YERIMIA 50
50
Na njoruna na Mbambilu
1Yianaya na lii languna i MIRI lai nyungga ngerana na paraingu Mbambilu dàngu na ma-mandapu-nya, 2“Jakarungu-wa tanda dàngu pakada-nya la ba - banjaru ba mbàda njoru-naka na Mbambilu! Àmbu kàpi-dunya nuna! Na Marondàku na marapu-na pa-palàjaru-yaka, da kahala hadana da ma-hawàli pabera bàbaru-haka, hamanai da marapu-na pa-pawawa halawàla-ha.
3Na hau banjaru weli diangu napa nàmunya la pa-kaluluku-nya na Mbambilu dàngu na tana nuna napa natuya marada bulu. Na tau dàngu da banda palai-danyaka napa, dàngu nda hilu ningu-apa ma-mbuhangu pa-ngiangu lai nu,” wàna.
Na belina na Ihirailu
4Napanii i MIRI, “La rehi nuna da tau Ihirailu dàngu Yahunda damai pa-kariangu dàngu hiida, dahimbu-ka Nyungga, Alada. 5Napa da-paàra-nya na ànda hanggangu la Hiungu, hàla hi dalaku hanggangu lai nu. Napa nyuda datuu pa-ràndingu ma-palupangu dàngu Nyungga, dàngu hi da-pamàndu pangala-manya.
6Na banjaru-nggu beri hama mbimbi pa-màtangu-ha ka da-njàrangu la ma-palindingu paraï da ma-pawangu. Hi da-njadangu welingu la hau palindi laku la hau palindi dàngu nda dahilu pinyapa nggiya na umada. 7Pa-nàhaku dàngu pa-pamayila-ha nyuda paraï mbuu ndàba biana na ma-hàmburu-ha. Dapanii da muhu banjaru-nggu, ‘Nggàraya na pawunda-nda, nda nanjala-a, nadu nyuda ba njala-mada-nyaka lai MIRI. Da boku la mangilu-da dawaiya i MIRI, làti da-tuturu mànu-maka bàdi lai Nyuna,’ wàda.
8Ha banjaru Ihirailu, palaiwa welingu la Mbambilu! Nyimi-maka bàdi malaku mangilu, ka namangu pa-pandutungu hawiangu. 9Napa Nyungga ku-pauhingu ba hau dada da banjaru ma-kapàru weli diangu, ka da-kaluluku-nya na Mbambilu. Napa da-wandalu-ha da pajurungu-da la palawa-nya na Mbambilu hi datalu-ya. Bai mini pana mahupu màhi-maha, da panada ndedi da handàkangu-ma panjala. 10Na Mbambilu napa pa-rambangu-ya, tàka da tau da ma-rambangu napa àtalu eti-biada-ka papiti hàlaya. Nyungga, MIRI, mambàda panii,” wàna.
Na njoruna na Mbambilu
11Napanii i MIRI, “Ha tau Mbambilu, nyimi miramba-nya na banjaru-nggu. Punduhu - punduhu-mi paraï pa-hawola hama tuna njara makangii, dàngu hama tuna hapi ma-talànga niti rumba. 12Tàka napa banjaru manda ana tama la diha-makaika nyimi la honga mbuu ndàba banjaru. Jiapa na paraingu-mi na ma-bokulu pa-pawawa dàngu pa-pamakia mbuya napa. Na tanami napa nanjadi-ya maràda telangu mabulu dàngu mamàdu. 13Rukuna ba kuhangga-nya, napa nanjadi-ya kanànda na Mbambilu dàngu nda ningupa mangia-nya. Mbuu ndàbada da mali ningu lai nu napa da-katàtaku dàngu da-mangginggitu.
14Ha dimi mini pana! Wandalu-ya na pambami la pa-nggupulu dàngu la pa-kaluluku-nya na Mbambilu. Patàngi pahangga ndàbanja la Mbambilu da ana panami, ba mbàda njala-dunaka lai Nyungga. 15Wara-nyawa na warangu pabera la weli winggiru-na na paraingu! Nàhu nyàku-nanyaka na Mbambilu. Da kangeli-na pa-tumbuku-haka dàngu hi nyungguru-ha. Talànga tungu-nggunya hiluma hanggangu la Mbambilu. Jia ba tuna paluangu limami lai nyuda hama tuna nyuda ba da-paluangu limada la tau hawiangu. 16Àmbi pahia-nya na tau pa-tondungu jàka ndia pamuti la tana nuna. Mbuu ndàbada da tau nàmu da ma-ngiangu lai nu napa dabeli la tanada, nadu ba da-mangàdatu-nya na tanatara na mamai pa-kaluluku,” wàna.
Na Ihirailu beli-nanyaka
17Napanii i MIRI, “Na tau Ihirailu hama tuna kabàba mbimbi pa-kehangu dàngu hi na-weharu paiha-nja paraï hinga. La kawunga-na nyuda na-kaluluku-nja paraï hanganji Ahuru, hàla i Nembukatunehàru hanganji Mbambilu na ma-pànggitu-ha da riida nyuda. 18Kirina nuna-duka, Nyungga, MIRI Mahupu-mbiha, Ala Ihirailu, napa kuhuku-nya i Hanganji Nembukatunehàru dàngu na paraina hama tuna ba tunggu nu ba kuhuku-nya na hanganji Ahuru. 19Napa ku-pabeli-nya Nyungga na tau Ihirailu la paraida. Napa nyuda dangangu welingu la ihina na tana la Palindi Kàramilu dàngu la ngaba Mbahàngu. Napa nyuda pa-pambihu-ha wàngu ihi tana ngaba Epuraïmu dàngu Nggiliatu. 20La rehi nuna na Ihirailu dàngu Yahunda napa yahangu-danyaka welingu la njala, nadu Nyungga napa ba kujàma-dunja njalada da tau pambàda pamara-nggu. Nyungga, MIRI mambàda panii,” wàna.
Na hukungu-na na Mbambilu
21Napanii i MIRI la banjaru weli diangu:#banjaru weli diangu; tàngaru-ya la 50:3. “Kaluluku-nya na ma-mandapu-nya na Marataïmu dàngu Pekutu. Pameti dàngu patàlaru-ha nyuda. Pahàra-nya na pareta-nggu. Nyungga, MIRI, mambàda panii,” wàna.
22Na lingu pa-kangaburungu nakanduu la tana, jia-duyaka hi nakabu ailulu mbuu ndàbada. 23Na nggubulu pinu tana napalu-ya paraï Mbambilu hi lupa nakabu. Nàhu na palu nuna mbata-nanyaka! Mbuu ndàbana na banjaru na-katàtaku ba narongu-ya jàka nggàraya na-manjadi-nya nuna na tana.
24Napanii i MIRI, “Mbambilu, nyumu mu-lawangga Nyungga, jia-duyaka hiu tungu la hiru na pa-batangu-kau, tàka nyumu ndau pàda-anya. 25Na kuru madàka-nggu ku-bunggahu-yaka, dàngu wàngu mbeninggu paluhu-dunggu-njaka da madàka, nadu Nyungga MIRI Mahupu-jangga dàngu Mahupu-mbiha kuwunda-maya bàdi na wai ngeranggu la Mbambilu. 26Làndahu-nyawa na Mbambilu welingu la nggi - nggini, dàngu tumburu-ha da uma uhu nggàndumu! Pabundu-nja da banda pa-rambangu hama tuna bai pa-bundungu uhu nggàndumu! Pamolu-nya nuna na tana! Àmbu ningudu pabili! 27Pameti hàlaha da tanatara-na! Pa-hanggubalu-maha! Ura dedi-anaka na banjaru Mbambilu! Jia-mayaka na rehina ba hukunja!” wàna.
(28Da tau da mapalai la Yeruhali welingu la Mbambilu da-wàlahu-ya jàka nggikina i MIRI Alanda ba na-himbalu-ya na paruku-na na tau Mbambilu hangganya na Umana i MIRI.)
29Napanii i MIRI, “Paràha-nja da mini pana ka da-kaluluku-nya na Mbambilu. Awahu-ya nimbihu-na na tauka na mamàhi papana. Nggupulu-ya nuna na paraingu dàngu àmbi pahiangu-du haàtu pa-tamàhiku. Tumanja hiluda da paruku-na dàngu palua-nya lima hama tudana na hurina, nadu ba na-katadaku nyuna hanggangga Nyungga, Mahupu-matua, Ala Ihirailu. 30La lodu nuna napa da-yàmihu da bidi minida la ànda - ànda la paraingu-da, tàka da tanatara-na nggubulu-da nda nggàra-mapa la lodu nuna. Nyungga, MIRI, mambàda panii, wàna.
31Mbambilu, nyumu lalu mbana jangga etikau! Kirina nuna Nyungga, MIRI Mahupu-jangga, Ala Mahupu-mbiha, ku-ndubaku-kau! Rehi-manaka nyumu ba kuhuku-nggau. 32Na banjaru-mu na majangga etina napa na-tunjuru hi nanjoru. Nda haàtu-ma napa mandula-kau la pa-hadangu. Da paraingu-mu napa kutunu-ha, dàngu mbuu ndàbada la winggiru-na napa pa-pamolungu-ha,” wàna.
33Napanii i MIRI Mahupu-mbiha, “Na tau Ihirailu dàngu na tau Yahunda pa-kapidihu-ha. Mbuu ndàbada da ma-tanawa-nja dadai pa-jàritu-manja dàngu nda dabihu-ma pa-pahàla-ha. 34Ba tuna Nyungga ma-kahiri-ha nyuda ku-kapàru, na tamunggu MIRI Mahupu-mbihaka. Nyungga wikima duku mapajàrungu la palakara-da nyuda dàngu mangàndi peku la pinu tana. Tàka la tau Mbambilu napa ku-patàka-nja kanyaüru dàngu mangàdatu,” wàna.
35Napanii i MIRI, “Tàlaru-nanyaka na Mbambilu pa-pohungu rayatu-na dàngu da mapawai ngaba la pareta hamanai da ma-kaminaku manggàna! 36Tàlaru-danyaka da wunangu Mbambilu! Ma-kambàliku-maha nyuda dàngu manduba-ha. Tàlaru-danyaka da tanatara Mbambilu da mambeni hanggangu! Kanjupu mangàdatu-ha! 37Pa-làjaru-maha da njara dàngu da kareta pabera-na! Tàlaru-danyaka da tanatara pahewa-na! Kanjupu ma-lamanga-maha! Pamolu-manya na pahanganji Mbambilu! Pariba-manja da banda da malanja-da! 38Pamihi-ha mbuu ndàbada da luku dàngu da wokana! Nadu na Mbambilu ba mbinu wàngu-nanya marapu pa-mayitangu, ma-pakatoba-ha da malumu-nja.
39Rukuna nuna-duka napa na Mbambilu hi pangia patau tana dàngu wàndi akatu#patau tana dàngu wàndi akatu; jàka ndia: da banda omangu dàngu ahu rumba. dàngu da ma-pawulu kàpa ota. Lundu nu - nu napa nda hilu ningu-apa tau mabihu pa-ngiangu lai nu. 40Hama tuna ba ku-pamolu-nya na Hondumu dàngu Nggomora papohungu da ndeha la winggiru-na, tuna numbu ba ku-pamolu-nya na Mbambilu. Nda ana haàtu-mapa napa mahili ndàdiku lai nu. Nyungga, MIRI, mambàda panii.
41Na hau banjaru ma-kapàru nàmunya welingu la tana mamarau nàmu diangu. Nyuda mai kariangu-danya hanganji dangu ka pabera.
42Nyuda da-dàkangu pana dàngu nimbu;
nyuda dambana etida dàngu nda dapingu pa-paaï.
Hama lingu tehiku ma-ngalingu
tuna nu na lingu kanduku wihi njarada da pa-ràmbahu
ka da-talanjiru la pa-kaluluku-nya na Mbambilu.
43Ba narongu-yaka na matuna nu,
ka nda hili nggiki wàna-mapa na hanganji Mbambilu.
Nyuna na-njàkapu-ya mangàdatu, dàngu na-mayila
hama tuna na kawini na matiki pa-habola.
44Hama tuna na hinga na majia luhu biana weli dalungu la oma timbi la lihi Luku Yorundangu hi namai ningu la maràda ngia paniti-da rumba da mbimbi, tuna numbu Nyungga, MIRI, napa ba kumai hi ku-pawiti-nya na tau Mbambilu papalai harabàndangu welingu la paraingu-da. Hàla hi kupindi haàtu liku uru ka na-pareta-ya nuna na banjaru.
Nggamu-yaka na mahama-ngga Nyungga? Nggamu nu matoru mbeni pa-palakara dàngga Nyungga? Màla ningu nu liku uru mamàka palawa-ngga Nyungga? 45Jia ba tuna, patingi-nya jàka nggàraya na pambàda pakaka-nggu na ngerana na paraingu Mbambilu, dàngu jàka nggàraya na pawunda ba wànggu hangganya na ma-mandapu-nya. Da anada nyudambu pa-ruruhu-ha napa hi laku ngàndiha, hi na-mangàdatu hàla mbuu ndàba na tau. 46Jàka nanjoru-ka na Mbambilu, parongu-ya napa na pariwatu nda najaru hi lupa na-kanggupuku hàla nggubulu-na na pinu tana; ba la - ladana na ma-mandapu-nya napa narongu-ya paraï da banjaru hawiangu,” wàna.
Currently Selected:
YERIMIA 50: KAM
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
YERIMIA 50
50
Na njoruna na Mbambilu
1Yianaya na lii languna i MIRI lai nyungga ngerana na paraingu Mbambilu dàngu na ma-mandapu-nya, 2“Jakarungu-wa tanda dàngu pakada-nya la ba - banjaru ba mbàda njoru-naka na Mbambilu! Àmbu kàpi-dunya nuna! Na Marondàku na marapu-na pa-palàjaru-yaka, da kahala hadana da ma-hawàli pabera bàbaru-haka, hamanai da marapu-na pa-pawawa halawàla-ha.
3Na hau banjaru weli diangu napa nàmunya la pa-kaluluku-nya na Mbambilu dàngu na tana nuna napa natuya marada bulu. Na tau dàngu da banda palai-danyaka napa, dàngu nda hilu ningu-apa ma-mbuhangu pa-ngiangu lai nu,” wàna.
Na belina na Ihirailu
4Napanii i MIRI, “La rehi nuna da tau Ihirailu dàngu Yahunda damai pa-kariangu dàngu hiida, dahimbu-ka Nyungga, Alada. 5Napa da-paàra-nya na ànda hanggangu la Hiungu, hàla hi dalaku hanggangu lai nu. Napa nyuda datuu pa-ràndingu ma-palupangu dàngu Nyungga, dàngu hi da-pamàndu pangala-manya.
6Na banjaru-nggu beri hama mbimbi pa-màtangu-ha ka da-njàrangu la ma-palindingu paraï da ma-pawangu. Hi da-njadangu welingu la hau palindi laku la hau palindi dàngu nda dahilu pinyapa nggiya na umada. 7Pa-nàhaku dàngu pa-pamayila-ha nyuda paraï mbuu ndàba biana na ma-hàmburu-ha. Dapanii da muhu banjaru-nggu, ‘Nggàraya na pawunda-nda, nda nanjala-a, nadu nyuda ba njala-mada-nyaka lai MIRI. Da boku la mangilu-da dawaiya i MIRI, làti da-tuturu mànu-maka bàdi lai Nyuna,’ wàda.
8Ha banjaru Ihirailu, palaiwa welingu la Mbambilu! Nyimi-maka bàdi malaku mangilu, ka namangu pa-pandutungu hawiangu. 9Napa Nyungga ku-pauhingu ba hau dada da banjaru ma-kapàru weli diangu, ka da-kaluluku-nya na Mbambilu. Napa da-wandalu-ha da pajurungu-da la palawa-nya na Mbambilu hi datalu-ya. Bai mini pana mahupu màhi-maha, da panada ndedi da handàkangu-ma panjala. 10Na Mbambilu napa pa-rambangu-ya, tàka da tau da ma-rambangu napa àtalu eti-biada-ka papiti hàlaya. Nyungga, MIRI, mambàda panii,” wàna.
Na njoruna na Mbambilu
11Napanii i MIRI, “Ha tau Mbambilu, nyimi miramba-nya na banjaru-nggu. Punduhu - punduhu-mi paraï pa-hawola hama tuna njara makangii, dàngu hama tuna hapi ma-talànga niti rumba. 12Tàka napa banjaru manda ana tama la diha-makaika nyimi la honga mbuu ndàba banjaru. Jiapa na paraingu-mi na ma-bokulu pa-pawawa dàngu pa-pamakia mbuya napa. Na tanami napa nanjadi-ya maràda telangu mabulu dàngu mamàdu. 13Rukuna ba kuhangga-nya, napa nanjadi-ya kanànda na Mbambilu dàngu nda ningupa mangia-nya. Mbuu ndàbada da mali ningu lai nu napa da-katàtaku dàngu da-mangginggitu.
14Ha dimi mini pana! Wandalu-ya na pambami la pa-nggupulu dàngu la pa-kaluluku-nya na Mbambilu. Patàngi pahangga ndàbanja la Mbambilu da ana panami, ba mbàda njala-dunaka lai Nyungga. 15Wara-nyawa na warangu pabera la weli winggiru-na na paraingu! Nàhu nyàku-nanyaka na Mbambilu. Da kangeli-na pa-tumbuku-haka dàngu hi nyungguru-ha. Talànga tungu-nggunya hiluma hanggangu la Mbambilu. Jia ba tuna paluangu limami lai nyuda hama tuna nyuda ba da-paluangu limada la tau hawiangu. 16Àmbi pahia-nya na tau pa-tondungu jàka ndia pamuti la tana nuna. Mbuu ndàbada da tau nàmu da ma-ngiangu lai nu napa dabeli la tanada, nadu ba da-mangàdatu-nya na tanatara na mamai pa-kaluluku,” wàna.
Na Ihirailu beli-nanyaka
17Napanii i MIRI, “Na tau Ihirailu hama tuna kabàba mbimbi pa-kehangu dàngu hi na-weharu paiha-nja paraï hinga. La kawunga-na nyuda na-kaluluku-nja paraï hanganji Ahuru, hàla i Nembukatunehàru hanganji Mbambilu na ma-pànggitu-ha da riida nyuda. 18Kirina nuna-duka, Nyungga, MIRI Mahupu-mbiha, Ala Ihirailu, napa kuhuku-nya i Hanganji Nembukatunehàru dàngu na paraina hama tuna ba tunggu nu ba kuhuku-nya na hanganji Ahuru. 19Napa ku-pabeli-nya Nyungga na tau Ihirailu la paraida. Napa nyuda dangangu welingu la ihina na tana la Palindi Kàramilu dàngu la ngaba Mbahàngu. Napa nyuda pa-pambihu-ha wàngu ihi tana ngaba Epuraïmu dàngu Nggiliatu. 20La rehi nuna na Ihirailu dàngu Yahunda napa yahangu-danyaka welingu la njala, nadu Nyungga napa ba kujàma-dunja njalada da tau pambàda pamara-nggu. Nyungga, MIRI mambàda panii,” wàna.
Na hukungu-na na Mbambilu
21Napanii i MIRI la banjaru weli diangu:#banjaru weli diangu; tàngaru-ya la 50:3. “Kaluluku-nya na ma-mandapu-nya na Marataïmu dàngu Pekutu. Pameti dàngu patàlaru-ha nyuda. Pahàra-nya na pareta-nggu. Nyungga, MIRI, mambàda panii,” wàna.
22Na lingu pa-kangaburungu nakanduu la tana, jia-duyaka hi nakabu ailulu mbuu ndàbada. 23Na nggubulu pinu tana napalu-ya paraï Mbambilu hi lupa nakabu. Nàhu na palu nuna mbata-nanyaka! Mbuu ndàbana na banjaru na-katàtaku ba narongu-ya jàka nggàraya na-manjadi-nya nuna na tana.
24Napanii i MIRI, “Mbambilu, nyumu mu-lawangga Nyungga, jia-duyaka hiu tungu la hiru na pa-batangu-kau, tàka nyumu ndau pàda-anya. 25Na kuru madàka-nggu ku-bunggahu-yaka, dàngu wàngu mbeninggu paluhu-dunggu-njaka da madàka, nadu Nyungga MIRI Mahupu-jangga dàngu Mahupu-mbiha kuwunda-maya bàdi na wai ngeranggu la Mbambilu. 26Làndahu-nyawa na Mbambilu welingu la nggi - nggini, dàngu tumburu-ha da uma uhu nggàndumu! Pabundu-nja da banda pa-rambangu hama tuna bai pa-bundungu uhu nggàndumu! Pamolu-nya nuna na tana! Àmbu ningudu pabili! 27Pameti hàlaha da tanatara-na! Pa-hanggubalu-maha! Ura dedi-anaka na banjaru Mbambilu! Jia-mayaka na rehina ba hukunja!” wàna.
(28Da tau da mapalai la Yeruhali welingu la Mbambilu da-wàlahu-ya jàka nggikina i MIRI Alanda ba na-himbalu-ya na paruku-na na tau Mbambilu hangganya na Umana i MIRI.)
29Napanii i MIRI, “Paràha-nja da mini pana ka da-kaluluku-nya na Mbambilu. Awahu-ya nimbihu-na na tauka na mamàhi papana. Nggupulu-ya nuna na paraingu dàngu àmbi pahiangu-du haàtu pa-tamàhiku. Tumanja hiluda da paruku-na dàngu palua-nya lima hama tudana na hurina, nadu ba na-katadaku nyuna hanggangga Nyungga, Mahupu-matua, Ala Ihirailu. 30La lodu nuna napa da-yàmihu da bidi minida la ànda - ànda la paraingu-da, tàka da tanatara-na nggubulu-da nda nggàra-mapa la lodu nuna. Nyungga, MIRI, mambàda panii, wàna.
31Mbambilu, nyumu lalu mbana jangga etikau! Kirina nuna Nyungga, MIRI Mahupu-jangga, Ala Mahupu-mbiha, ku-ndubaku-kau! Rehi-manaka nyumu ba kuhuku-nggau. 32Na banjaru-mu na majangga etina napa na-tunjuru hi nanjoru. Nda haàtu-ma napa mandula-kau la pa-hadangu. Da paraingu-mu napa kutunu-ha, dàngu mbuu ndàbada la winggiru-na napa pa-pamolungu-ha,” wàna.
33Napanii i MIRI Mahupu-mbiha, “Na tau Ihirailu dàngu na tau Yahunda pa-kapidihu-ha. Mbuu ndàbada da ma-tanawa-nja dadai pa-jàritu-manja dàngu nda dabihu-ma pa-pahàla-ha. 34Ba tuna Nyungga ma-kahiri-ha nyuda ku-kapàru, na tamunggu MIRI Mahupu-mbihaka. Nyungga wikima duku mapajàrungu la palakara-da nyuda dàngu mangàndi peku la pinu tana. Tàka la tau Mbambilu napa ku-patàka-nja kanyaüru dàngu mangàdatu,” wàna.
35Napanii i MIRI, “Tàlaru-nanyaka na Mbambilu pa-pohungu rayatu-na dàngu da mapawai ngaba la pareta hamanai da ma-kaminaku manggàna! 36Tàlaru-danyaka da wunangu Mbambilu! Ma-kambàliku-maha nyuda dàngu manduba-ha. Tàlaru-danyaka da tanatara Mbambilu da mambeni hanggangu! Kanjupu mangàdatu-ha! 37Pa-làjaru-maha da njara dàngu da kareta pabera-na! Tàlaru-danyaka da tanatara pahewa-na! Kanjupu ma-lamanga-maha! Pamolu-manya na pahanganji Mbambilu! Pariba-manja da banda da malanja-da! 38Pamihi-ha mbuu ndàbada da luku dàngu da wokana! Nadu na Mbambilu ba mbinu wàngu-nanya marapu pa-mayitangu, ma-pakatoba-ha da malumu-nja.
39Rukuna nuna-duka napa na Mbambilu hi pangia patau tana dàngu wàndi akatu#patau tana dàngu wàndi akatu; jàka ndia: da banda omangu dàngu ahu rumba. dàngu da ma-pawulu kàpa ota. Lundu nu - nu napa nda hilu ningu-apa tau mabihu pa-ngiangu lai nu. 40Hama tuna ba ku-pamolu-nya na Hondumu dàngu Nggomora papohungu da ndeha la winggiru-na, tuna numbu ba ku-pamolu-nya na Mbambilu. Nda ana haàtu-mapa napa mahili ndàdiku lai nu. Nyungga, MIRI, mambàda panii.
41Na hau banjaru ma-kapàru nàmunya welingu la tana mamarau nàmu diangu. Nyuda mai kariangu-danya hanganji dangu ka pabera.
42Nyuda da-dàkangu pana dàngu nimbu;
nyuda dambana etida dàngu nda dapingu pa-paaï.
Hama lingu tehiku ma-ngalingu
tuna nu na lingu kanduku wihi njarada da pa-ràmbahu
ka da-talanjiru la pa-kaluluku-nya na Mbambilu.
43Ba narongu-yaka na matuna nu,
ka nda hili nggiki wàna-mapa na hanganji Mbambilu.
Nyuna na-njàkapu-ya mangàdatu, dàngu na-mayila
hama tuna na kawini na matiki pa-habola.
44Hama tuna na hinga na majia luhu biana weli dalungu la oma timbi la lihi Luku Yorundangu hi namai ningu la maràda ngia paniti-da rumba da mbimbi, tuna numbu Nyungga, MIRI, napa ba kumai hi ku-pawiti-nya na tau Mbambilu papalai harabàndangu welingu la paraingu-da. Hàla hi kupindi haàtu liku uru ka na-pareta-ya nuna na banjaru.
Nggamu-yaka na mahama-ngga Nyungga? Nggamu nu matoru mbeni pa-palakara dàngga Nyungga? Màla ningu nu liku uru mamàka palawa-ngga Nyungga? 45Jia ba tuna, patingi-nya jàka nggàraya na pambàda pakaka-nggu na ngerana na paraingu Mbambilu, dàngu jàka nggàraya na pawunda ba wànggu hangganya na ma-mandapu-nya. Da anada nyudambu pa-ruruhu-ha napa hi laku ngàndiha, hi na-mangàdatu hàla mbuu ndàba na tau. 46Jàka nanjoru-ka na Mbambilu, parongu-ya napa na pariwatu nda najaru hi lupa na-kanggupuku hàla nggubulu-na na pinu tana; ba la - ladana na ma-mandapu-nya napa narongu-ya paraï da banjaru hawiangu,” wàna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)