1 Korintefo 11
11
1 #
1 Kor 4.16; Fil 3.17 Hom nsuasua me, dɛ mbrɛ mo so musuasua Kraest no.
Tsir do a Wɔkata no Asɔryɛ mu
2Afei miyi hom ayɛw dɛ hom kaa me adze nyina mu, na hom da ho dze atsetsesɛm no mu, dɛ mbrɛ medze hyɛɛ hom nsa no ara. 3Na mepɛ dɛ hom hu dɛ ɔbarimba biara ne tsir nye Kraest, na ɔbaa ne tsir nye ɔbarimba, na Kraest ne tsir nye Nyankopɔn. 4Ɔbarimba biara a ɔrosɔr, anaa ɔrehyɛ nkɔm, na ɔakata ne tsir no, ɔhyɛ ne tsir fɛr. 5Na ɔbaa biara a ɔrosɔr, anaa ɔrehyɛ nkɔm, na ɔannkata ne tsir no, ɔhyɛ ne tsir fɛr, na ɔtse dɛ nyia ɔapra ne tsir no ara. 6Na sɛ ɔannkata ne tsir a, ma ɔmpra ne tsir so; na sɛ ɔyɛ enyito ma ɔbaa dɛ oyi anaa ɔpra ne tsir a, ɔnodze ma ɔnkata ne tsir. 7#Gye 1.26, 27 Na ɔbarimba dze, ɔnnsɛ dɛ ɔkata ne tsir, osiandɛ ɔyɛ Nyankopɔn no honyi nye n’enyimnyam, na ɔbaa dze ɔyɛ ɔbarimba n’enyimnyam. 8#Gye 2.18-23 Na nnyɛ ɔbarimba na ofi ɔbaa mu, na mbom ɔbaa na ofi ɔbarimba mu; 9eso nnyɛ ɔbaa ntsi na wɔbɔɔ ɔbarimba, na mbom ɔbarimba ntsi na wɔbɔɔ ɔbaa. 10Iyi ntsi na ɔsɛ dɛ ɔbaa nya dza ɔkyerɛ tumdzi wɔ ne tsir do, wɔ abɔfo no ntsi. 11Naaso Ewuradze mu dze, ɔbarimba nnkwetsir ɔbaa, na ɔbaa so nnkwetsir ɔbarimba: 12na dɛ mbrɛ ɔbaa fi ɔbarimba mu no, mbrɛ ɔbarimba so nam ɔbaa do ba nye no; na adze nyina fi Nyankopɔn mu. 13Homankasa mbu hom mu atsɛn; ana oye dɛ ɔbaa dze tsir a ɔannkata do yɛ asɔr ma Nyankopɔn? 14Ana ɔbrasu ara mpo nnkyerɛkyerɛ hom dɛ sɛ ɔbarimba sie tsir kusuww a, ɔyɛ enyimguase ma no a? 15Na sɛ ɔbaa dze osie tsir kusuww a, ɔyɛ enyimnyam ma no, osiandɛ wɔdze ne tsinhwi maa no dɛ akatado. 16Na sɛ obi pɛ dɛ odzi ntokwano a, hɛn dze, yɛnnyɛ dɛm adze no, na Nyankopɔn asɔrasɔr so nnyɛ dɛm.
Ewuradze Edzidzi
(Matthew 26.26-29; Mark 14.22-25; Luke 22.14-20)
17Na dza medze rehyɛ hom yi, mirinnyi hom ayɛw, osiandɛ hom nnhyia mu wɔ papa ntsi, na mbom bɔn ntsi a. 18Dza odzi kan nye dɛ metse dɛ sɛ hom hyia mu wɔ asɔr mu a, mpaapaamu wɔ hom mu; na megye no mu bi midzi. 19Oye dɛ fɛkuwbɔ horow ba hom mu, ama hɔn a wɔgye hɔn to mu no aada edzi wɔ hom mu. 20Na sɛ hom behyia fakor a, nnyɛ Ewuradze edzidzi na hom dzi no: 21na hom ridzidzi a, ɔbaako dzi kan dzi nankasa n’edziban, na obi ɔkɔm dze no, na obi abow. 22Ebɛnadze ntsi a? Ana hom nnyi efi a hom dzidzi mu? Anaa nnyɛ Nyankopɔn asɔr na hom bu no enyimtsia, na hom hyɛ hɔn a wonnyi bi enyito? Mense hom dɛn? Minyi hom ayɛw wɔ yi mu anaa? Mirinnyi hom ayɛw. 23Na emi dze, minyaa Ewuradze nsamu dza medze memaa hom no dɛ: Ewuradze Jesus anadwe no a woyii no mae no, ɔfaa paanoo; 24na ɔdaa ase no, obubui, na ɔsee dɛ, Me nyimpadua a wɔdze ama hom nye yi: hom nyɛ iyi mfa nyɛ me nkaa. 25#Eks 24.8; Jer 31.31-34; Eks 24.6-8 Dɛmara so na edzidzi ekyir no ɔfaa kɔɔpow no see dɛ, Kɔɔpow yi nye ahyɛmu fofor no wɔ mo bɔgyaa mu: hom nyɛ iyi mber biara a hom bɔnom no mfa nyɛ me nkaa. 26Na mber biara a hom dzi paanoo yi, na hom nom kɔɔpow yi, hom bɔ Ewuradze wu no ho dawur dze kesi dɛ ɔbɛba. 27Dɛm ntsi obiara a obedzi paanoo yi, anaa ɔbɔnom Ewuradze kɔɔpow yi dɛ mbrɛ ɔnnsɛ no, obedzi Ewuradze nyimpadua nye no bɔgyaa ho fɔ. 28Na ma nyimpa nsɔ noho nhwɛ, na ondua dɛm ndzi paanoo no bi, na ɔnnom kɔɔpow no bi. 29Na nyia odzi na ɔnom no, odzi na ɔnom dze atsɛmbu ba nankasa noho do, osiandɛ oemmbu Ewuradze nyimpadua bi yie. 30Iyi ntsi na hom mu pii ayɛ mberɛw na wɔyaryar, na piinara so adeda#11.30 ADEDA: Iyi ase kyerɛ dɛ: Ewuwu.. 31Na sɛ yeebu hɛnankasa hɛnho yie a, nkyɛ wommbuu hɛn atsɛn. 32Na sɛ wobu hɛn atsɛn a, Ewuradze tsea hɛn amma woeemmbu yɛnye wiadze fɔ. 33Dɛm ntsi, mo nuanom, sɛ hom behyia mu ribedzidzi a, hom ntwentweɔn homho. 34Na sɛ ɔkɔm dze bi a, wɔmma ondzidzi fie, mma hom eemmbehyia mu emmbenya atsɛmbu. Na nkaa no dze, sɛ meba a, mebɛka ho asɛm yie.
Currently Selected:
1 Korintefo 11: MFANBRP
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.
1 Korintefo 11
11
1 #
1 Kor 4.16; Fil 3.17 Hom nsuasua me, dɛ mbrɛ mo so musuasua Kraest no.
Tsir do a Wɔkata no Asɔryɛ mu
2Afei miyi hom ayɛw dɛ hom kaa me adze nyina mu, na hom da ho dze atsetsesɛm no mu, dɛ mbrɛ medze hyɛɛ hom nsa no ara. 3Na mepɛ dɛ hom hu dɛ ɔbarimba biara ne tsir nye Kraest, na ɔbaa ne tsir nye ɔbarimba, na Kraest ne tsir nye Nyankopɔn. 4Ɔbarimba biara a ɔrosɔr, anaa ɔrehyɛ nkɔm, na ɔakata ne tsir no, ɔhyɛ ne tsir fɛr. 5Na ɔbaa biara a ɔrosɔr, anaa ɔrehyɛ nkɔm, na ɔannkata ne tsir no, ɔhyɛ ne tsir fɛr, na ɔtse dɛ nyia ɔapra ne tsir no ara. 6Na sɛ ɔannkata ne tsir a, ma ɔmpra ne tsir so; na sɛ ɔyɛ enyito ma ɔbaa dɛ oyi anaa ɔpra ne tsir a, ɔnodze ma ɔnkata ne tsir. 7#Gye 1.26, 27 Na ɔbarimba dze, ɔnnsɛ dɛ ɔkata ne tsir, osiandɛ ɔyɛ Nyankopɔn no honyi nye n’enyimnyam, na ɔbaa dze ɔyɛ ɔbarimba n’enyimnyam. 8#Gye 2.18-23 Na nnyɛ ɔbarimba na ofi ɔbaa mu, na mbom ɔbaa na ofi ɔbarimba mu; 9eso nnyɛ ɔbaa ntsi na wɔbɔɔ ɔbarimba, na mbom ɔbarimba ntsi na wɔbɔɔ ɔbaa. 10Iyi ntsi na ɔsɛ dɛ ɔbaa nya dza ɔkyerɛ tumdzi wɔ ne tsir do, wɔ abɔfo no ntsi. 11Naaso Ewuradze mu dze, ɔbarimba nnkwetsir ɔbaa, na ɔbaa so nnkwetsir ɔbarimba: 12na dɛ mbrɛ ɔbaa fi ɔbarimba mu no, mbrɛ ɔbarimba so nam ɔbaa do ba nye no; na adze nyina fi Nyankopɔn mu. 13Homankasa mbu hom mu atsɛn; ana oye dɛ ɔbaa dze tsir a ɔannkata do yɛ asɔr ma Nyankopɔn? 14Ana ɔbrasu ara mpo nnkyerɛkyerɛ hom dɛ sɛ ɔbarimba sie tsir kusuww a, ɔyɛ enyimguase ma no a? 15Na sɛ ɔbaa dze osie tsir kusuww a, ɔyɛ enyimnyam ma no, osiandɛ wɔdze ne tsinhwi maa no dɛ akatado. 16Na sɛ obi pɛ dɛ odzi ntokwano a, hɛn dze, yɛnnyɛ dɛm adze no, na Nyankopɔn asɔrasɔr so nnyɛ dɛm.
Ewuradze Edzidzi
(Matthew 26.26-29; Mark 14.22-25; Luke 22.14-20)
17Na dza medze rehyɛ hom yi, mirinnyi hom ayɛw, osiandɛ hom nnhyia mu wɔ papa ntsi, na mbom bɔn ntsi a. 18Dza odzi kan nye dɛ metse dɛ sɛ hom hyia mu wɔ asɔr mu a, mpaapaamu wɔ hom mu; na megye no mu bi midzi. 19Oye dɛ fɛkuwbɔ horow ba hom mu, ama hɔn a wɔgye hɔn to mu no aada edzi wɔ hom mu. 20Na sɛ hom behyia fakor a, nnyɛ Ewuradze edzidzi na hom dzi no: 21na hom ridzidzi a, ɔbaako dzi kan dzi nankasa n’edziban, na obi ɔkɔm dze no, na obi abow. 22Ebɛnadze ntsi a? Ana hom nnyi efi a hom dzidzi mu? Anaa nnyɛ Nyankopɔn asɔr na hom bu no enyimtsia, na hom hyɛ hɔn a wonnyi bi enyito? Mense hom dɛn? Minyi hom ayɛw wɔ yi mu anaa? Mirinnyi hom ayɛw. 23Na emi dze, minyaa Ewuradze nsamu dza medze memaa hom no dɛ: Ewuradze Jesus anadwe no a woyii no mae no, ɔfaa paanoo; 24na ɔdaa ase no, obubui, na ɔsee dɛ, Me nyimpadua a wɔdze ama hom nye yi: hom nyɛ iyi mfa nyɛ me nkaa. 25#Eks 24.8; Jer 31.31-34; Eks 24.6-8 Dɛmara so na edzidzi ekyir no ɔfaa kɔɔpow no see dɛ, Kɔɔpow yi nye ahyɛmu fofor no wɔ mo bɔgyaa mu: hom nyɛ iyi mber biara a hom bɔnom no mfa nyɛ me nkaa. 26Na mber biara a hom dzi paanoo yi, na hom nom kɔɔpow yi, hom bɔ Ewuradze wu no ho dawur dze kesi dɛ ɔbɛba. 27Dɛm ntsi obiara a obedzi paanoo yi, anaa ɔbɔnom Ewuradze kɔɔpow yi dɛ mbrɛ ɔnnsɛ no, obedzi Ewuradze nyimpadua nye no bɔgyaa ho fɔ. 28Na ma nyimpa nsɔ noho nhwɛ, na ondua dɛm ndzi paanoo no bi, na ɔnnom kɔɔpow no bi. 29Na nyia odzi na ɔnom no, odzi na ɔnom dze atsɛmbu ba nankasa noho do, osiandɛ oemmbu Ewuradze nyimpadua bi yie. 30Iyi ntsi na hom mu pii ayɛ mberɛw na wɔyaryar, na piinara so adeda#11.30 ADEDA: Iyi ase kyerɛ dɛ: Ewuwu.. 31Na sɛ yeebu hɛnankasa hɛnho yie a, nkyɛ wommbuu hɛn atsɛn. 32Na sɛ wobu hɛn atsɛn a, Ewuradze tsea hɛn amma woeemmbu yɛnye wiadze fɔ. 33Dɛm ntsi, mo nuanom, sɛ hom behyia mu ribedzidzi a, hom ntwentweɔn homho. 34Na sɛ ɔkɔm dze bi a, wɔmma ondzidzi fie, mma hom eemmbehyia mu emmbenya atsɛmbu. Na nkaa no dze, sɛ meba a, mebɛka ho asɛm yie.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mfantse Bible © Bible Society of Ghana, 2011.