YUNUHU 2
2
Na hamayangu-na i Yunuhu
1Welingu la kambu iyangu nuna, na-hamayangu i Yunuhu lai MIRI na Alana,
2“Ou MIRI,
la handuka-nggu kuwara-nggau
Nyumu hiu hemaka nyungga.
Welingu la pangia tau meti kukarai pa-ndulangu,
urongu dàngu utanaü-ya na pakarai-nggu.
3Ukawuka-ngga la pangia ma-manjolungu,
lundu la lata kurunduu.
Lai nu na-winggiru-ngga arihu wai,
na-ndakilu-ngga ngalingu nda najaru.
4Mbàda wàngga-nanggaka i MIRI welingu la hanggana,
nda jia hili ita-anggu-nyapa
na uma matua ngia pa-ngiangu-na,
wànggu ba kupanii la etinggu.
5Nahei lundu la tàda ngarunggu na wai tehiku,
na-lumburu-nya tehiku lerangu na ihi-ngguka,
nawindu-ya raü tehiku na katiku-nggu.
6-7Ku-linjungu lundu la lata palindi,
la pangia ma-paràpitungu pindu bokulu-na lundu hupu njàpu rehi.#la pangia ... rehi; jiaya na pangia tau meti na palaana.
Naonja nanjili na ndewanggu daa la wikinggu,
hi ku pangàda dàngu hi kuwara-nggau.
Ka lundungu-nanyaka na hamayangu-nggu lai Nyumu,
daa la Uma nggi matua-mu.
Hiu padita-ka welingu la unu tehiku,
ou MIRI Alanggu!
8Hapajia-ha da ma-lumungu marapu manda lingu,
da-dunjaku-nggau dàngu nda da-tuturu-apa.
9Tàka nyungga duku napa kuludu-nggau
ludu wotungu dàngu kuwotu-nggau kameti maraku.
Mbuu ndàba da njanjinggu ku-pahàra-nja napa.
Nyumu MIRI ma-pamànangu-kau,” wàna.
10Tunaka nu, la hupu liina i MIRI, namuta-nya la mara i Yunuhu paraïna nuna na iyangu.
Currently Selected:
YUNUHU 2: KAM
Highlight
Share
Compare
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
