ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Ը
Գլուխ Ը
ԴԲ.
1Ցուցանեմ ձեզ, եղբարք, զշնորհսն Աստուծոյ որ տուեալ են եկեղեցեացն Մակեդոնացւոց. 2զի մեծաւ հանդիսիւ նեղութեան՝ առաւելութիւն խնդութեանն նոցա, եւ ծանր աղքատութիւնն նոցա առաւել եղեւ ի մեծութիւն առատութեան նոցա։ 3Զի ըստ կարի նոցա, վկայեմ, եւ աւելի քան զկար ինքնակամ 4բազում աղաչանօք #8։4 Յոյնն. աղաչէին զմեզաղաչէին զշնորհսն եւ զհաղորդութիւն պաշտամանն որ ի սուրբսն՝ #8։4 Յոմանս պակասէ, յայլս. ընդունել մեզտալ ցմեզ՝՝։ 5Ոչ որչափ ակն ունէաք, այլ եւ զանձինս եւս ետուն, նախ Տեառն եւ ապա մեզ՝ կամօքն Աստուծոյ, 6#8։6 Յոյնն. յաղաչելն մերաղաչել զՏիտոս զի որպէս սկսաւն յառաջագոյն, նոյնպէս եւ կատարեսցէ ի ձեզ եւ զայդ եւս շնորհս։ 7Այլ որպէս յամենայնի առաւել էք հաւատովք եւ բանիւ եւ գիտութեամբ եւ ամենայն փութով, եւ որ #8։7 Ոմանք. ի ձէնջ ի մեզի մէնջ ի ձեզ՝՝ սէրն է, զի եւ յայդմ եւս շնորհի առաւել լինիցիք։ 8Ոչ որպէս հրաման տալով ասեմ, այլ վասն այլոց փութոյ, եւ վասն ձերոյ սիրոյ զմտերմութիւնդ փորձեմ։ 9Քանզի գիտէք զշնորհսն Տեառն մերոյ Յիսուսի Քրիստոսի, զի վասն ձեր աղքատացաւ որ մեծատունն էր, զի դուք նորա աղքատութեամբն մեծասջիք։ 10Եւ խրատ մի յայսմիկ տամ. զի այն իսկ օգտի է ձեզ, որք ոչ միայն զառնելն՝ այլ եւ զկամելն յառաջագոյն սկսայք ի հերուն հետէ։ 11Բայց արդ եւ զառնելն իսկ կատարեցէք. զի որպէս յօժարութիւնն ի կամաց է, նոյնպէս եւ առնելն ըստ գոյին։ 12Զի եթէ յօժարութիւնն առաջի կայ, ըստ գոյին ընդունելի է՝ եւ ոչ եթէ ըստ չգոյին։ 13Զի ոչ եթէ այլոց հանգիստ #8։13 Ի Յունին պակասէկամիցիմ, եւ ձեզ նեղութիւն. 14այլ հաւասարութեամբ, յայժմու ժամանակիս ձեր առաւելութիւնդ ի նոցա պակասութեանն, զի եւ նոցա առաւելութիւնն եղիցի ի ձերում պակասութեանդ. զի եղիցի հաւասարութիւն, որպէս եւ գրեալ է, 15թէ՝ Որ բազումն #8։15 Ի Յունին պակասէառ՝ ոչ առաւելաւ, եւ որ սակաւն՝ ոչ նուազեցաւ։
ԴԳ.
16Բայց շնո՛րհք Աստուծոյ, որ արկ զնոյն փոյթ վասն ձեր ի սիրտ Տիտոսի. 17զի զաղաչանսն ընկալաւ, եւ փութացաւ յօժարագոյնս #8։17 Ի Յունին պակասէդիմեաց գալ առ ձեզ։ 18Եւ առաքեցաք ընդ նմա զեղբայրն, որոյ գովութիւնն յաւետարանի անդ է ընդ ամենայն եկեղեցիս։ 19Եւ ոչ այսչափ միայն, այլ եւ ձեռնադրեալ յեկեղեցեաց անտի՝ նշդեհակից մեր եղեւ ի շնորհս յայսոսիկ, որ պաշտին ի մէնջ ի փառս Տեառն եւ ի #8։19 Ոմանք. ձերմեր յօժարութիւն։ 20Բայց զայս խղճէաք իսկ թէ գուցէ արատ ոք ինչ դնիցէ #8։20 Յոյնն. յառատութեանսի հաստատութեանս յայսմիկ որ պաշտեցաւս ի մէնջ։ 21Քանզի խորհիմք զբարիս ոչ միայն առաջի Տեառն, այլ եւ առաջի մարդկան։ 22Եւ առաքեցաք ընդ նոսա զեղբայրն մեր զոր ընտրեցաք ի բազում իրս՝ բազում անգամ պինդ գտեալ, եւ առաւել եւս այժմ պնդագոյն՝ յուսով մեծաւ ի ձեզ։ 23Բայց եթէ վասն Տիտոսի ինչ բանք են, իմ հաւասար է եւ ձեր գործակից. եւ եթէ եղբարք մեր, առաքեալքն եկեղեցւոյ եւ փառք Քրիստոսի։ 24Եւ արդ զհանդէս սիրոյ ձերոյ եւ զմերոյ պարծանաց վասն ձեր՝ ի դոսա ցուցջիք յանդիման ամենայն եկեղեցեաց։
Currently Selected:
ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ Գլուխ Ը: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
