ԳՈՐԾՔ ԱՌԱՔԵԼՈՑ Գլուխ Դ
Գլուխ Դ
1 Եւ մինչդեռ խօսէին նոքա ընդ ժողովրդեանն, հասին ի վերայ նոցա #4։1 Ոմանք. քահանայապետքնքահանայքն եւ իշխանք տաճարին եւ սադուկեցիքն, 2զայրագնեալք վասն ուսուցանելոյ նոցա զժողովուրդն եւ պատմելոյ Յիսուսիւ զյարութիւն մեռելոց։ 3Մխեցին ի նոսա զձեռս իւրեանց, եւ եդին զնոսա ի բանտի մինչեւ ի վաղիւն, զի էր ընդ երեկս։ 4Իսկ բազումք ի լսողաց բանին հաւատացին, եւ եղեւ թիւ մարդկանն իբրեւ հազարաց հնգից։
5Եւ եղեւ ի վաղիւ անդր ժողովել նոցա զիշխանսն եւ զերիցունս եւ զդպիրսն յԵրուսաղէմ, 6եւ զԱննա քահանայապետ եւ զԿայիափա եւ զՅովհաննէս եւ զԱղեքսանդրոս, եւ որք միանգամ էին յազգէ #4։6 Ոմանք. քահանայապետութեաննքահանայութեանն։ 7Եւ կացուցեալ զնոսա ի մէջ՝ հարցանէին. Որո՞վ զօրութեամբ կամ որո՞վ անուամբ արարէք դուք զայս։ 8Յայնժամ Պետրոս լցեալ Հոգւով Սրբով՝ ասէ ցնոսա. Իշխանք ժողովրդեան եւ երիցունք Իսրայելի, 9#4։9 Յոյնն. եթէ դատիցիմքեթէ արժա՞ն ինչ իցէ դատել զմեզ՝՝ այսօր վասն երախտեաց առն միոյ տկարի որով սա բժշկեցաւ։ 10Յայտնի լիցի ամենեցուն ձեզ եւ ամենայն ժողովրդեանդ Իսրայելի, զի յանուն Յիսուսի Քրիստոսի Նազովրեցւոյ զոր դուքն խաչեցէք, զոր Աստուած յարոյց ի մեռելոց, նովաւ սա կայ աւասիկ առաջի ձեր ողջացեալ։ 11Նա է վէմն անարգեալ ի ձէնջ շինողաց, որ եղեւ գլուխ անկեան. 12եւ չիք այլով իւիք փրկութիւն, զի եւ ոչ անուն այլ գոյ ի ներքոյ երկնից տուեալ ի մարդիկ, որով արժան իցէ կեալ մեզ։
Ե.
13Հայեցեալ ի համարձակութիւնն Պետրոսի եւ Յովհաննու, եւ ի վերայ հասեալ թէ արք տգէտք եւ առանց դպրութեան են, զարմանային, զի ճանաչէին զնոսա թէ ընդ Յիսուսի էին. 14եւ զայրն եւս տեսանէին զբժշկեալն զի կայր ընդ նոսա, եւ ոչինչ կարէին տալ պատասխանի։ 15Եւ հրամայեալ նոցա արտաքս քան զատեանն ելանել, խորհեցան ընդ միմեանս, 16եւ ասեն. Զի՞նչ արասցուք արանցս այսոցիկ, զի երեւելի նշան եղեւ ի ձեռն սոցա. ամենայն իսկ բնակչաց Երուսաղեմի յայտ է եւ ոչ կարեմք ուրանալ։ 17Այլ զի մի՛ առաւել ճարակեսցի ի ժողովուրդն, սպառնասցուք նոցա մի՛ եւս խօսել յանունն յայն մի՛ ումեք ի մարդկանէ։ 18Եւ կոչեցեալ զնոսա պատուիրեցին ամենեւին մի՛ խօսել եւ մի՛ ուսուցանել յանուն Յիսուսի։ 19Իսկ Պետրոս եւ Յովհաննէս պատասխանի ետուն եւ ասեն ցնոսա. Եթէ արժան իցէ առաջի Աստուծոյ ձեզ լսել առաւել քան Աստուծոյ, ընտրեցէք։ 20Այլ մեք ոչ կարեմք զոր տեսաքն եւ լուաք՝ չխօսել։ 21Նոքա սպառնացեալ արձակեցին զնոսա, եւ ոչինչ գտեալ թէ որպէս պատուհասեսցեն զնոսա վասն ժողովրդեանն, զի ամենեքեան փառաւոր առնէին զԱստուած վասն իրացն եղելոց։ 22Զի ամաց էր այրն աւելի քան զքառասուն, յորոյ վերայ եղեւ նշանս այս բժշկութեան։
23Եւ անտի արձակեալ եկին առ իւրեանցսն, եւ պատմեցին որչափ ինչ ասացին ցնոսա քահանայապետքն եւ երիցունքն։ 24Եւ նոցա լուեալ #4։24 Յոյնն. ամբարձին միաբանամբարձին զձայնս իւրեանց առ Աստուած եւ ասեն. Դու, Տէր #4։24 Յոմանս պակասէԱստուած, որ արարեր զերկինս եւ զերկիր եւ զծով եւ զամենայն որ ի նոսա, 25որ ի բերանոյ #4։25 Յոմանս պակասէհօր մերոյ՝՝ Դաւթի ծառայի քո՝ #4։25 Յոմանս պակասէի ձեռն Հոգւոյն Սրբոյ՝՝ ասացեր. Զմէ՞ խռովեցան հեթանոսք, եւ ժողովուրդք խորհեցան սնոտիս. 26յանդիման եղեն թագաւորք երկրի եւ իշխանք ժողովեցան ի միասին վասն Տեառն եւ վասն Օծելոյ նորա։ 27Ժողովեցան արդարեւ ի քաղաքիս յայսմիկ ի վերայ սրբոյ Որդւոյ քո Յիսուսի զոր օծերն՝ Հերովդէս եւ Պոնտիոս Պիղատոս ազգօք եւ ժողովրդովք Իսրայելի, 28առնել որչափ ձեռն քո եւ կամք յառաջագոյն սահմանեցին լինել։ 29Եւ արդ, Տէր, հայեաց ի սպառնալիս նոցա, եւ տուր ծառայից քոց ամենայն համարձակութեամբ խօսել զբանն քո. 30ի ձգել զձեռն քո ի բժշկութիւն, եւ նշանս եւ արուեստս լինել անուամբն սրբոյ Որդւոյ քո Յիսուսի։ 31Եւ մինչ կային նոքա յաղօթս, շարժեցաւ տեղին յորում էին ժողովեալ, եւ լցան ամենեքին Հոգւով Սրբով, եւ խօսէին զբանն Աստուծոյ համարձակութեամբ։
Զ.
32Եւ բազմութեան հաւատացելոցն էր սիրտ եւ անձն մի. եւ ոչ ոք ի նոցանէ ասէր զընչից իւրոց թէ իւր իցէ, այլ էր նոցա ամենայն ինչ հասարակաց։ 33Եւ զօրութեամբ բազմաւ տային վկայութիւն առաքեալքն զյարութեանն Տեառն Յիսուսի #4։33 Յոմանս պակասէՔրիստոսի. եւ շնորհք մեծամեծք էին ի վերայ ամենեցուն նոցա։ 34Եւ ոչ ոք կարօտէր ի նոսա, զի որ միանգամ տեարք էին գեղից կամ ապարանից՝ վաճառէին եւ բերէին զգինս վաճառելոցն, 35դնէին առ ոտս առաքելոցն. եւ բաշխէին իւրաքանչիւր որպէս ումեք պիտոյ ինչ լինէր։ 36#4։36 Ոմանք. ՅովսէսՅովսէփ որ կոչեցաւն Բառնաբաս յառաքելոց անտի, (որ թարգմանի որդի մխիթարութեան,) Ղեւտացի, յազգէ Կիպրացի, 37էր նորա գեղ, վաճառեաց եւ եբեր զգինսն, եդ առ ոտս առաքելոցն։
Currently Selected:
ԳՈՐԾՔ ԱՌԱՔԵԼՈՑ Գլուխ Դ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
