PARATU 12
12
Na lii payaha-nya na kawini na mahàla pa-habola
1I MIRI nawua-nyaha i Muha da kalaratu yiada 2nduma banjaru Ihirailu. Jàka era ningu haàtu kawini ma-habolangu, anakeda mini, pihu mbua lodu mandaina na-iraku-na nuna na kawini, hama-mana ba talànga tàka-nanya ariyaa-na. 3La lodu pawalu wàna lupangu-ma kàriya na anana. 4La hambeli-na nu, tailu kambulu tailu mbua lodu-manapa na iraku-na nuna na kawini, nadu ba ningu-dupa ria maluhu. Nda ukua ka na-jonggaru jàka nggàraha da pawàngu ba lumungu dàngu nda ukua ka natama-nya na Maüna i MIRI lundu na-lundungu na rehina na paili-ya.
5Jàka era ningu haàtu kawini ma-habolangu anakeda kawini, hakambulu patu mbua lodu mandaina na iraku-na nuna na kawini, hama-mana ba talànga tàka-nanya ariyaa-na. La hambeli-na nu, nomu kambulu nomu mbua lodu-manapa na iraku-na nuna na kawini, nadu ba ningu-dupa ria maluhu. 6Ba na-lundungu-ka na rehina na paili-ya ka la hambeli habolangu-na anakeda mini, ka anakeda kawini-kai, nuna na kawini lupangu nangàndi maraku bàdi la ratu la pindu Maüna i MIRI. Nuna na hunggu maraku, heu ana mbimbi na mahau ndauna nduma kameti maraku patunu, dàngu heu kulundiha kanguraku jàka ndiakai heu mbàra kanguraku nduma kameti maraku jàmangu njala. 7Lupanguma na ratu na-huharu-nya nuna na hunggu maraku-na lai MIRI dàngu ka na-paloku-ya na lii ndumana la pa-podahu-ya na iraku-na nuna na kawini, ka naili. Jia-duyaka nuna bàdi na pa-paloku-na na haàtu kawini ba nahàla pa-habola.
8Era nda namàka nuna na kawini la paningu ana mbimbingu, lupangu-ma nangàndi dua ngiu kulundiha kanguraku jàka ndiakai mbàra kanguraku: heu nduma kameti maraku patunu tàka na heui nduma kameti maraku jàmangu njala. Lupangu-ma na ratu na-paloku-ya na lii nduma la pa-podahu-ya na iraku-na nuna na kawini, ka naili.
Currently Selected:
PARATU 12: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
