ԳՈՐԾՔ ԱՌԱՔԵԼՈՑ Գլուխ Ե
Գլուխ Ե
1 Իսկ այր ոմն Անանիա անուն հանդերձ կնաւ իւրով Սափիրաւ վաճառեաց ագարակ. 2եւ խորեաց ի գնոց անտի՝ գիտելով եւ կնոջն, եւ եբեր մասն ինչ եդ առ ոտս առաքելոցն։ 3Ասէ Պետրոս. Անանիա, ընդէ՞ր ելից Սատանայ զսիրտ քո ստել քեզ Հոգւոյն Սրբոյ, եւ խորել ի գնոց գեղջն. 4ո՞չ ապաքէն մինչ կայրն՝ քո էր, եւ ի վաճառելն՝ ընդ քո իշխանութեամբ էր. զի՞ է զի եդիր ի սրտի քում զիրս զայս. ոչ ստեցեր մարդկան, այլ Աստուծոյ։ 5Եւ լուեալ Անանիա զբանս զայսոսիկ՝ անկաւ եւ եհան զոգի. եւ եղեւ ահ մեծ ի վերայ ամենեցուն որ լուանն զայն։ 6Յոտն կացին երիտասարդքն եւ ամփոփեցին զնա, եւ տարան թաղեցին։ 7Եւ եղեւ իբրեւ ժամք երեք անցին, եւ կին նորա ոչ գիտէր զինչ եղեալն էր, եմուտ ի ներքս։ 8Պատասխանի ետ նմա Պետրոս եւ ասէ. Ասա դու ինձ թէ ա՞յնչափ գնոց զգեղն վաճառեցէք։ Եւ նա ասէ. Այո, այնչափ։ 9Եւ ասէ ցնա Պետրոս. Զի՞ է զի միաբանեցէք դուք փորձել զՀոգին Տեառն. ահա ոտքն որ թաղեցին զայրն քո ի դրանն՝ հանցեն եւ զքեզ։ 10Եւ անկաւ անդէն առ ոտս նորա եւ եհան զոգի, մտին երիտասարդքն, գտին զնա մեռեալ եւ հանին թաղեցին առ առն իւրում։ 11Եւ եղեւ երկեւղ մեծ ի վերայ ամենայն եկեղեցւոյն, եւ ի վերայ ամենեցուն որ լուանն զայն։
Է.
12Եւ ի ձեռս առաքելոցն լինէին նշանք եւ արուեստք բազումք ի ժողովրդեանն. եւ էին միաբան ամենեքեան ի սրահին Սողոմովնի։ 13Եւ յայլոց անտի ոչ ոք իշխէր մերձենալ առ նոսա. այլ յարգէր զնոսա ժողովուրդն։ 14Եւ առաւել եւս յաւելուին հաւատացեալքն ի Տէր, բազմութիւն արանց եւ կանանց. 15մինչեւ ի հրապարակսն հանել զհիւանդս, եւ դնել պատգարակօք եւ մահճօք իւրեանց, զի ընդ անցանելն Պետրոսի՝ գոնէ հովանի նորա հասցէ ումեք ի նոցանէ։ 16Եւ ժողովէր բազմութիւնն շուրջ ի քաղաքաց անտի յԵրուսաղէմ, բերէին զհիւանդս եւ զնեղեալս յայսոց պղծոց, որք եւ բժշկէին ամենեքեան։
17Յարուցեալ քահանայապետն եւ ամենեքին որ ընդ նմա, աղանդ սադուկեցւոց, լցան նախանձու։ 18Եւ արկին զձեռս յառաքեալսն եւ եդին զնոսա #5։18 Յոյնն. ի հասարակաց բանտիհրապարակաւ ի բանտի՝՝։ 19Ապա հրեշտակ Տեառն գիշերի եբաց զդուրս բանտին, եւ հանեալ զնոսա՝ ասէ. 20Գնացէք կացէք ի տաճարին, եւ խօսեցարուք ընդ ժողովրդեանն զամենայն պատգամս կենացս այսոցիկ։ 21Եւ իբրեւ լուան, մտին ընդ առաւօտն ի տաճարն եւ ուսուցանէին։ Եկն քահանայապետն եւ որ ընդ նմա, կոչեցին միաբան զատեանն եւ զամենայն ծերակոյտ որդւոցն Իսրայելի, եւ առաքեցին ի բանտն ածել զնոսա։ 22Եւ իբրեւ եկին սպասաւորքն, ոչ գտին զնոսա ի բանտին. դարձեալ անդրէն պատմեցին, 23եւ ասեն թէ՝ Զբանտն գտաք փակեալ ամենայն զգուշութեամբ, եւ զպահապանսն՝ զի կային առ դրանն, բացաք եւ ի ներքս զոք ոչ գտաք։ 24Իբրեւ լուան զբանս զայս #5։24 Ոմանք. քահանայն եւ իշխան տաճարին եւ քահանայապետքնիշխանք տաճարին եւ քահանայապետքն՝՝, հիանային վասն նոցա, թէ զի՛նչ արդեւք լինիցի այն։ 25Եւ եկն ոմն պատմեաց նոցա թէ՝ Ահա արքն զորս եդիք ի բանտին՝ կան ի տաճարին, եւ ուսուցանեն զժողովուրդն։ 26Յայնժամ երթեալ իշխանն սպասաւորօքն հանդերձ՝ ած զնոսա ոչ բռնութեամբ, քանզի երկնչէին ի ժողովրդենէն զի մի՛ քարկոծեսցին։ 27Եւ ածեալ զնոսա՝ կացուցին յատենի. եհարց զնոսա քահանայապետն 28եւ ասէ. Ո՞չ պատուիրելով պատուիրեցաք ձեզ մի՛ ուսուցանել յանունն յայն. եւ արդ ահաւասիկ լցէք զԵրուսաղէմ ուսմամբդ ձերով, եւ կամիք ածել ի վերայ մեր զարիւն զառնն զայնորիկ։
29Պատասխանի ետ Պետրոս եւ առաքեալքն եւ ասեն. Հնազանդել պարտ է Աստուծոյ առաւել քան մարդկան։ 30Աստուած հարցն մերոց յարոյց զՅիսուս զոր դուքն սպանէք կախեալ զփայտէ։ 31Զնա Աստուած Առաջնորդ եւ Փրկիչ բարձրացոյց աջովն իւրով տալ ապաշխարութիւն Իսրայելի եւ թողութիւն մեղաց։ 32Եւ մեք եմք նորա վկայք բանիցս այսոցիկ, եւ Հոգին Սուրբ զոր ետ Աստուած հնազանդելոց իւրոց։ 33Եւ նոքա իբրեւ լուան, առատանային եւ խորհէին սպանանել զնոսա։
ԲԱ.
34Յարուցեալ ոմն ի մէջ ատենին, փարիսեցի, որում անուն էր Գամաղիէլ, օրէնսուսոյց, պատուական ամենայն ժողովրդեանն, հրամայեաց սակաւիկ մի #5։34 Ոմանք. զառաքեալսնզարսն արտաքս տանել։ 35Եւ ասէ ցնոսա. Արք Իսրայելացիք, հայեցարուք ի ձեզ վասն արանցս այսոցիկ զինչ արժան իցէ գործել։ 36Յառաջ քան զաւուրս զայսոսիկ յարեաւ Թեւդաս ասել զանձնէ թէ իցէ ոմն. յոր անկան արք թուով իբրեւ չորեքհարեւր, որ սպանաւ, եւ ամենեքեան որ միաբանեալ էին ընդ նմա՝ քակտեցան եւ եղեն յոչինչ։ 37Յետ նորա յարեաւ Յուդաս Գալիլեացի յաւուրս աշխարհագրին, եւ ապստամբեցոյց ժողովուրդ բազում զկնի իւր. եւ նա կորեաւ, եւ ամենեքեան որ նմայն հաւանեալ էին՝ ցրուեցան։ 38Եւ զարդիս ասեմ ձեզ. Ի բաց կացէք յարանցդ յայդցանէ եւ թոյլ տուք դոցա, զի թէ ի մարդկանէ իցէ խորհուրդդ այդ կամ գործդ, քակտեսցի. 39ապա թէ յԱստուծոյ է, ոչ կարէք քակտել զդոսա, գուցէ եւ աստուածամարտք գտանիցիք։ 40Հաւանեցան նմա, եւ կոչեցեալ զառաքեալսն՝ գան հարին, եւ պատուիրեցին մի՛ եւս խօսել յանուն Յիսուսի, եւ արձակեցին զնոսա։ 41Եւ նոքա գնացին խնդալով յերեսաց ատենին, զի վասն #5։41 Ոմանք. անուան Տեառն, այլք. անուան նորաանուանն արժանի եղեն անարգելոյ։ 42Եւ զամենայն օր ի տաճարին եւ առտնին ոչ դադարէին ուսուցանել եւ աւետարանել զՅիսուս Քրիստոս։
Currently Selected:
ԳՈՐԾՔ ԱՌԱՔԵԼՈՑ Գլուխ Ե: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
