ԵԼՔ Գլուխ Լ
Գլուխ Լ
1 Եւ արասցես սեղան խնկակալ խնկոց յանփուտ փայտից։ 2Եւ արասցես զնա կանգնաւ յերկայնութիւն եւ կանգնաւ ի լայնութիւն, չորեքկուսի լինիցի, եւ յերկուց կանգնոց բարձրութիւն նորա. եւ եղջեւրք իւր անդստին ի նմանէ լինիցին։ 3Եւ պատեսցես զնա ոսկւով սրբով, #30։3 Եբր. զյարկզվանդակն նորա եւ զկողմանս շուրջանակի եւ զեղջեւրս նորա. եւ արասցես նմա պսակ ոսկի շրջանակաւ շուրջանակի։ 4Եւ երկուս օղս ոսկիս #30։4 ՅԵբր. պակասէսուրբս արասցես ընդ շրջանակաւ պսակի նորա յերկոցունց կողմանց. եւ արասցես յերկոսին անկիւնս նորա, եւ եղիցին լծակք օղալամբացն բառնալ զնա նոքօք։ 5Եւ արասցես զլծակսն յանփուտ փայտից, եւ պատեսցես զնոսա ոսկւով։ 6Եւ դիցես զնա յանդիման վարագուրին, որ իցէ առաջի տապանակին վկայութեան, ընդդէմ #30։6 Եբր. քաւութեանն որ իցէ առ վկայութեամբն, ուրվկայութեանն՝ որ իցէ առ վկայութեամբն, որովք՝՝ երեւեցայց քեզ անդ։ 7Եւ արկցէ ի վերայ նորա Ահարոն #30։7 Եբր. խունկս անուշունսխունկ հանդերձեալ՝ աղացեալ մանր՝՝ ընդ առաւօտս առաւօտս, յորժամ զճրագսն հանդերձիցէ, ծխեսցէ խունկ #30։7 ՅԵբր. պակասէի վերայ նորա՝՝։ 8Եւ յորժամ լուցանիցէ Ահարոն զճրագսն երեկորին, ծխեսցէ #30։8 ՅԵբր. պակասէի վերայ նորա՝՝ խունկս յաճախութեան հանապազորդ առաջի Տեառն յազգս #30։8 Եբր. ձերիւրեանց։ 9Եւ ոչ հանիցէք ի վերայ նորա խունկ օտար, եւ #30։9 Եբր. ողջակէզս եւ ընծայսպտուղս եւ զոհս՝՝, եւ նուէրս մի՛ նուիրիցէք ի վերայ նորա։ 10Եւ քաւեսցէ Ահարոն ի վերայ եղջերաց նորա միանգամ ի տարւոջ. յարենէ առ ի վասն մեղացն #30։10 ՅԵբր. պակասէսրբութեան եւ՝՝ քաւութեան միանգամ ի տարւոջ #30։10 Եբր. քաւեսցէսրբեսցէ զնա յազգս #30։10 Եբր. ձերնոցա. զի սրբութիւն սրբութեանց Տեառն է։
11Եւ խօսեցաւ Տէր ընդ Մովսիսի եւ ասէ. 12Եթէ ունիցիս զհամար որդւոցն Իսրայելի ի հանդիսի իւրեանց, տացեն իւրաքանչիւր փրկանս ընդ անձին իւրոյ Տեառն ըստ հանդիսին իւրեանց, եւ մի՛ լինիցի ի նոսա մահ ի հանդիսի անդ իւրեանց։ 13Եւ այս ինչ է զոր տացեն որք անցանիցեն ի հանդիսի անդ. զկէս #30։13 Եբր. սկեղներկդրամենին որ իցէ ըստ սրբութեան #30։13 Եբր. սկեղներկդրամենին. քսան դանգ է #30։13 Եբր. սիկղներկդրամեանն. եւ կէս #30։13 Եբր. սկեղներկդրամենին եղիցի հաս Տեառն։ 14Ամենայն որ անցանիցէ ի հանդիսի անդ ի քսանամենից եւ ի վեր՝ տացեն հաս Տեառն։ 15Մեծատունն մի՛ յաւելցէ, եւ տնանկն մի՛ պակասեցուսցէ ի կիսոյ #30։15 Եբր. սկեղներկդրամենին ի տալ անդ զհաս Տեառն #30։15 ՅԵբր. պակասէյորդւոցն Իսրայելի՝՝, առնել քաւութիւն վասն անձանց ձերոց։ 16Եւ առցես զարծաթ #30։16 Եբր. քաւութեաննհասին յորդւոցն Իսրայելի, եւ տացես զնա ի գործ խորանին վկայութեան, եւ եղիցի որդւոցն Իսրայելի յիշատակ առաջի Տեառն, քաւել վասն անձանց նոցա։
17Խօսեցաւ Տէր ընդ Մովսիսի եւ ասէ. 18Արա աւազան պղնձի, եւ զխարիսխ նորա պղնձի, առ ի լուանալոյ ի նմա. եւ դիցես զնա ընդ խորանն վկայութեան եւ ընդ սեղանն, եւ արկցես ի նա ջուր։ 19Եւ լուասցեն Ահարոն եւ որդիք նորա ի նմանէ զձեռս եւ զոտս իւրեանց։ 20Յորժամ մտանիցեն ի խորանն վկայութեան՝ լուասցին ջրով եւ մի՛ մեռանիցին, կամ յորժամ մերձենայցեն ի սեղանն պաշտել, եւ հանել զողջակէզսն Տեառն։ 21Լուասցեն զձեռս եւ զոտս իւրեանց, զի մի՛ մեռանիցին. եւ եղիցի նոցա օրէն յաւիտենական, նմա եւ ազգաց նորա յետ նորա։
22Խօսեցաւ Տէր ընդ Մովսիսի եւ ասէ. 23Եւ դու ա՛ռ քեզ խունկս անուշունս, ծաղիկ ընտիր զմռնենեաց հինգ հարեւր սիկղ, եւ կինամոմոն զանոյշ զկէս այնորիկ՝ երկերիւր եւ յիսուն, եւ զխունկեղէգն զանոյշ՝ երկերիւր եւ յիսուն, 24եւ հիրիկ հինգ հարեւր սիկղ ըստ սրբութեանն, եւ եւղ ի ձիթենեաց հիմենաւ միով։ 25Եւ արասցես զայն եւղ յօծումն սրբութեան, եւղ եփեալ ըստ արուեստի իւղագործաց, եւղ յօծումն սրբութեան լինիցի։ 26Եւ օծցես ի նմանէ զխորան վկայութեանն եւ զտապանակ վկայութեանն, 27եւ զսեղանն եւ զամենայն զկահ նորա, եւ զաշտանակն եւ զամենայն զկահ նորա, եւ զսեղան խնկոցն, 28եւ զսեղան ողջակիզացն եւ զամենայն զկահ նորա, եւ զաւազանն եւ #30։28 Կամ զխարիսխ, տե՛ս Գլ. ԼԱ 9զյատակս նորա։ 29Եւ սրբեսցես զնոսա, եւ եղիցի սրբութիւն սրբութեանց. ամենայն որ մերձենայցէ ի նոսա՝ սրբեսցի։ 30Եւ զԱհարոն եւ զորդիս նորա օծցես եւ սրբեսցես զնոսա ինձ ի քահանայութիւն։ 31Եւ ընդ որդիսն Իսրայելի խօսեսցիս եւ ասասցես. Եւղ յօծումն օծութեան սրբոյ եղիցի ձեզ յազգս ձեր։ 32Ի մարմին մարդոյ ոչ օծանիցի, եւ ըստ այդմ հանդերձանի ոչ առնիցէք ձեզ այդպիսի, զի սուրբ է, եւ ի սրբութիւն եղիցի ձեզ։ 33Որ ոք առնիցէ այդպիսի, եւ որ ոք տացէ ի դմանէ այլազգւոյ, սատակեսցի ի ժողովրդենէ իւրմէ։
34Եւ ասէ Տէր ցՄովսէս. Առ դու քեզ խունկս անուշունս, ստաշխն եւ եղունգն եւ զքաղբանն զանոյշ եւ զկնդրուկ զերեւելի. զի հասարակ առ հասարակ լինիցին։ 35Եւ արասցես զայն խունկ եփեալ, գործ իւղագործաց հանդերձանի, գործ մաքուր ի սրբութիւն։ 36Եւ աղասցես ի նոցանէ մանր, եւ դիցես ի նմանէ յանդիման վկայութեանն ի խորանին վկայութեան, ուստի երեւեցայց քեզ անտի. ի սրբութիւն սրբութեանցն եղիցի ձեզ խունկն այն զոր առնիցէք։ 37Ըստ այնմ հանդերձանի մի՛ առնիցէք ձեզ խունկս. զի սրբութիւն Տեառն եղիցի ձեզ։ 38Այր ոք որ առնիցէ ըստ այնմ օրինակի՝ առնուլ հոտ ի նմանէ, կորիցէ ի ժողովրդենէ իւրմէ։
Currently Selected:
ԵԼՔ Գլուխ Լ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
