PILEMUNGU 1
1
1Angu dedi Pilemungu, angu mbuha dàngu angu ramama! Nyungga, Paulu, haàtu tau pa-tahangu lumuna i Karitu Yehu, anguma dàngu na angu dedinda i Timutiu, ma-tulihu-ya na huratu yiana lai nyumu 2dàngu na kabungguru na ma-pauhi la umamu; dàngumbu na anawini-nda i Àpia dàngu na angu parukangu-nda i Àrakipu.
3Ma-monungu nyuma mili àru i Ala Amanda dàngu i Miri Yehu Karitu ka nawua-nggau kanyuru dàngu mànjaku nyumu.
Na mbuhangu-na dàngu na pawaina i Pilemungu
4Nimbihu-na ba ku-hamayangu nyungga, kutiki-ya na tamumu Angu dedi dàngu ku-pamalangu-nya i Ala. 5Nadu ba kurongu bau pawai weli etimu lai Miri Yehu dàngu bau mbuha ndàbanya na banjaru-na i Ala. 6Ku-hamayangu mili àru na paangu dedingu-nda ba kawàra tau pawaita ka na-pawiti-nya napa napi hàmu-ndanya mbuu ndàba na kanyuru na pamangu-nda rukuna ba ta-pambulungu lai Karitu. 7Angu dedi Pilemungu, nambuha-munya mbuu ndàbana na banjaru-na i Ala, na-panggaüru-ya na etinggu dàngu na-titiru-ka nyungga! Mbuu ndàbana na banjaru-na i Ala da-nggaüru ndàba da etida rukumu nyumu.
Na lii kamahingu ndumana i Onihimu
8Jia ba tuna, ba tau ma-paangu dedingu-ta hi hau pawai-anda, kutoru mbeni-maka duku làti pa-pareta-kau Angu dedi, la pa-palaku-ya jàka nggàra-yaka bàdi na pa-palaku-mu Angu dedi. 9Tàka ba kumbuha-nggau Angu dedi, kuwàngu pakarai-akau duku. Nyungga yia ma-kaweda-ka#ma-kaweda-ka; jàka ndia: wunangu-na i Yehu Karitu-ka. dàngu nàhu pa-tahangu-ka la uma kapàtangu lumuna i Karitu Yehu. 10Nyungga, Paulu, ku-jakaru-nggaunya na hau na pakarai-nggu lai nyumu, na ngerana i Onihimu, na ananggu rukuna i Karitu. Nadu lai yia la uma kapàtangu, ama pangahu-nanggaka nyungga. 11Àmangu nyuna nda ningua linguna lai nyumu, tàka nàhu ninguka linguna, nda mbulungu biana lai nyumu, tàka lai nyunggambu.
12Nàhu nana na tau na pambuha-nggu ku-pangàndi belinya lai nyumu. 13Làti duna pàtu-nggunya, ka ninguki angunggu wànggu-maka làti, ka nahilu-kau nyumu, ka na-pambapa dàngga, ba talànga la uma kapàtangu-ka yia ruku bobaru-ya na Lii Mànangu welingu lai Ala. 14Tàka nyungga nda ku-mbuhangu patunggu nu jàka ndedi mu-patunju-ya nyumu. Kurihi mbuha-nyapa jàka wàngu eti-mamu dumu bau wundaya nuna; nda ku-mbuhangu-a duku pa-pambana-kau.
15Talànga wanguna i Onihimu na-pahewa dànggau ana hawutu Angu dedi, ka peku ngala beli-munya lundu nu - nu. 16Nàhu nyuna nda mbulungu ata bia-yapa lai nyumu; narihi-pa welingu lai nu. Nàhu nyuna angunda patau Karitu pa-mbuhangu-yaka. Nyuna nalingu ailulu lai nyungga, ka narihi-aipa duna lai nyumu! Tuba lingu langatàka-mana ka ba ata-yakai malai ba haàtu angu dediya lai Miri!
17Jiaduya nu Angu dedi, bau rekika nyungga ba angu hama tau Karitu-mungga, nggepi beli-yawa i Onihimu, beri hama nggepi-mungga nyungga Angu dedimu. 18Jàka ningu panjala-na jàka ndia pawuta-na lai nyumu, màta nyungga duku matanggu ndàbanja. 19Na, màta ka ku-tulihu wiki-manggunya yiana: Nyungga, Paulu, napa ku-hiulu hàla-maha duku mbuu ndàbada. (Nda kujàra-a pa-panamu-nggau nyumu ba ningu wutamu lai nyungga, nu na lurimu na mabidi ba tau Karitu-kau.) 20Jiaduya nu, lumuna i Miri kamangu àru làti kau tulungga, pa-nggaüru-kiya na etinggu ba angu dedi-madunda lai Karitu.
21Hi ku-tulihu-ya na huratu yiana nadu ba na-màndungu-du la etinggu, bau patutu-nya napa na pakarai-nggu. Dàngu kupi-manya bau pa-rihingu-mbuipa welingu la pakarai-nggu. 22Ba talànga tuna nu, màla àru kau rimangga pangia-nggu la umamu, nadu ba monungu-manggunya ba nahema-ya i Ala na hamayangu-mi Angu dedi mbuu ndàbami tàka hi na-karia belingga nyungga lai nyimi.
Na lii malangu la njàpuna
23I Epàparàhu, na maninya la uma kapàtangu angunggu nyungga lumuna i Karitu Yehu, malangu-na wànanggau. 24Nggepi-mbuha da lii malangu-da da angu ràmanggu: i Màruku, i Aritàruku, i Ndemàhu dàngu i Lukahu.
25Mili àru i Miri Yehu Karitu ka na-pakanyuru-nggai mbuu ndàbami.
Na lii patembi-ma nyuma, Paulu
Currently Selected:
PILEMUNGU 1: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
