ԵԼՔ Գլուխ ԻԲ
Գլուխ ԻԲ
1 Իսկ եթէ գողասցի ոք արջառ կամ ոչխար, եւ սպանցէ կամ վաճառեսցէ, հինգ արջառ ընդ արջառոյն տուժեսցի, եւ չորս ոչխար ընդ ոչխարին։ 2Իսկ եթէ յական գտանիցի գող, եւ խոցեալ մեռանիցի, չէ այն նմա ի սպանութիւն։ 3Ապա եթէ արեւն ի վերայ նորա ծագիցէ, մահապարտ է, #22։3 Եբր. զի մարթ էր նմա տուժելով տուժելփոխարէն մեռցի՝՝. ապա թէ ոչինչ գտանիցի նորա, վաճառեսցի փոխանակ գողութեանն իւրոյ։ 4Իսկ եթէ ըմբռնեսցի եւ գտցի ի ձեռին նորա գողօնն՝ յարջառոյ եւ յիշոյ մինչեւ ցոչխար, կրկին տուժեսցի։
5Եթէ արածիցէ ոք զանդ կամ զայգի, եւ թոյլ տայցէ խաշին իւրում արածել զանդ այլոց, #22։5 ՅԵբր. պակասէյիւրմէ անդոյ անտի տուժեսցի ըստ արդեանն։ Ապա թէ զամենայն իսկ զանդն արածիցէ,՝՝ զընտիր կողմն անդոյ իւրոյ եւ զընտիր այգւոյ իւրոյ տուժեսցի։
6Իսկ եթէ ելանիցէ հուր եւ գտանիցէ փուշ, եւ ընդ նմին այրիցէ զկալ կամ զօրան կամ զանդ, տուժելով տուժեսցի որոյ զհրդեհն հանեալ իցէ։
7Իսկ եթէ ոք տացէ ընկերի իւրում արծաթ կամ այլ ինչ կարասի զիւր յաւանդ, եւ գողանայցի ի տանէ առնն, եթէ գտցի որ գողացաւն, կրկին տուժեսցի։ 8Ապա եթէ ոչ գտցի որ գողացաւն, մատիցէ տէր տանն առաջի #22։8 Կամ դատաւորացԱստուծոյ, եւ երդուիցի եթէ իւր չէ նենգեալ ամենեւին զաւանդ ընկերի իւրոյ։ 9Ըստ ամենայն #22։9 Եբր. բանի անիրաւութեանվնասակար բանի՝՝, յարջառոյ եւ յիշոյ եւ յոչխարէ եւ ի հանդերձէ, եւ յամենայն կորստենէ #22։9 Եբր. զորմէ ասիցէ թէ այս է այնորում վնասակար առնիցեն, որ զինչ իցէ՝՝ առաջի #22։9 Կամ դատաւորացԱստուծոյ եկեսցէ դատաստան երկոցուն, եւ #22։9 Եբր. զոր դատապարտեսցէ Աստուած, կամ, դատապարտեսցեն դատաւորքոր ոք ի նոցանէ ըմբռնեսցի ի ձեռն Աստուծոյ՝՝, կրկին տուժեսցի ընկերի իւրում։
10Եւ եթէ տացէ ոք ընկերի իւրում էշ կամ եզն կամ ոչխար կամ այլ ինչ անասուն ի պահեստ, եւ բեկցի կամ մեռցի կամ գերի վարեսցի, եւ ոչ ոք գիտասցէ, 11երդումն #22։11 Եբր. ՏեառնԱստուծոյ լիցի ի մէջ երկոցուն, եթէ նենգանօք ինչ չիցէ գնացեալ ամենեւին ընդ աւանդ ընկերին իւրոյ. ապա յանձն առցէ տէր նորա, եւ մի՛ տուժեսցի։ 12Իսկ եթէ գողութեամբ գողանայցի ի նմանէ, տուժեսցի տեառն նորա։ 13Ապա թէ գազանաբեկ լինիցի, #22։13 Եբր. բերցէ զնա վկայածցէ վկայ ի գէշ անդր՝՝, եւ մի՛ տուժեսցի։
14Իսկ եթէ խնդրեսցէ ոք #22։14 Եբր. ինչանօթ յընկերէ իւրմէ, եւ բեկցի կամ մեռցի #22։14 ՅԵբր. պակասէկամ գերի գնասցէ՝՝, եւ տէր նորա չիցէ ընդ նմա, տուժելով տուժեսցի։ 15Ապա թէ տէր նորա ընդ նմա իցէ, ոչ տուժեսցի. ապա թէ ի վարձու առեալ իցէ, ընդ վարձուց իւրոց եղիցի նմա։
16Իսկ եթէ ոք խաբեսցէ զկոյս զոչ խօսեալ եւ ննջեսցէ ընդ նմա, վարձանօք վարձեսցի զնա իւր կնութեան։ 17Եւ եթէ ոչ առնուցու յանձն հայր նորա տալ զնա նմա կնութեան, տուժեսցի արծաթ #22։17 ՅԵբր. պակասէհօր նորա՝՝ որպէս իցեն վարձանք կուսից։
18 # 22։18 Եբր. Զկին կախարդ Զկախարդս մի՛ ապրեցուցանիցէք։
19Զամենայն որ խառնակիցի ընդ անասուն՝ մահու սպանանիջիք։
20Որ դից զոհիցէ՝ սատակեսցի, բայց միայն Տեառն։
21Զպանդուխտն մի՛ չարչարիցէք եւ մի՛ նեղիցէք զնա, զի եւ դուք պանդուխտք էիք յերկրին Եգիպտացւոց։ 22Զամենայն զայրի եւ զորբ մի՛ չարչարիցէք։ 23Ապա եթէ չարչարելով չարչարիցէք զնոսա, եւ բողոք բարձեալ աղաղակիցեն առ իս, լսելով լուայց աղաղակի նոցա։ 24Եւ բարկացայց սրտմտութեամբ եւ կոտորեցից զձեզ սրով, եւ եղիցին կանայք ձեր այրիք եւ մանկունք ձեր որբք։
25Եւ եթէ արծաթ փոխ տայցես #22։25 Եբր. ումեք ի ժողովրդենէ իմմէեղբօր քում՝՝ որ աղքատ իցէ առ քեզ, մի՛ #22։25 Եբր. լիցիս նմա իբրեւ վաշխառուճեպեսցես զնա՝՝, եւ մի՛ արկանիցես նմա տոկոսիս։ 26Եւ եթէ գրաւեսցես զբաճկոն ընկերի քո, նախ քան զմտանել արեւու դարձուսցես անդրէն։ 27Զի այն է վերարկու նորա, եւ այն է հանդերձ #22։27 Եբր. մերկութեանառականաց նորա որով ննջիցէ. եւ եթէ բողոքիցէ առ իս, լուայց նմա, քանզի ողորմած եմ։
28 # 22։28 Եբր. զԱստուած, կամ, զդատաւորս Զաստուածս քո՝՝ մի՛ բամբասիցես, եւ զիշխան ժողովրդեան քո մի՛ հայհոյեսցես։
29Զպտուղ կալոյ քո եւ զհնձանի մի՛ #22։29 Եբր. յամեցուսցեսհատանիցես. զանդրանիկս որդւոց քոց ինձ տացես։ 30Նոյնպէս արասցես զարջառ քո եւ զոչխար քո #22։30 ՅԵբր. պակասէեւ զէշ քո՝՝. զեւթն օր եղիցի ընդ մարբ իւրով, եւ յաւուրն ութերորդի տացես զնա ինձ։
31Եւ մարդք սուրբք լինիջիք ինձ. եւ զմիս գազանաբեկին ի բացի՝ մի՛ ուտիցէք, այլ շան ընկեսջիք։
Currently Selected:
ԵԼՔ Գլուխ ԻԲ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
