ՄԱՐԳԱՐԷՈՒԹԻՒՆ ՅՈՎԵԼԱՅ Գլուխ Բ
Գլուխ Բ
1 Փող հարէք ի Սիոն, քարոզ կարդացէք ի լերին սրբութեան իմոյ. #2։1 Եբր. զարհուրեսցինժողովեսցին ամենայն բնակիչք երկրի. զի հասեալ է օր Տեառն, զի մերձ է։ 2Օր խաւարի եւ միգի, օր ամպոյ եւ մառախղոյ. իբրեւ առաւօտ տարածեսցի ի վերայ լերանց, զօր բազում եւ հզօր, նման նմա ոչ եղեւ յաւիտենից, եւ զհետ նորա ոչ եւս յաւելցի լինել ազգաց մինչեւ յազգս։ 3Առաջ նորա հուր ծախիչ, եւ վերջ նորա բոց բորբոքեալ. իբրեւ զդրախտ #2։3 Եբր. Եդեմայփափկութեան երկիրդ առաջի նորա, եւ զկնի նորա դաշտ ապականութեան, եւ ապրեալ ոչ իցէ ի նմանէն։
4Իբրեւ զտեսիլ երիվարաց տեսիլ նորա. իբրեւ զհեծեալս արշաւեսցեն։ 5Եւ իբրեւ զշաչիւն կառաց ի վերայ գլխոց լերանց ասպատակեսցեն, իբրեւ զձայն բոցոյ հրոյ որ ուտիցէ զեղէգն, իբրեւ զօր բազում եւ հզօր պատրաստեալ ի պատերազմ։ 6Յերեսաց նոցա #2։6 Եբր. տագնապեսցինխորտակեսցին ազգք, եւ ամենայն դէմք իբրեւ զայրեցած պուտան։ 7Իբրեւ զախոյանս յարձակեսցին, եւ իբրեւ զարս պատերազմողս ելցեն ի վերայ պարսպաց. իւրաքանչիւր զիւր ճանապարհ գնասցէ, եւ մի՛ խոտորեսցին ի շաւղաց իւրեանց. 8այր #2։8 Եբր. զընկեր իւր մի՛ ստիպեսցէ, իւրաքանչիւր զճանապարհ իւր գնասցէ. թէպէտեւ անկցին ի վերայ զինուց, մի՛ խորտակեսցինյեղբօրէ եւ յընկերէ իւրմէ մի՛ զատցի. ծանրացեալք զինուք իւրեանց գնասցեն, եւ նետիւք իւրեանց անկցին եւ մի՛ վախճանեսցին՝՝։ 9Հասցեն ի վերայ քաղաքին, եւ ընթասցին ի վերայ պարսպաց. ելցեն յապարանս, եւ մտցեն ընդ պատուհանս իբրեւ զգողս։ 10Յերեսաց նոցա խռովեսցի երկիր, եւ երկինք շարժեսցին. արեգակն եւ լուսին խաւարեսցին, եւ աստեղք ծածկեսցեն զլոյս իւրեանց։ 11Եւ Տէր տացէ զձայն իւր առաջի երեսաց զօրութեան իւրոյ. զի բազում է յոյժ բանակ նորա, #2։11 Եբր. զի հզօր է որ առնէ զբանեւ հզօր գործ պատերազմաց՝՝ նորա. զի մեծ է օր Տեառն, մեծ եւ երեւելի յոյժ. եւ ո՞վ իցէ նմա բաւական։
12Եւ արդ ասէ Տէր #2։12 ՅԵբր. պակասէԱստուած ձեր՝՝. Դարձարուք առ իս յամենայն սրտէ ձերմէ, պահօք եւ լալով եւ կոծելով։ 13Պատառեցէք զսիրտս ձեր, եւ մի՛ զհանդերձս, եւ դարձարուք առ Տէր Աստուած ձեր. զի ողորմած եւ գթած է, երկայնամիտ եւ բազումողորմ, եւ զղջանայ ի վերայ չարեաց։ 14Ո՞ գիտէ եթէ դարձցի եւ ապաշաւեսցէ, եւ թողցէ զկնի իւր օրհնութիւն, #2։14 Եբր. զոհ եւ նուէր Տեառն Աստուծոյ ձերումեւ զոհս եւ սպանդ Տեառն Աստուծոյ մերում՝՝։
15Փող հարէք ի Սիոն, սրբեցէք պահս, քարոզեցէք պաղատանս. 16ժողովեցէք, զժողովուրդսդ, սրբեցէք զեկեղեցի, ընտրեցէք զծերս, ժողովեցէք զտղայս ստնդիացս. ելցէ փեսայ ի սենեկէ իւրմէ, եւ հարսն յառագաստէ։ 17Ընդ աստիճանս եւ ընդ սեղանն լացցեն քահանայք եւ պաշտօնեայք Տեառն, եւ ասասցեն. Խնայեա. Տէր, ի ժողովուրդս քո, եւ մի՛ տար զժառանգութիւն քո ի նախատինս՝ տիրել ի վերայ նորա ազգաց. զի մի՛ ասասցեն ի հեթանոսս թէ՝ Ո՞ւր է Աստուած նոցա։
18Եւ նախանձեցաւ Տէր վասն երկրի իւրոյ, եւ խնայեաց ի ժողովուրդ իւր։ 19Եւ պատասխանի ետ Տէր ժողովրդեան իւրում եւ ասէ. Ահաւասիկ ես առաքեմ ի ձեզ զցորեան եւ զգինի եւ զեւղ, եւ լցջիք ի նոցանէն. եւ ոչ եւս տաց զձեզ ի նախատինս ազգաց։ 20Եւ զհիւսիսայինն հալածեցից ի ձէնջ, եւ մերժեցից զնա յերկիր #2։20 Եբր. անջուր եւ ամայի. առաջ նորա ի ծովն արեւելից, եւ վերջանջուր. եւ ապականեցից զառաջ նորա ի ծովն առաջին, եւ զվերջ՝՝ նորա ի ծովն վերջին. եւ ելցէ շարաւ նորա, եւ բուրեսցէ հոտ նորա. զի մեծացան գործք նորա։ 21Քաջալերեաց, երկիր, խնդա եւ ուրախ լեր, զի մեծացոյց Տէր զառնել իւր ընդ քեզ։ 22Քաջալերեաց, երէ վայրի, զի դալարացան դաշտք անապատի. զի ծառ ետ զպտուղ իւր, որթ եւ թզենի ետուն զզօրութիւն իւրեանց։ 23Որդիք Սիոնի, ցնծացէք եւ ուրախ լերուք ի Տէր Աստուած ձեր. զի #2։23 Եբր. տայ ձեզ չափով զկանուխնետ ձեզ Տէր կերակուր արդարութեան՝՝. եւ տեղասցէ ձեզ անձրեւ կանուխ եւ անագան #2։23 Կամ՝ յառաջնումնիբրեւ զառաջինն՝՝։ 24Եւ լցցին կալք ցորենոյ, եւ զեղցին հնծանք գինւոյ եւ իւղոյ։ 25Եւ հատուցից ձեզ փոխանակ ամացն յորս եկեր մարախն եւ ջորեակն եւ #2։25 Եբր. գրուիճն եւ խառնիճնթրթուրն, զօր իմ մեծ զոր առաքեցի ի վերայ ձեր. 26եւ ուտելով կերիջիք, եւ յագեսջիք, եւ օրհնեսջիք զանուն Տեառն Աստուծոյ ձերոյ որ արար ընդ ձեզ սքանչելիս. եւ մի՛ եւս ամաչեսցէ ժողովուրդ իմ յաւիտեան։ 27Եւ ծանիջիք թէ ի մէջ Իսրայելի եմ ես. եւ ես Տէր Աստուած ձեր, եւ չիք ոք բաց յինէն. եւ ոչ ամաչեսցէ ժողովուրդ իմ յաւիտեան։
28Եւ եղիցի յետ այսորիկ հեղից #2։28 Եբր. զՀոգի իմյՈգւոյ իմմէ՝՝ ի վերայ ամենայն մարմնոյ. եւ մարգարէասցին ուստերք ձեր եւ դստերք ձեր. եւ ծերք ձեր երազովք երազեսցին, եւ երիտասարդք ձեր տեսիլս տեսցեն։ 29Եւ ի վերայ ծառայից իմոց, եւ ի վերայ աղախնաց իմոց յաւուրսն յայնոսիկ հեղից #2։29 Եբր. զՀոգի իմյՈգւոյ իմմէ, եւ մարգարէասցին՝՝։ 30Եւ տաց նշանս յերկինս ի վեր եւ յերկիր ի խոնարհ՝ արիւն եւ հուր եւ մրրիկ ծխոյ։ 31Արեգակն դարձցի ի խաւար եւ լուսին յարիւն, մինչչեւ եկեալ իցէ օր Տեառն մեծն եւ երեւելին։ 32Եւ եղիցի ամենայն որ կարդասցէ զանուն Տեառն՝ կեցցէ. զի ի լեառն Սիոն եւ յԵրուսաղէմ եղիցի ապրեալ, որպէս եւ ասաց Տէր, եւ #2։32 Եբր. ի մէջ մնացորդացաւետարանեալ զորս Տէր կոչեսցէ առ ինքն։
Currently Selected:
ՄԱՐԳԱՐԷՈՒԹԻՒՆ ՅՈՎԵԼԱՅ Գլուխ Բ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
