ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Թ
Գլուխ Թ
ԴԴ.
1Այլ վասն պաշտամանն որ ի սուրբսն է, աւելի է ինձ եւ գրել առ ձեզ։ 2Զի գիտեմ զյօժարութիւն ձեր, զոր վասն ձեր պարծեցեալ եմ ի մէջ Մակեդոնացւոցն, թէ Աքայեցիքն ի հերուն հետէ պատրաստ են, եւ ձեր նախանձն զբազումս յորդորեաց։ 3Եւ առաքեցաք զեղբարսն, զի մի՛ պարծանքն մեր որ վասն ձեր՝ ընդունայն լինիցին ի մասինդ յայդմիկ, այլ որպէս ասէի իսկ, պատրաստագոյնք գտանիջիք. 4գուցէ յորժամ գայցեն ընդ մեզ Մակեդոնացիքն, եւ գտանիցեն զձեզ անպատրաստս, եւ ամաչեսցուք մեք, (զի մի՛ ասասցուք թէ դուք,) #9։4 Յոյնն. ի վստահութեանդի մասինդ յայդմիկ #9։4 Յոմանս պակասէպարծանաց։ 5Արդ կարեւոր համարեցայ աղաչել զեղբարս, զի յառաջագոյն եկեսցեն առ ձեզ, եւ յառաջագոյն պատրաստեսցեն զյառաջագոյն խոստացեալ օրհնութիւնն ձեր ի պատրաստի ունել, այնպէս իբրեւ զօրհնութիւն, եւ մի՛ իբրեւ զագահութիւն։ 6Քանզի #9։6 Ի Յունին պակասէզայդ որ սերմանէ ճշդելով՝ ճշդելով եւ հնձեսցէ, եւ որ սերմանէ առատութեամբ՝ առատութեամբ եւ հնձեսցէ։ 7Իւրաքանչիւր որպէս եւ յօժարեսցի ոք սրտիւ, մի՛ առ հարկի եւ տրտմութեան, քանզի զտուրս զուարթառատս սիրէ Աստուած։ 8Այլ կարող է Աստուած զամենայն շնորհս առաւելուլ ի ձեզ, զի յամենայնի յամենայն ժամ զամենայն բաւականութիւն ընկալեալ՝ առաւելուցուք յամենայն գործս բարութեան, 9որպէս եւ գրեալ է. Սփռեաց եւ ետ տնանկաց, արդարութիւն նորա մնայ յաւիտեան։
ԴԵ.
10Այլ այն որ պարգեւէ սերմն սերմանահանաց, եւ հաց ի կերակուր՝ պարգեւեսցէ եւ բազմացուսցէ զսերմանիս ձեր, եւ աճեցուսցէ զարդիւնս արդարութեան ձերոյ. 11յամենայնի մեծացեալք ամենայն առատութեամբ՝ որ յօրինէն մեւք գոհութիւն Աստուծոյ։ 12Զի պաշտօն հարկիս այսորիկ ոչ միայն առ ի լնուլ զպակասութիւն սրբոցն է, այլ եւ առաւելուլ բազմօք գոհութիւն Աստուծոյ. 13հանդիսիւ պաշտամանս այսորիկ փառաւորել զԱստուած ի վերայ հնազանդութեան խոստովանութեան ձերոյ յաւետարանն Քրիստոսի, եւ առատութեամբ հաղորդութեանն ի նոսա եւ յամենեսին։ 14Եւ նոցա աղօթք վասն ձեր, քանզի անձկացեալ են առ ձեզ վասն առաւել շնորհացն Աստուծոյ որ ի ձեզ։ 15Այլ շնո՛րհք Աստուծոյ ի վերայ անպատում պարգեւացն նորա։
Currently Selected:
ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Թ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
