MALEAKHI 4

Allah waruhu sambil horog teg ulug hiyag isibag ane

1 Ninikni Allah pohol ha kinang ha senehon inowen ele urukon tu, ”Obog aruhu sambil ino indok ambulpul hag toho waruhu. Ap Allah eleg ulug hemet toho turuk lit siyag ane til noruk inap obog toho hoholangge hag toho indoken nahumu mondabi eleg lamuhup angge famen 2hit An fahet henekol toho welahep hinap hunubahet mo lahik waharuk lit umbagpag turuk hag toho An nine hunubam asinandi ruhumu yowil angge hit hunubam werehon obog toho fano amuhup. Wam sapi umalik ibamen wilip atug hik tombo lahaptuk hag toho henehiyehen hik tombo lahaptuk lamuhup. 3Inam aruhuk sambil ino ap siyag ane turukon hunuyuhen sobit-sabar isahupmu ul amuhup. 4An namingmingangge Musa tom Sinai fam weregma Israel inap obog tohowen turuk lamuhup ane fahet hiyag itik iyahon ino wenggel haruk lamuhup. 5#Mat 11:14, 17:10-13; Mrk 9:11-13; Luk 1:17; Yoh 1:21Anden ap obog toho unubabut kim isalug siyag ane turukon unusik waruhuk sambil horog tegma An namingmingangge nabi Elia ino tam henembeg monde fik waruhuk. 6An ninggareg waruhukteg kinang obog toho siyaha fusuhuk tohon ulug Elia ino tam monde fik waruhukmu iniknisi unumalikisi mangnowap eneptuk laruhumu iniknisiyen hebeloho unumalikisi inindi enesugmu unumalikisiyen hebeloho iniknisi inindi enesug lamuhup.

Currently Selected:

MALEAKHI 4: YLI

Highlight

Compare

Copy