YUNUHU 4
4
Na hoputu-na i Yunuhu dàngu na-paaïngu-na i Ala
1Nda ana mbuha ndoku-ananya na matungu nu i Yunuhu; jiapa pa-hoputu-wa-kina-nyaipa. 2Hi na-hamayangu, “Ou MIRI, ka nda mbàda panii-anggu yia nana ba ndedipa ku-hadangu welingu la umanggu, ba jiangu-ma tuna yia na pawunda-mu? Tuna nu duka hi ailulu palai-manggunya la Hapanyulu! Kupi-manggau ba Ala ma-paaïngu dàngu ma-panamungu-kau, ma-lerangu eti, ma-malijangu ju - juakau dàngu ma-ehingu mànu pa-panjilu-nya na pawuku-mu la pa-hukungu. 3Nàhu, MIRI, màta kumeti-biawa, ba narihi hàmupa ka kumeti welingu ba kuluri,” wàna.
4Nahema i MIRI, “Nda ningua latana lai nyumu ba hoputu tumu nu,” wànanya.
5Tunaka nu laku-nanyaka i Yunuhu la tuba pahunga loduna na paraingu, hi na-ngiangu lai nu. Nawulu hau maü hi namaü ningu la lumbuna, hi na-patiangu jàka nggàra matàka-nya napa na paraingu Naniwa. 6Ka patumbu-nanyaka paraïna i MIRI Ala na-hareti ai ma-làmbatu ma-pamaü-nya i Yunuhu hi nahàmu na etina. Langatàka dira mbuha-nanya nuna na matumbu i Yunuhu. 7Tàka hadangu harii la mbaru hada rudungu, na-pawiti-nya paraïna i Ala hi nanganya heu ngeli na amuna na ai, hi lupa na-malaï. 8Ba nahunga-ka na lodu, na-patàkangu ngilu mbana i MIRI ma-hapuputu welingu la pahunga lodu. Natika pameti widi i Yunuhu ba nanggàna-ya hambàti mbana lodu ba hama tuna patunu-ya na katiku-na. Ka mbota monungu-nanyaka hi na-rinjungu pameti. “Narihi hàmu-kipa ka kumeti welingu ba kuluri!” wàna.
9Tàka napanii i Ala lai nyuna, “Nda ràka-ana ba hawina tumu nu rukuna na ai nana!” wànanya.
Nahema i Yunuhu, “Ka nggikina hi nda ràkana? Ràka-mana duku jàka na-karaü halawàla na etinggu lundu metinggu,” wàna.
10Hi napanii-nya paraïna i MIRI, “Yiana na ai la hau rudungu-a ba natumbu, dàngu na-malaï la hili hau waihangu; nda hakudu-a na-patumbu-munya jàka ndia na-kabubulu-munya. Jiapa-kai ba tuna uhawina-wa bianya ba na-malaï. 11Nggiki nda hawina bianggu Nyungga napa ba kupangàda-nya na Naniwa na paraingu bokulu. Nadu hinggilu-da da bandana da panda taü padiha-ha, lai nu nimbunja ba 120.000 rihida da anakeda da mandedi pingu paheka-nya na mahàmu dàngu na ma-akatu,” wànanya.
Currently Selected:
YUNUHU 4: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
