ԵԼՔ Գլուխ ԼԱ
Գլուխ ԼԱ
1 Խօսեցաւ Տէր ընդ Մովսիսի եւ ասէ. 2Ահաւադիկ յանուանէ կոչեցեալ է իմ զԲեսելիէլ զՈւրիեան, զորդի Ովրայ յազգէ Յուդայ։ 3Եւ լցուցի զնա աստուածեղէն Հոգւով իմաստութեան եւ հանճարոյ եւ գիտութեան ամենայն գործոյ, 4խելամուտ լինել եւ ճարտարապետել, գործել զոսկին եւ զարծաթ եւ զպղինձ, 5#31։5 Եբր. Եւ զականակապն ի լրութիւնզկապուտակն եւ զծիրանին եւ զկարմիրն մանեալ. եւ զականակապն ի լրութիւն գործոյն՝՝, եւ զհիւսնութիւն փայտից, գործել ըստ ամենայն գործոյ։ 6Եւ ես ահա ետու զնա եւ զԵղիաբ Աքիսամայ յազգէ Դանայ. եւ ի սիրտ ամենայն իմաստնոյ ետու զիմաստութիւն, եւ արասցեն զամենայն զոր միանգամ պատուիրեցի քեզ։ 7Զխորանն վկայութեան եւ զտապանակ կտակարանացն եւ զքաւութիւնն որ ի վերայ նորա, եւ զամենայն զսպաս խորանին #31։7 ՅԵբր. պակասէեւ զզոհանոցսն՝՝, 8եւ զսեղանն եւ զամենայն զկահ նորա, եւ զաշտանակն սուրբ եւ զամենայն զկահ նորա, եւ զսեղան խնկոցն, 9եւ զսեղան ողջակիզացն եւ զամենայն զկահ նորա, եւ զաւազանն եւ զխարիսխ նորա, 10եւ զպատմուճանս պաշտամանն, եւ զհանդերձս սրբութեանն զԱհարոնի քահանայի, եւ զպատմուճանս որդւոց նորա ի քահանայանալ ինձ, 11եւ զեւղն օծութեան եւ զխունկս հանդերձանաց սրբութեանն, եւ զամենայն զոր միանգամ պատուիրեցի քեզ՝ #31։11 Եբր. արասցենարասցես։
12Խօսեցաւ Տէր ընդ Մովսիսի եւ ասէ. 13Եւ դու խօսեաց ընդ որդիսն Իսրայելի եւ ասասցես. Զգոյշ կացէք պահելոյ զշաբաթս իմ. զի նշանակ է ընդ իս եւ ընդ ձեզ յազգս ձեր, զի ծանիջիք թէ ես եմ Տէր որ սրբեմ զձեզ։ 14Եւ պահեսջիք զշաբաթս, զի սրբութիւն է այն #31։14 ՅԵբր. պակասէՏեառն եւ՝՝ ձեզ. որ պղծեսցէ զնա՝ մահու մեռցի. ամենայն որ գործիցէ ի նմա գործ, սատակեսցի անձն այն ի միջոյ ժողովրդեան իւրոյ։ 15Զվեց օր գործեսցես գործ, եւ յաւուրն եւթներորդի շաբաթ հանգստեան սրբութիւն Տեառն. ամենայն որ գործեսցէ գործ յաւուր շաբաթու՝ մահու մեռցի։ 16Եւ պահեսցեն որդիքն Իսրայելի #31։16 Եբր. զշաբաթն՝ առնել զշաբաթն յազգս իւրեանցզշաբաթս՝ առնել զնոսա յազգս ձեր՝՝ ուխտ յաւիտենական։ 17Ընդ իս եւ ընդ որդիսն Իսրայելի, նշանակ #31։17 ՅԵբր. պակասէիմ է յաւիտենական. զի զվեց օր արար Տէր զերկին եւ զերկիր, եւ յաւուրն եւթներորդի դադարեաց եւ հանգեաւ։
18Եւ ետ Մովսիսի, իբրեւ դադարեաց ինքն ի խօսից իւրոց ի լերինն Սինա, զերկուս տախտակսն վկայութեան, տախտակս քարեղէնս գրեալս մատամբն Աստուծոյ։
Currently Selected:
ԵԼՔ Գլուխ ԼԱ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
