorɔfo no benya ɔhaw wɔ honam mu, na emi dze, mepɛ dɛ nkyɛ motwe hom fi ɔhaw no ho. 29Na iyi na meka enuanom, dɛ woetwa mber no tsia, ntsi afei hɔn a wɔwɔ yernom nyɛ dɛ wonnyi bi; 30na hɔn a wosu no nyɛ dɛ wonnsu, na hɔn a hɔn enyi agye nyɛ dɛ hɔn enyi nngye, na hɔn a wɔtɔ nyɛ dɛ wonnyi hwee, 31na hɔn a wɔdze wiadze ayɛ hɔndze, nnyɛ dɛ wɔmmfa nnyɛ nnhwee; osiandɛ wiadze no su rutwa mu. 32Na mepɛ dɛ nkyɛ hom nnkɛyɛ dadwen. Osigyanyi yɛ Ewuradze ndzɛmba ho dadwen, mbrɛ ɔbɛyɛ asɔ Ewuradze enyi; 33na ɔwarfo dze, ɔyɛ wiadze ndzɛmba ho dadwen, mbrɛ ɔbɛyɛ asɔ ne yer enyi. 34Na sorbi da ɔbaawarfo nye ɔbaabun ntamu: ɔbaa sigyanyi yɛ dadwen wɔ Ewuradze ndzɛmba ho, ama no ho aatsew wɔ nyimpadua nye sunsum so mu; na ɔbaawarfo dze, ɔyɛ dadwen wɔ wiadze ndzɛmba ho, mbrɛ ɔbɔsɔ no kun enyi. 35Homankasa hom yie ntsi na meka yi, nnyɛ dɛ merehyɛ hom, na mbom fɛw a ɔbɛyɛ, na ɔsom a hom bɔsom Ewuradze enyim dɛ biribi nnyɛ hom basabasa ntsi a.
36Na sɛ obi dwen dɛ ne ndzeyɛɛ wɔ ne baabun a ɔaso awar do mmfata, na sɛ ohia so a, wɔmma ɔnyɛ dza ɔpɛ; ɔnnyɛ bɔn, wɔmma wɔnwar. 37Na nyia ogyina n’akoma mu pintsinn, na ahohia bi nnda no do, na ɔwɔ nankasa ne pɛ do tum, na oesua n’akoma mu dɛ ɔbɛma ne baabun atsena hɔ no, ɔmmfomee. 38Dɛm ntsi nyia ɔwar n’esiwayer no yɛ no yie, na nyia ɔmmfa no mma awar no bɛyɛ yie asen no.
39Ber tsentsen a ɔbaa no kun tse ase no wɔakyekyer no, na sɛ no kun ka beebi a, nna odzi noho dɛ ɔwar obiara a ɔpɛ, mbom Ewuradze mu nko na ɔnyɛ. 40Na sɛ ɔtsena hɔ dɛmara a, iyi na ɔyɛ nhyira ma no, mbrɛ m’adwen tse nye no: na mususu dɛ mo so mowɔ Nyankopɔn Sunsum no.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.