1 Korintefo 12
12
Sunsum mu Nsɛm Ahorow no
1Na dza ɔfa no sunsum mu nsɛm#12.1 NSƐM: Binom ka dɛ: Sunsum mu akyɛdze. ho no dze, enuanom, memmpɛ dɛ biribiara bosuma hom. 2Hom nyim dɛ nkan no a hom yɛ abosonsɔrfo no, hom maa wogyaa hom kɔr abosom mmum nkyɛn. 3Dɛm ntsi merema hom ehu dɛ obiara a ɔnam Nyankopɔn Sunsum mu kasa no, ɔmmfrɛ Jesus ebusudze; na obiara nntum nnka dɛ Jesus nye Ewuradze gyedɛ ɔnam Sunsum Krɔnkrɔn mu.
4 #
Rom 12.6-8
Na adom akyɛdze horow wɔ hɔ, na Sunsum kor no ara a. 5Na ɔsom horow wɔ hɔ, na Ewuradze kor no ara a. 6Na dwumadzi horow wɔ hɔ, na Nyankopɔn kor no ara na ɔyɛ adze nyina wɔ hɔn nyina mu. 7Naaso wɔdze Sunsum edziyi no ma hɔn nyina nkorkor, na aayɛ hɔn mfaso. 8Na wɔnam Sunsum mu ama obi enyansasɛm, obi so nyimdzeesɛm, dɛ mbrɛ Sunsum kor no ara tse: 9obi so gyedzi, wɔ Sunsum kor no ara mu; obi so yarsa akyɛdze wɔ Sunsum kor no ara mu; 10obi so etumdzeyɛ; obi so nkɔnhyɛ; obi so esunsum mu nhumu; obi so kasa horow; obi so kasa horow nkyerɛasee: 11na yinom nyina Sunsum kor no ara na ɔyɛ, na ɔkyekyɛ ma hɔn nkorkor dɛ mbrɛ ɔpɛ.
Asɔr no no Koryɛ
12 #
Rom 12.4, 5 Na dɛ mbrɛ nyimpadua yɛ kor, na ɔwɔ mfafakuwa pii, na nyimpadua ne mfafakuwa no nyina dɔɔ so dze, naaso wɔyɛ nyimpadua kor no, mbrɛ Kraest so tse nye no. 13Na hɛn nyina so, Jewfo o, Griikfo o, nkowaa o, adehye o, woenuma hɛn Sunsum kor mu aba nyimpadua kor mu; na wɔama hɛn nyina anom Sunsum kor no ara bi. 14Na nyimpadua nnyɛ fafakuwa kor, na pii. 15Sɛ anan se dɛ, Mennyɛ nsa ntsi mennyɛ nyimpadua ho bi a, nna nnyɛ iyi ntsi na ɔma ɔnnyɛ nyimpadua ho bi. 16Na sɛ aso se dɛ, Mennyɛ enyiwa ntsi mennyɛ nyimpadua ho bi a, nna nnyɛ yi ntsi na ɔma ɔnnyɛ nyimpadua ho bi. 17Na sɛ nyimpadua nyina yɛ enyiwa a, ɔtse no wɔ hen? Ne nyina yɛ ɔtse a, ohua no wɔ hen? 18Na afei Nyankopɔn dze mfafakuwa esisi nyimpa ho nkorkor dɛ mbrɛ ɔpɛ. 19Na sɛ hɔn nyina yɛ fafakuwa kor a, nyimpadua no wɔ hen? 20Na afei mfafakuwa dɔɔ so dze, naaso nyimpadua no yɛ kor. 21Na enyiwa nntum nnse nsa dɛ, Minnyi wo ho hia; anaaso bio, tsir nntum nnse anan dɛ, Minnyi wo ho hia. 22Na mbom nyimpadua ho mfafakuwa a wɔyɛ dɛ wɔyɛ mberɛw dodow no hɔn na hɔn ho hia; 23na nyimpadua ho bi a yɛdwen dɛ ɔnnsɛ enyidzi pii no na yɛhyɛ no enyidzi pii; na dza ɔnnyɛ fɛw wɔ hɛn ho no na ɔwɔ ahomka pii; 24na dza ɔyɛ fɛw wɔ hɛn ho no nnhia dɛm: na Nyankopɔn dze nyimpadua no atoatoa mu, na mfafakuwa a wɔka bi no ɔama hɔn enyidzi pii; 25amma mpaapaamu aammba nyimpadua no mu, na mbom mfafakuwa no eenya ndwendwenho kor no ara ama hɔnho nkorkor. 26Na sɛ fafakuwa kor hu amandze a, mfafakuwa no nyina hu bi; na eso wɔhyɛ fafakuwa kor enyimnyam a, mfafakuwa no nyina nye no dzi dɛw.
27Na afei hom yɛ Kraest nyimpadua no nye no ho mfafakuwa nkorkor. 28#Efe 4.11 Na Nyankopɔn dze binom esisi asɔr no mu: dza odzi kan asomafo, otsia ebien nkɔnhyɛfo, otsia ebiasa akyerɛkyerɛfo, nkyii etumdzeyɛ, na nkyii yarsa akyɛdze, mboa, mpanyindzi nye ɔkasa ahorow. 29Ana hɔn nyina yɛ asomafo? Hɔn nyina yɛ nkɔnhyɛfo? Hɔn nyina yɛ akyerɛkyerɛfo? Hɔn nyina yɛ etumdzeyɛfo? 30Hɔn nyina wɔ yarsa akyɛdze? Hɔn nyina kasa kasa horow? Hɔn nyina kyerɛ ase? 31Mbom hom mper akyɛdze tsitsir no ho, na afei merekyerɛ hom kwan a oye kyɛn biribiara.
Currently Selected:
1 Korintefo 12: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 12
12
Sunsum mu Nsɛm Ahorow no
1Na dza ɔfa no sunsum mu nsɛm#12.1 NSƐM: Binom ka dɛ: Sunsum mu akyɛdze. ho no dze, enuanom, memmpɛ dɛ biribiara bosuma hom. 2Hom nyim dɛ nkan no a hom yɛ abosonsɔrfo no, hom maa wogyaa hom kɔr abosom mmum nkyɛn. 3Dɛm ntsi merema hom ehu dɛ obiara a ɔnam Nyankopɔn Sunsum mu kasa no, ɔmmfrɛ Jesus ebusudze; na obiara nntum nnka dɛ Jesus nye Ewuradze gyedɛ ɔnam Sunsum Krɔnkrɔn mu.
4 #
Rom 12.6-8
Na adom akyɛdze horow wɔ hɔ, na Sunsum kor no ara a. 5Na ɔsom horow wɔ hɔ, na Ewuradze kor no ara a. 6Na dwumadzi horow wɔ hɔ, na Nyankopɔn kor no ara na ɔyɛ adze nyina wɔ hɔn nyina mu. 7Naaso wɔdze Sunsum edziyi no ma hɔn nyina nkorkor, na aayɛ hɔn mfaso. 8Na wɔnam Sunsum mu ama obi enyansasɛm, obi so nyimdzeesɛm, dɛ mbrɛ Sunsum kor no ara tse: 9obi so gyedzi, wɔ Sunsum kor no ara mu; obi so yarsa akyɛdze wɔ Sunsum kor no ara mu; 10obi so etumdzeyɛ; obi so nkɔnhyɛ; obi so esunsum mu nhumu; obi so kasa horow; obi so kasa horow nkyerɛasee: 11na yinom nyina Sunsum kor no ara na ɔyɛ, na ɔkyekyɛ ma hɔn nkorkor dɛ mbrɛ ɔpɛ.
Asɔr no no Koryɛ
12 #
Rom 12.4, 5 Na dɛ mbrɛ nyimpadua yɛ kor, na ɔwɔ mfafakuwa pii, na nyimpadua ne mfafakuwa no nyina dɔɔ so dze, naaso wɔyɛ nyimpadua kor no, mbrɛ Kraest so tse nye no. 13Na hɛn nyina so, Jewfo o, Griikfo o, nkowaa o, adehye o, woenuma hɛn Sunsum kor mu aba nyimpadua kor mu; na wɔama hɛn nyina anom Sunsum kor no ara bi. 14Na nyimpadua nnyɛ fafakuwa kor, na pii. 15Sɛ anan se dɛ, Mennyɛ nsa ntsi mennyɛ nyimpadua ho bi a, nna nnyɛ iyi ntsi na ɔma ɔnnyɛ nyimpadua ho bi. 16Na sɛ aso se dɛ, Mennyɛ enyiwa ntsi mennyɛ nyimpadua ho bi a, nna nnyɛ yi ntsi na ɔma ɔnnyɛ nyimpadua ho bi. 17Na sɛ nyimpadua nyina yɛ enyiwa a, ɔtse no wɔ hen? Ne nyina yɛ ɔtse a, ohua no wɔ hen? 18Na afei Nyankopɔn dze mfafakuwa esisi nyimpa ho nkorkor dɛ mbrɛ ɔpɛ. 19Na sɛ hɔn nyina yɛ fafakuwa kor a, nyimpadua no wɔ hen? 20Na afei mfafakuwa dɔɔ so dze, naaso nyimpadua no yɛ kor. 21Na enyiwa nntum nnse nsa dɛ, Minnyi wo ho hia; anaaso bio, tsir nntum nnse anan dɛ, Minnyi wo ho hia. 22Na mbom nyimpadua ho mfafakuwa a wɔyɛ dɛ wɔyɛ mberɛw dodow no hɔn na hɔn ho hia; 23na nyimpadua ho bi a yɛdwen dɛ ɔnnsɛ enyidzi pii no na yɛhyɛ no enyidzi pii; na dza ɔnnyɛ fɛw wɔ hɛn ho no na ɔwɔ ahomka pii; 24na dza ɔyɛ fɛw wɔ hɛn ho no nnhia dɛm: na Nyankopɔn dze nyimpadua no atoatoa mu, na mfafakuwa a wɔka bi no ɔama hɔn enyidzi pii; 25amma mpaapaamu aammba nyimpadua no mu, na mbom mfafakuwa no eenya ndwendwenho kor no ara ama hɔnho nkorkor. 26Na sɛ fafakuwa kor hu amandze a, mfafakuwa no nyina hu bi; na eso wɔhyɛ fafakuwa kor enyimnyam a, mfafakuwa no nyina nye no dzi dɛw.
27Na afei hom yɛ Kraest nyimpadua no nye no ho mfafakuwa nkorkor. 28#Efe 4.11 Na Nyankopɔn dze binom esisi asɔr no mu: dza odzi kan asomafo, otsia ebien nkɔnhyɛfo, otsia ebiasa akyerɛkyerɛfo, nkyii etumdzeyɛ, na nkyii yarsa akyɛdze, mboa, mpanyindzi nye ɔkasa ahorow. 29Ana hɔn nyina yɛ asomafo? Hɔn nyina yɛ nkɔnhyɛfo? Hɔn nyina yɛ akyerɛkyerɛfo? Hɔn nyina yɛ etumdzeyɛfo? 30Hɔn nyina wɔ yarsa akyɛdze? Hɔn nyina kasa kasa horow? Hɔn nyina kyerɛ ase? 31Mbom hom mper akyɛdze tsitsir no ho, na afei merekyerɛ hom kwan a oye kyɛn biribiara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.