ԵԼՔ Գլուխ ԺԹ
Գլուխ ԺԹ
1 Յամսեանն երրորդի ելանելոյ որդւոցն Իսրայելի յերկրէն Եգիպտացւոց, յաւուրն յայնմիկ եկին յանապատն Սինայ։ 2Չուեցին յՌափիդիմայ եւ եկին յանապատն Սինայի, եւ բանակեցան յանապատի անդ. եւ բանակեցաւ Իսրայէլ անդ հանդէպ լերինն։ 3Եւ Մովսէս ել #19։3 Եբր. առ Աստուածի լեառնն Աստուծոյ՝՝. եւ կոչեաց զնա #19։3 Եբր. ՏէրԱստուած ի լեռնէ անտի եւ ասէ. Այսպէս ասասցես տանն Յակոբայ, եւ պատմեսցես որդւոցն Իսրայելի։ 4Դուք ձեզէն տեսէք որչափ ինչ արարի ընդ Եգիպտացիսն, եւ առի զձեզ իբրեւ ի վերայ թեւոց արծուոյ եւ յարեցի զձեզ առ իս։ 5Եւ արդ՝ եթէ լսելով լուիցէք ձայնի իմում, եւ պահիցէք զուխտն իմ, եղիջիք դուք ինձ ժողովուրդ սեպհական յամենայն ազգաց. զի իմ է ամենայն երկիր։ 6Եւ դուք եղիջիք ինձ ի թագաւորութիւն #19։6 Եբր. քահանայիցեւ ի քահանայութիւն՝՝ եւ յազգ սուրբ. զայս բանս խօսեսցիս ընդ որդիսն Իսրայելի։
7Եկն Մովսէս եւ կոչեաց զծերս ժողովրդեանն, եւ եդ առաջի նոցա զամենայն զբանս զայսոսիկ զոր պատուիրեաց նմա #19։7 Եբր. ՏէրԱստուած։ 8Պատասխանի ետ ժողովուրդն միահամուռ եւ ասեն. Զամենայն ինչ զոր ասաց #19։8 Եբր. ՏէրԱստուած, արասցուք #19։8 ՅԵբր. պակասէեւ լուիցուք՝՝։ Եւ տարաւ Մովսէս զպատգամս ժողովրդեանն առ #19։8 Եբր. ՏէրԱստուած։
9Եւ ասէ Տէր ցՄովսէս. Ահաւասիկ ես եկից առ քեզ #19։9 Եբր. ի մթութեանսեամբ ամպոյ, զի լուիցէ ժողովուրդն մինչ ես ընդ քեզ խօսիցիմ, եւ հաւատասցեն քեզ յաւիտեան։ Եւ պատմեաց Մովսէս զբանս ժողովրդեանն առ Տէր։ 10Եւ ասէ Տէր ցՄովսէս. #19։10 Եբր. Երթ առ ժողովուրդնԷջ դիր վկայութիւն ժողովրդեանն՝՝ եւ սրբեա զնոսա այսօր եւ վաղիւ, եւ լուասցեն զձորձս իւրեանց, 11եւ պատրաստեսցին աւուրն երրորդի. զի յաւուրն երրորդի իջցէ Տէր յանդիման ամենայն ժողովրդեանդ ի լեառնդ Սինա։ 12Եւ զատուսցես զժողովուրդն շուրջ՝ եւ ասասցես. Զգոյշ կացէք անձանց յելանելոյ ի լեառնն եւ մերձենալոյ ի նա. զի ամենայն որ մերձեսցի ի լեառնն՝ մահու սատակեսցի։ 13Մի՛ մերձեսցի ի նա ձեռն. քանզի քարամբ քարկոծեսցի եւ նետիւք խոցոտիցի. եթէ անասուն իցէ եւ եթէ մարդ, մի՛ կեցցէ. այլ #19։13 Եբր. յերկարել փողոյնյորժամ ձայնքն եւ փողն եւ ամպն վերասցին ի լեռնէ անտի,՝՝ ելանիցեն նոքա ի լեառնն։
14Եւ էջ Մովսէս ի լեռնէ անտի առ ժողովուրդն, եւ սրբեաց զնոսա. եւ լուացին զձորձս իւրեանց։ 15Եւ ասէ ցժողովուրդն. Պատրաստ լերուք #19։15 Եբր. յօրն երրորդզերիս աւուրս՝՝. ի կանայս մի՛ մերձենայք։
16Եւ եղեւ յաւուրն երրորդի ընդ առաւօտսն ձայնք եւ փայլատակունք եւ ամպ միգախառն ի վերայ լերինն #19։16 ՅԵբր. պակասէՍինայի լինէին, եւ ձայն փողոյն հնչէր մեծաձայն, եւ զարհուրեցաւ ամենայն ժողովուրդն որ էր ի բանակի անդ։ 17Եւ եհան Մովսէս զժողովուրդն ընդ առաջ Աստուծոյ ի բանակէ անտի, եւ #19։17 Եբր. կացինկացոյց շուրջ՝՝ զստորոտով լերինն #19։17 ՅԵբր. պակասէՍինայի։ 18Եւ լեառն Սինա ծխէր առ հասարակ, քանզի իջեալ կայր #19։18 Եբր. ՏէրԱստուած ի վերայ նորա հրով, եւ ելանէր ծուխ նորա իբրեւ զծուխ հնոցի, եւ #19։18 Եբր. դողայր ամենայն լեառնն, (19) Եւզարհուրեցաւ ամենայն ժողովուրդն յոյժ։ 19Քանզի՝՝ հասանէին ձայնք փողոյն ի բաց, յառաջացեալք եւ սաստկացեալք յոյժ, Մովսէս խօսէր, եւ Աստուած տայր նմա ձայն։ 20Եւ էջ Տէր ի լեառնն Սինա, ի գլուխ լերինն. եւ կոչեաց Տէր զՄովսէս ի գլուխ լերինն, եւ ել անդր Մովսէս։ 21Եւ խօսեցաւ #19։21 Եբր. ՏէրԱստուած ընդ Մովսիսի եւ ասէ. Էջ, դիր վկայութիւն ժողովրդեանդ, գուցէ մերձենայցեն հայել առ #19։21 Եբր. ՏէրԱստուած, եւ անկանիցին բազումք ի նոցանէ։ 22Եւ քահանայքն որ մերձենան առ #19։22 Եբր. ՏէրԱստուած՝ սրբեսցին, գուցէ սատակիցէ ի նոցանէ Տէր։ 23Եւ ասէ Մովսէս #19։23 Եբր. ցՏէրցԱստուած. Ոչ կարէ ժողովուրդն ելանել ի լեառնն Սինա. զի դու ինքնին ուխտեցեր մեզ եւ ասացեր, եթէ Զատուսցես զլեառնս եւ սրբեսցես զդա։ 24Եւ ասէ ցնա Տէր. Երթ էջ, եւ ել այսրէն դու եւ Ահարոն ընդ քեզ. բայց քահանայքն եւ ժողովուրդն մի՛ ժտեսցին ելանել առ #19։24 Եբր. ՏէրԱստուած, գուցէ սատակիցէ ի նոցանէ Տէր։ 25Էջ Մովսէս առ ժողովուրդն եւ ասէ ցնոսա։
Currently Selected:
ԵԼՔ Գլուխ ԺԹ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
