DIHA 34
34
Da padira-na nuna na tana
1I MIRI nawua-ha lai Muha 2da pareta yiada nduma banjaru Ihirailu, “Nda nggi tuu-anapa mandaina, tama-minyaka napa na tana Kanaàngu, na tana pawua-nggunggai nyimi ka tana kangeha-minya. Tuna nu da padira-na nu na tana. 3La mbara luru, na padira na-pakiringu welingu la maràda telangu Njingu na-pipitu la padira-na na Endumu. La pahunga lodu na padira na-pakiringu welingu la hupu mbara luruna na Tehiku Meti, 4hi namangu pa-wikitungu hu luru hanggangu la Ànda Àkurambimu hi na-pangalangu la Njingu lundu hu luruya la Kandihu-Mbarania. Welingu lai nu na-wikitungu hanggangu la patama lodu na nyuna na-paharitungu hu dia lundu la Hahàru-Andàru, dàngu na-pangalangu la Àhumungu. 5Lai nu na-wikitu hanggangu la lolangu la padira-na na Mehiru, hi mangupa la Tehiku Padua-ya na hupuna.
6Na Tehiku Padua jiaya na padira tanami la patama lodu.
7Mbara dia, na padira na-pakiringu la Tehiku Padua hanggangu la Palindi Hòru 8dàngu welingu lai nu hanggangu la Ànda Hamàtu, hi namangu pa-pangalangu la Hendàtu, 9dàngu la Hipurungu hi la Hahàru-Enàngu-ya na hupuna.
10La pahunga lodu na padira na pa-kiringu welingu la Hahàru-Enàngu hanggangu la Hepàmu. 11Welingu lai nu na-kamburungu la Ripula la pahunga loduna na Aïngu, hi namangu pa-pangalangu la tandula - tandula la hingi pahunga loduna na Tehiku Nggalilia, 12hi namangu pa-hanggangu hu luru namatu-ya na Luku Yorundangu lundu la Tehiku Meti.
Nunaya na tanami pa-namatu-nja da padira la winggiru-na,” wàna.
13Ka panii-nanyaka na banjaru Ihirailu i Muha, “Yiana duyaka na tana na pangala-mi napa ba wàngu patunya undi, na tana pa-paberingu la hiwa paradua kabihu Ihirailu ba wàna i MIRI la hupu liina. 14Da kabihu Rumbingu dàngu Nggàtu dàngu na beri mandua-na na kabihu Manahi mbàda ngalangu-daka ndumada dàngu mbàda pabe - beri-danyaka nuna na tana la bi - biliku-da nyuda. 15Na tana kangeha-da nyuda la pahunga loduna na Luku Yorundangu-ya, la lihina na paraingu Yeriku,” wànanja.
Da liku uru da pa-wuangu wai ngera pa-paberi-nya na tana
16I MIRI napanii-nya i Muha, 17“Jiaha i Ratu Eliahàru dàngu i Yuhua anana i Nunguma bàdi da ma-paberi-nya na tana lai nyimi. 18Patuji-mbu haàtu liku uru welingu nimbihu kabihu la pa-pambapa-danja i Eliahàru dàngu i Yuhua ba pabe - berinya na tana,” wàna. 19-28Da tamuda nuda da tau jiaha:
| Kabihu | Liku Uru |
|---|---|
| Yunda | i Kalipu anana i Yapuni |
| Hamiungu | i Hamuilu anana i Amihutu |
| Mbanyamingu | i Elindàtu anana i Kihilongu |
| Ndàngu | i Mbuki anana i Yòkuli |
| Manahi | i Hanialu anana i Eputu |
| Epuraïmu | i Kamuilu anana i Hiputàngu |
| Hembulungu | i Elihapàngu anana i Parana |
| Ihakàru | i Pàlatialu anana i Ahàngu |
| Ahiaru | i Ahihutu anana i Helomi |
| Nàputali | i Pandaïlu anana i Amihutu |
29Nudaha da tau da pawua-na pareta i MIRI la pa-paberi-nya na tana kangeha-na na banjaru Ihirailu la tana Kanaàngu.
Currently Selected:
DIHA 34: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)