DIHA 2
2
Na pangia nimbihu kabihu la ngia pa-pamaüngu
1I MIRI napanii-nya i Muha dàngu i Harungu, 2“Ba na-pahadangu ngia pa-pamaüngu na tau Ihirailu, nimbihu-na na tau lupangu-ma nawulu maüna la winggiru penji juru-mana dàngu na tanda kalibaru-mana duna. Nggubulu-na na ngia pa-pamaüngu lupangu-ma ka wuluya la winggiru-na na Maünggu, tàka na-harangu maraunya hakudu,” wàna.
3-9La pahunga lodu, na pamba na ma-pakiri la penji juru Yahunda lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pa-ndàkingu-da:
| Kabihu | Liku Uru | Na danguna na tau |
|---|
| Yahunda | i Nahahungu anana i Aminandàpu | 74.600-ya |
| Ihakàru | i Netaneyilu anana i Huaru | 54.400-ya |
| Hembulungu | i Eliapu anana i Helungu | 57.400-ya |
| Nggubulu-da: | 186.400-ha |
Na juru Yahunda lupangu-ma na-hadangu mangilu.
10-16La mbara luru, na pamba na ma-pakiri la penji juru Rumbingu, lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pandàkingu-da:
| Kabihu | Liku Uru | Na danguna na tau |
|---|---|---|
| Rumbingu | i Elihuru anana i Handiuru | 46.500-ya |
| Hamiungu | i Halumialu anana i Hurihandai | 59.300-ya |
| Nggàtu | i Eliyahàpu anana i Rehuilu | 45.650-ya |
| Nggubulu-da: | 151.450-ha |
Na juru Rumbingu lupangu-ma na-hadangu la padua juru wàda. 17Hàlaka nu, la padua pamba Ihirailu nggubulu-na nalaku na kabihu Lewi ba dàngu duku-danya na Maüna i MIRI. Hama tuna ba da-pamaüngu tuna numbu na lakuda, nimbihu-da la pangia-mada duda tundu-nya na penji-mada.
18-24La patama lodu, na pamba na ma-pakiri la penji juru Epuraïmu lupangu-ma da-pahadangu maüda pa-namatu-nya na pamba dàngu na liku uru-mada nimbihu-da, ba tuna yia na pa-ndàkingu-da:
| Kabihu | Liku Uru | Na danguna na tau |
|---|---|---|
| Epuraïmu | i Elihama anana i Amihutu | 40.500-ya |
| Manahi | i Nggamalialu anana i Pandahuru | 32.200-ya |
| Mbanyamingu | i Ambindàngu anana i Nggindioni | 35.400-ya |
| Nggubulu-da: | 108.100-ha |
Na juru Epuraïmu lupangu-ma nalaku la ndutuna na kabihu Lewi. 25-31La mbara dia, na pamba na ma-pakiri la penji juru Ndàngu lupangu-ma da-pahadangu maüda pa-namatu-nya na pamba dàngu na liku uru-mada nimbihu-da ba tuna yia na pandàkingu-da:
| Kabihu | Liku Uru | Na danguna na tau |
|---|---|---|
| Ndàngu | i Ahiyehiru anana i Amihandai | 62.700-ya |
| Ahiaru | i Panggialu anana i Okuràngu | 41.500-ya |
| Nàputali | i Ahira anana i Enàngu | 53.400-ya |
| Nggubulu-da: | 157.600-ha |
Na juru Ndàngu na-hadangu pa-malamiri dehingu. 32Nggubulu-na na banjaru Ihirailu na pambàda tulihu la ju - juruna pa-namatu-nya na pambada nimbihu-da, 603.550-ha danguda. 33Hama tuna na pareta-na i MIRI na pambàda paniinya i Muha, nda pa-tulihu pa-papohu-anja da tau Lewi la tau Ihirailu hawiangu.
34Ka pahàra-danjaka tau Ihirailu mbuu ndàbana na pareta-na i MIRI lai Muha. Nimbihu-da da pa-maüngu la winggiru penji-mada duda, dàngu ba da-hadangu da-panamatangu la kalibaru dàngu la biliku-mada duda.
Currently Selected:
DIHA 2: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)