ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ Գլուխ Դ
Գլուխ Դ
1 Այսպէս համարեսցին զմեզ մարդիկ, իբրեւ զպաշտօնեայս Քրիստոսի եւ հազարապետս խորհրդոցն Աստուծոյ։ 2Արդ խնդիր է ի մէջ հազարապետաց եթէ ոք հաւատարիմ գտցի։ 3Այլ ինձ եւ այս #4։3 Յոյնն. դոյզն ինչ էանարգանք են՝՝, եթէ ի ձէնջ դատեցայց կամ #4։3 Յոյնն. ի մարդկեղէն օրէ (դատաստանէ)բնաւ իսկ ի մարդկանէ՝՝. նաեւ զանձն իմ ոչ քննեմ։ 4Զի ոչինչ գիտեմ զանձին իմոյ. այլ ոչ եթէ այսու արդարանամ, զի որ քննէն զիս՝ Տէր է։ 5Այսուհետեւ մի՛ յառաջ քան զժամանակն դատիք, մինչեւ եկեսցէ Տէր, որ լուսաւոր առնիցէ զգաղտնիս խաւարի, եւ յայտնիցէ զխորհուրդս սրտից. եւ ապա իւրաքանչիւր գովութիւն եղիցի յԱստուծոյ։
6Զայս, եղբարք, առակեցի յանձն իմ եւ յԱպողոս վասն ձեր. զի ի մէնջ ուսջիք մի՛ ինչ առաւել քան զգրեալսն իմանալ, զի մի՛ այր քան զընկեր հպարտանայցէք ի վերայ ընկերին։ 7Իսկ արդ ո՞վ է #4։7 Յոյնն. որ խտրէնոր քննիցէ՝՝ զքեզ. զի՞նչ ունիս զոր ոչ իցէ առեալ. եւ եթէ առեր, զի՞ պարծիս իբրեւ զչառեալ։
8Արդէն իսկ յագեալ իցէք եւ արդէն մեծացարուք, առանց մեր թագաւորեցէք, եւ երանի թէ թագաւորէիք, զի եւ մեք ընդ ձեզ թագաւորէաք։ 9Ինձ այսպէս թուի թէ զմեզ զառաքեալս յետնորդս արար Աստուած իբրեւ զմահապարտս. զի տեսիլ եղեաք աշխարհի եւ հրեշտակաց եւ մարդկան։ 10Մեք յիմարք վասն Քրիստոսի, եւ դուք իմաստունք ի Քրիստոս. մեք տկարք՝ եւ դուք հզօրք. դուք փառաւորեալք՝ եւ մեք անարգք։ 11Մինչեւ ցայսօր ժամանակի ե՛ւ քաղցեաք ե՛ւ ծարաւեցաք ե՛ւ մերկ գնացաք ե՛ւ կռփահարեցաք ե՛ւ անհանգիստ եղեաք, 12եւ աշխատեցաք ձեռօք մերովք. բամբասէին զմեզ, օրհնէաք. հալածէին, յանձն առնուաք. 13հայհոյէին, աղաչէաք. իբրեւ առակ նշաւակի եղեաք #4։13 Ի Յունին պակասէամենայն աշխարհի, ամենեցուն փարելի լինել մինչեւ ցայժմ։ 14Ոչ եթէ յամօթ ինչ առնելով զձեզ գրեմ զայս, այլ իբրեւ զորդիս սիրելիս խրատեմ։ 15Թէպէտ եւ բեւր դաստիարակս ունիցիք ի Քրիստոս, այլ ոչ եթէ բազում հարս, զի ի Քրիստոս Յիսուս աւետարանաւն ես ծնայ զձեզ։ 16Արդ աղաչեմ զձեզ, նմանողք ինձ #4։16 Ոմանք. եղիջիք, որպէս եւ ես Քրիստոսիեղիջիք։ 17Վասն այնորիկ առաքեցի առ ձեզ զՏիմոթէոս, որ է իմ որդի սիրելի եւ հաւատարիմ ի Տէր. որ յիշեցուսցէ ձեզ զճանապարհս իմ որ ի Քրիստոս Յիսուս. որպէս եւ ամենայն ուրեք յամենայն եկեղեցիս ուսուցանեմ։ 18Որպէս թէ չիցեմ գալոց առ ձեզ, ոմանք հպարտացան։ 19Այլ եկից հուպ ընդ հուպ, եթէ Տէր կամեսցի. եւ ի միտ առից ոչ զբանս հպարտացելոցն, այլ՝ զզօրութիւն։ 20Զի ոչ եթէ բանիւք է արքայութիւնն Աստուծոյ, այլ՝ զօրութեամբ։ 21Արդ, ո՞րպէս կամիք, գաւազանա՞ւ եկից առ ձեզ, եթէ #4։21 Յոյնն. սիրով եւ հոգւով հեզութեանսիրով հոգւոյն հեզութեան եւ արդարութեան եւ խոնարհութեան՝՝։
Currently Selected:
ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ Գլուխ Դ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018
