ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ Գլուխ Բ
Գլուխ Բ
ԴԴ.
1Աղաչեմ զձեզ, եղբարք, վասն գալստեան Տեառն մերոյ Յիսուսի Քրիստոսի, եւ մերոյ ժողովելոյն առ նա, 2մի՛ վաղվաղակի խռովել ձեզ ի մտաց եւ մի՛ զարհուրել, մի՛ հոգւով, եւ մի՛ բանիւ եւ մի՛ թղթովք իբրեւ թէ ի մէնջ, որպէս թէ եկեալ հասեալ իցէ օր Տեառն։ 3Մի՛ ոք զձեզ խաբեսցէ եւ մի՛ իւիք իրօք. զի եթէ ոչ նախ եկեսցէ ապստամբութիւնն, եւ յայտնեսցի մարդն անօրէնութեան, որդին կորստեան, 4հակառակորդն հպարտացեալ ի վերայ ամենայնի որ անուանեալ իցէ Աստուած կամ պաշտօն, մինչեւ նստել նմա ի տաճարին #2։4 Ոմանք. Աստուծոյ իբրեւ զԱստուածԱստուծոյ, եւ ցուցանել զանձն թէ Աստուած իցէ։ 5Ո՞չ յիշիցէք զի մինչ առ ձեզն իսկ էի, ասէի զայս։ 6Եւ արդ դուք ինքնին գիտէք զայն որ ունին, յայտնել նմա յիւրում ժամանակի։ 7Զի խորհուրդն անօրէնութեան արդէն իսկ զօրանայ. բայց յայնժամ՝ մինչ ի միջոյ բարձցի որ այժմդ ունի։ 8Եւ ապա յայտնեսցի անօրէնն. զոր Տէր #2։8 Յոմանս պակասէՅիսուս սատակեսցէ հոգւով բերանոյ իւրոյ, եւ խափանեսցէ յայտնութեամբ գալստեանն իւրոյ. 9որոյ գալուստն ըստ ազդեցութեան Սատանայի է ամենայն զօրութեամբ եւ նշանօք եւ արուեստիւք ստովք, 10եւ ամենայն պատրանօք անիրաւութեան ի վերայ կորուսելոցն. փոխանակ զի զսէրն ճշմարտութեան ոչ ընկալան, զի ապրեսցին. եւ վասն այնորիկ առաքեսցէ նոցա Աստուած ազդեցութիւն մոլորութեան հաւատալ նոցա ստութեանն. 11զի դատապարտեսցին ամենեքեան որ ոչ հաւատացին ճշմարտութեանն, այլ հաճեցան ընդ անօրէնութիւնն։
12Այլ մեք պարտիմք գոհանալ զԱստուծոյ յամենայն ժամ վասն ձեր, եղբարք սիրեցեալք ի Տեառնէ, զի ընտրեաց #2։12 Բազումք. զձեզզմեզ Աստուած ի սկզբանէ ի փրկութիւն սրբութեամբ Հոգւոյն եւ հաւատովքն ճշմարտութեան. 13յոր եւ կոչեացն զձեզ աւետարանաւն մերով ի փրկութիւն փառացն Տեառն մերոյ Յիսուսի Քրիստոսի։
14Այսուհետեւ, եղբարք, հաստատուն կացէք եւ պինդ կալարուք զաւանդութիւնսն զոր ուսարուք, եթէ՛ բանիւ եւ եթէ՛ թղթով մերով։ 15Այլ ինքն Տէր մեր Յիսուս Քրիստոս եւ Աստուած եւ Հայր մեր, որ սիրեացն զմեզ եւ ետ մեզ մխիթարութիւն յաւիտենից եւ յոյս բարեաց շնորհօք, 16մխիթարեսցէ զսիրտս ձեր եւ հաստատեսցէ յամենայն բանս եւ ի գործս բարութեան։
Currently Selected:
ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ Գլուխ Բ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
