HAKARIA 12
12
Pa-pamara-ya napa na Yeruhali
1Yiana-ya na lii languna i MIRI na manggàna-ya na Ihirailu. Napanii i MIRI na ma-palàkaru-ya na awangu, na ma-padika-nya na pinu tana, dàngu na mawua-nya luri na tau, 2“Napa kuwunda-ya ba hama kaba wai ma-ihingu angguru-ya na Yeruhali; napa daunu-nya paraï da tana la lihina hi mbembatu - mbembatu-da hama tuna tau ma-maüku. Jàka nggupulu-ya na Yeruhali, pa-nggupulu-mbuha da paraingu la Yahunda da mani-i-njapa. 3Na nyuna jàka jia-yaka na loduna, napa ku-pahama-nya la watu mambotu na Yeruhali; nggàra banjaru biaya na ma-kamangu padanda-nya napa na-hanggàmaru. Mbuu ndàba da banjaru la pinu tana napa da-pambulungu pa-kaluluku-nya na Yeruhali. 4La lodu nuna ku-pambingu-ha mbuu ndàba da njara tàka da da-makaliti-ha ku-pakatoba-ha, kudaiha napa da ma-ngiangu la Yahunda, tàka mbuu ndàba da njara muhuna ku-papoki-ha. 5Hàla ka panii-danyaka da kalibaru Yahunda la eti, ‘I MIRI Hupu Mambiha-maka na mawua-nya kapàru na banjaru-na na ma-ngiangu la Yeruhali,’ wàda.
6Da kalibaru Yahunda la lodu nuna ku-pahama-nja la epi daa la pabundu ai mutungu jàka ndia la hulu maroka la lumbuda da paingu uhu nggàndumu; napa da-patalàru-ha da banjaru la winggiru-da. Tàka da ma-ngiangu la Yeruhali napa da-ndàdiku pa-daingu dàngu mambiru-da la kuru paraingu.
7Napa Nyungga MIRI, ku-patalu mangilu-ha da tanatara Yahunda, màtawa na tembi pangala-da da ana umbuku-na i Ndautu dàngu na mangia-nya na Yeruhali ka àmbu narihi welingu la tembi pangala-da da mangia-nya na Yahunda hawiangu. 8La lodu nu napa kuopa-nja da mangia-nya na Yeruhali; tàka na ma-maluputu halawàla la hongada, napa dahama kapàru-nya i Ndautu. Napa da-kapipi-ha paraï ana umbuku-na i Ndautu, hama tuna paraï papalewa-nggu, jiapa hama tuna paraï-nggu Nyungga wiki-mbuipa. 9Napa la lodu nuna ku-patàlaru-ya nimbihu biana na banjaru na ma-kamangu pa-kaluluku-nya na Yeruhali.
10Tunaka nu napa kuwua-nja eti ma-panamungu dàngu ma-mbuhangu pahamayangu da ana umbuku-na i Ndautu dàngu da mangia-nya na Yeruhali. Napa nyuda da-tàngaru-ya nyuna na pakoja-da hi dahiinya hama tuna tau mahiingu ana kamehangu mameti. Napa da-paduduru-nya wàngu làjaru etida hama tuna tau ma-mbulangu kawunga anana. 11Napa la lodu nu na-padudurungu dira matiki la Yeruhali, hama tuna ba paduduru-nya na Handàtu-Rimungu#Handàtu-Rimungu; Talànga wanguna yiana jiaya na tamuna na marapu Mbaàlu, na marapu ngara matumbu-ka la Kanaàngu dàngu la Hiria. Jàka dameti da ngara matumbu-ka la wula maringu da kakaya paraï da malumu-nya na Mbaàlu, ba meti-mbunanya na Mbaàlu, wàda hi dahiinya. la Lolangu Manggindu. 12-14Hàla hi hau hii - hau hiida nimbihu-da da kalibaru la tana nuna; kalibaru ana umbuku-na i Ndautu, kalibaru ana umbuku-na i Natàngu, kalibaru ana umbuku-na i Lewi, kalibaru ana umbuku-na i Himei, dàngu mbuu ndàbada da kalibaru hawiangu. Nimbihu kalibaru hau hii - hau hii-mada napa, dàngu napa da tau mini la nimbihu kalibaru hau hii pa-mehangu-mada welingu la kawini - kawini,” wàna.
Currently Selected:
HAKARIA 12: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
