OMBANJA 1

I MIRI napa nahuku-nya na Endumu

1Yiana-ya na manyura-na i Ombanja; na-patàka-nya na lii languna i MIRI Hupu Majangga rukuna na banjaru Endumu:

I MIRI na paràhangu-ka papalewa-na la ba - banjaru, tàka nyuta mbàda rongu-danyaka na lii langu pangàndi-na, “Hawàritu-wa pa-pabera! Màla-ndawa talua pa-kaluluku-nya na Endumu,” ba wàna. 2Tàka i MIRI napanii-nya na Endumu, “Napa ku-palamanga-kau, hi na-pawawa-kau paraï mbuu ndàba banjaru. 3Nyumu na-panyonga-kau paraïna eti ngànjangu-mu. Na parai puhu pareta-mu watu ma-kapingatu-ya; na ngia pa-ngiangu-mu la pinu palindi janggaya. Tuna nuduka, nggamu ma-duluku pa-punggilu-ka? hi wàmu la etimu. 4Jiapa-kai kau wulu umamu la majangga hama jangga hibu mbaku dàngu hama janggada da kandunu la awangu ku-duluku-ma pa-nyungguru-ya.

5Na ma-manganga jàka ndia na ma-rambangu namai la rudungu, napiti pambuha-ana. Na tau mapàpu wua angguru la woka, nabii mànu-mapa hakudu. Tàka nyumu napa dawari pambuta-kau muhumu. 6Ha ana umbuku-na i Ehaü, pa-linggaru-kau tàka hi hakoputu-ha da banda da malanja-mu la ma-kawiningu. 7Nyumu dalapi-kau paraï da angu pakuhingu-mu, dàngu hi wànggakau welingu la tanamu. Da-pakàku-kau paraï da kandua-mu, na-kahili-kau tau angu ngangumu. Da-paà - àrangu rukumu nyumu, ‘Nggihaka nàhu da pinguna?’ wàda.

8La lodu huku-nggunya na Endumu, ku-patàlaru-ha da tau manggàna-na. Tàka hi da-molungu mbuu ndàba da manggàna-da nda dabingu-a kaweida. 9Da mini mbeni hanggangu welingu la Temàngu napa da-mangàdatu, tàka da panjuri Endumu, napa dameti mbuta,” wàna.

Da ma-pawitingu hi kiri hukunya na Endumu

10“Lalu mbana etikau la angu dedimu#angu dedimu; Da tau Ihirailu ana umbuku-na i Yakupu-ha, na erina i Ehaü. I Ehaü jiaya na kawunga bokuna na banjaru Endumu. da wàla wuana i Yakupu. Rukuna nuna-duka napa hi pa-talàru-kau hi na-paaka-nggau tau lundu nu - nu. 11Bau ndolaku marau bia nyumu, la lodu tumburu-nanya muhu na pindu Yeruhali dàngu ba dabera-ya nuna na paraingu. Ndii wàmu bia nyumu ba palaü ndàbanja da pawulu-na na Yeruhali dàngu ba da-paberi-nja dua wikida. Nyumu hama akatu-munja nuda da muhu. 12Nda na-paàndangu-a bau mbaha eti rukuna na ura dedina na tau Yahunda dàngu bau hawola la lodu tàlaru-na na angu dedimu. Nda na-patubangu-a bau abungu la rehi handuka-na. 13Nda ràka-ana bau tamanya na paraingu-na na banjaru-nggu, hiu kayaka-nja da tau ma-talànga mayila-da, ri - rihi la paramba-nja da malanja-da la lodu ura dedida! 14Ndaràka-ana bau ndolaku la pa-hamburu ànda, pahapa-ha da tau mapalai welingu la muhu, jàka ndia hiu wuaha la papada la lodu nggàna-naha handuka,” wàna.

I Ala napa na-patanda-nja ngera da banjaru

15“Langatàka mareni-nanyaka na rehina, Nyungga, MIRI, la pa-patanda-nja ngera da banjaru. Jàka nggàraya na-pawunda-na na Endumu napa pa-pahimbalungu-ya lai nyuna. Napa napàda-mbunya nyuna jàka nggàraya na pambàda wundana. 16La pinu palindi matua-nggu#palindi matua-nggu; (tàngaru-ya la kalokatu hilu). mbàda ngunungu-manaka na banjaru-nggu pa-ngunungu ma-paninu wai maü maranya na hukungu-na. Tàka na pa-ngunungu ndumada da banjaru la pinu tana yiana narihi paitapa. Nuna na hukungu nda da-ngalangu-a pa-hinggilu-nya. Lupangu-ma daunu panjàpu-ya, ka molungu-danyaka hi nda ningu kawei-da,” wàna.

Na taluna na Ihirailu

17“Tàka la Palindi Hiungu, napa ningu mamara, dàngu nuna na palindi nanjadi-ya pa-ngiangu tudanggu Nyungga. Tàka da wàla wuana i Yakupu dangala belinya na tana kangeha-da. 18Napa na banjaru-nggu na Ihirailu hama epi ma-pakehi pambuta-ha da wàla wuana i Ehaü, hama epi ma-pakehi pambuta rembi la wokaya. Nda haàtu-a napa wàla wuana i Ehaü, mamara. Nyungga, MIRI mambàda panii!

19Da tau Yahunda mbara luru napa da-mandapu-nya na Endumu. Da tau welingu la palindi la patama lodu napa da-pakàku-ya la ngabana na tana Pilitingu. Na kabihu Mbanyamingu napa na-mandapu-nya na tana Nggiliatu, dàngu na Ihirailu na banjaru-nggu napa na-kawaha ndàbaya la Epuraïmu dàngu la Hamaria. 20Na tau Ihirailu mbara dia napa dabeli welingu la tanawangu hi da-mandapu-nya na Pinihia lundu la Hàrapàtu. Da tau Yeruhali pa-tanawangu la Haràndi, napa dabeli hi damangu-nja da paraingu la mbara luru Yahunda. 21Na ma-mandapu-nya na Yeruhali matalu meha napa da-kaluluku-nya na Endumu hi dabera-ya. Tàka Nyungga MIRI napa ku-pareta ba Hanganji-ka,” wàna.

Currently Selected:

OMBANJA 1: KAM

Highlight

Compare

Copy